Osee 11:8 - Bibeli Gusunɔn Gari

⁸ Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Osee 11:8 Iomraidhean Croise

Torubu 14:8

Yerɑ Sodomun sunɔ seewɑ kɑ Gomɔrɑn sunɔ kɑ Adimɑn sunɔ kɑ Seboimun sunɔ kɑ Belɑn sunɔ ye bɑ mɑɑ sokumɔ Soɑri, bɑ dɑ bɑ kɑ sinɑm be tɑbu yinnɑ Sidimun wɔwɑɔ.

Sɑmuɛli II 24:16

Sɑɑ ye Yinni Gusunɔn ɡɔrɑdo u sɔɔru kpɑ u kɑ Yerusɑlɛmu kpeerɑsiɑ, yerɑ Yinni Gusunɔ u ɡɔ̃ru ɡɔsiɑ u wɑhɑlɑ bɑkɑ ye yɔ̃rɑsiɑ. Mɑ u ɡɔrɑdo wi sɔ̃ɔwɑ u nɛɛ, yɑ turɑ mɛ. A wunɛn nɔmɑ wĩɔ minin di. Sɑɑ ye sɔɔ, ɡɔrɑdo wi, u wɑ̃ɑwɑ Arɑfunɑ Yebusin doo soo yerun bɔkuɔ.

Sinɑmbu I 3:26

Yerɑ wɔnwɔndɑ bii win mɛron tii mwɑ. Mɑ u sinɑ boko sɔ̃ɔwɑ u nɛɛ, nɛn yinni, nɑ nun kɑnɑmɔ, ɑ nùn bii wi wɛ̃ɛyɔ. A ku de bu nùn ɡo. Adɑmɑ turo wini u nɛɛ, ɑ nùn burɑnɔ kpɑ u ku ko bɛsɛn ɡooɡii.

Sinɑmbu II 13:23

Adɑmɑ Yinni Gusunɔ u bu mɛɛrimɑ, mɑ u ben wɔnwɔndu wɑ, ɑrukɑwɑni ye u kɑ Aburɑhɑmu kɑ Isɑki kɑ Yɑkɔbu bɔkuɑn sɔ̃. U ǹ wure u bu biru kisi, bu kɑm ko.

Bɑndun Gɑri II 36:15

N deemɑ Gusunɔ ben bɑɑbɑbɑn Yinni wi, u bu kirɔ kuɑ yee yellun di sɑɑ win sɔmɔbun min di. Domi u kĩ u win tɔmbu kɑ win sɑ̃ɑ yee te fɑɑbɑ ko.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Esɑi 16:11

Nɛn wɑsi yi diirumɔ Mɔɑbun sɔ̃ nɡe mɔrɔku sɛrum. Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

Esɑi 63:15

Yinni Gusunɔ, ɑ mɛɛrimɑ sɑɑ wɔllun di mi wunɛn wɑ̃ɑ yee dɛɛrɑru kɑ yiikoɡirɑ wɑ̃ɑ, kpɑ ɑ wɑ ye yɑ sun mɔ̀. Mɑnɑ wunɛn hɑniɑ kɑ wunɛn dɑm mu wɑ̃ɑ. Wee ɑ sun wunɛn kĩru kɑ wunɛn wɔnwɔndu wunɑri.

Yeremi 18:8

Adɑmɑ bwese te, tɑ̀ n ten dɑɑ kɔsɑ tɑ nuku kɔ̃suru deri, nɑ rɑ tu deriwɑ nɑ kun mɑɑ tu kɔ̃sɑ kue.

Yeremi 3:12

Yen sɔ̃, ɑ doo sɔ̃ɔ yɛ̃sɑn nɔm ɡeu ɡiɑ ɑ Isirelibɑ ɡɑri yini sɔ̃ ɑ nɛɛ, bu wurɑmɑ, nɑ ǹ kɑ bu nɔnu kɔ̃su mɛɛrimɔ. Domi nɑ sɑ̃ɑwɑ wɔnwɔnduɡii. Nɑ ku rɑ mɔru ko n kɑ tɛ.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Yeremi 42:10

ì n sinɑ tem mɛ sɔɔ, u koo de bɛɛn tɔmbu bu tɑ̃si. U ǹ mɑɑ bu ɡoomɔ. U koo bɛɛ swĩiwɑ i n nuuru mɔ. U ǹ bɛɛ wukɑmɔ, u ǹ mɑɑ derimɔ kɔ̃sɑ yu bɛɛ deemɑ ye u rɑɑ bwisikɑ u bɛɛ kuɑ.

Yeremi 9:6

Nɛ, Gusunɔ, wɔllu kɑ tem Yinni, nɑ nɛɛ, wee, kon bu sɔwɑ n ben lɑɑkɑri mɛɛri. Domi nɑ ǹ yɛ̃ ye kon kɑ nɛn tɔn beni ko ben nuku kɔ̃surun sɔ̃.

Yeremi 9:7

Wee, tɔn ben yɑrɑ yɑ sɑ̃ɑwɑ nɡe sɛ̃ɛ dɛ̃ɛɡuu ɡe ɡɑ rɑ ɡo. Weesɑ bɑ rɑ n mɔ̀, kpɑ bɑ n ben berusebu bɔri yɛndun ɡɑri sɔ̃ɔmɔ. Adɑmɑ ben ɡɔ̃ruɔ, yinɑ bɑ rɑ n bu bɛrie.

Swĩi 1:20

Yinni Gusunɔ, ɑ nɛn nɔni swɑ̃ɑru mɛɛrio, nɛn bwɛ̃rɑ kun kpĩ. Nɑ nuki sɑnkire too, domi nɑ ǹ nun mɛm nɔɔwɛ. Tɔɔwɔ tɑbu sun dimɔ. Mɑ wuun sɔɔwɔ ɡɔɔ wɑ̃ɑ.

Swĩi 3:32

Bɑɑ ù n derɑ yɛ̃ro u nɔni swɑ̃ɑru wɑ, kɑ mɛ, u nùn kĩ too, domi win wɔnwɔndɑ kpɑ̃.

Swĩi 3:33

N ǹ win kĩru u kɑ tɔnu nɔni sɔ̃, kpɑ u nùn nuki sɑnku.

Esekiɛli 33:11

Adɑmɑ ɑ bu wisio ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, sere kɑ nɛn wɑ̃ɑru, nɑ ǹ tɔn kɔ̃son ɡɔɔ kĩ. Nɑ kĩwɑ u ɡɔ̃ru ɡɔsiɑ kpɑ u wɑ u n wɑ̃ɑ. Yen sɔ̃, be, Isirelibɑ bu ɡɔ̃ru ɡɔsio. Mbɑn sɔ̃nɑ bɑ koo tii ɡo.

Esekiɛli 6:9

Sɑɑ ye sɔɔ, be, be bɑ kisirɑ bɑ koo mɑn yɑɑyɑ mi bɑ yoru dimɔ. Domi kon ben ɡɔ̃ru ɡe wĩɑ ɡe ɡɑ ǹ kɑ nɛ turo yɔ̃. Kon ben sɑkɑrɑ nɔni wĩɑ yi bɑ kɑ bũnu mɛɛrɑ. Ben tii bɑ koo tii tusi, kɔ̃sɑ kpuro ye bɑ kuɑn sɔ̃.

Osee 6:4

Yinni Gusunɔ u nɛɛ, bɛɛ Yudɑbɑ kɑ Isirelibɑ, mbɑ kon bɛɛ kuɑ. Wee bɛɛn kĩru nɛn sɔ̃ tɑ sɑ̃ɑwɑ nɡe bururun kɑkoru ǹ kun mɛ nɡe dirum mɛ mu rɑ yɑrinɛ fuuku.

Osee 7:1

kpɑ n bu bɛkiɑ, sɑɑ yerɑ ben durum mɑɑ sɔ̃ɔsirɑ Sɑmɑriɔ. Gbɛnɔbu bɑ dumɔ diɑɔ bɑ ɡbɛnimɔ. Mɑ ben ɡɑbɑ yibɑ swɛɛ sɔɔ.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Amɔsu 7:3

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di. U nɛɛ, yeni yɑ ǹ mɑɑ koorɑmɔ.

Amɔsu 7:6

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di u nɛɛ, yenin tii yɑ ǹ mɑɑ koorɑmɔ.

Misee 5:3

Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Sofoni 2:9

Yen sɔ̃nɑ wi, Gusunɔ Isirelibɑn Yinni, wi, wi u wɔllu kɑ tem mɔ, u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nɡe Sodomuɡibu, kpɑ Amɔnibɑ bu mɑɑ kɑm ko nɡe Gomɔrɑɡibu, ben tem mu yɑkɑ kɔ̃susu kpi, ǹ kun mɛ mu ɡɔsirɑ bɔru. Gɑ̃ɑnu kun mɑɑ kpiimɔ mi sere kɑ bɑɑdommɑɔ. Win tɔn be bɑ tie, bɑ koo Mɔɑbu be, kɑ Amɔni be wɔri bu ben yɑ̃nu ɡurɑ bu tem tubi di.

Mɑteu 23:37

Mɑ Yesu u nɛɛ, Yerusɑlɛmu, Yerusɑlɛmu, wunɛ wi ɑ rɑ Gusunɔn sɔmɔbu ɡo kpɑ ɑ be u nun ɡɔriɑ kpenu kɑsuku. Nɔn nyewɑ nɑ kĩɑ n wunɛn tɔmbu kpɑɑsinɑ nɛn bɔkuɔ nɡe mɛ ɡoo mɛro ɡɑ rɑ ɡen binu mɛnnɛ ɡen kɑsɑ sɔɔ, ɑdɑmɑ i ǹ wure.

Sɔ̃ɔsiru 29:22

kɑ sɔ̃ɔ bisu kɑ bɔru sere bɑ ǹ kpɛ̃ bu ɡɑ̃ɑnu duure, ɡɑ̃ɑnu kun mɑm kpɛ̃ nu kpi mɛ sɔɔ bɑɑ yɑkɑsu su ǹ seemɔ mi. Bɑ mu kpeerɑsiɑwɑ nɡe Sodomu kɑ Gomɔrɑ kɑ Adimɑ kɑ Seboimu, wuu si Yinni Gusunɔ u kpeerɑsiɑ kɑ win mɔru bɑkɑ.

Sɔ̃ɔsiru 29:23

Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ.

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Piɛɛ II 2:6

U wuu si bɑ sokumɔ Sodomu kɑ Gomɔrɑ tɑɑrɛ wɛ̃ mɑ u su kɑm koosiɑ kɑ dɔ̃ɔ. Nɡe mɛyɑ su kuɑ yĩreru tɔn kɔ̃so be bɑ koo rɑ nɑn sɔ̃.

Yudu 1:7

Mɛyɑ mɑɑ Sodomu kɑ Gomɔrɑ, kɑ wuu si su su sikerenɛ, si kpuron tɔmbu bɑ mɑɑ dɑɑ bɛrɛtɛkɛ kuɑ, tɔn durɔbu kɑ tɔn durɔbu bɑ tii sɑnkunɑmɔ. Bɑ wuu si kpeerɑsiɑ kɑ dɔ̃ɔ wi u ku rɑ ɡbi, mɑ n kuɑ yĩreru tɔmbun sɔ̃.

Kɑ̃siru 11:8

Ben ɡonu ko n kpĩ wuu bɔkɔ ɡen swɑɑ sɔɔ, wuu mi bɑ ben Yinni dɑ̃ɑ bunɑnɑru kpɑre. Wuu ɡen yĩsirɑ bɑ weenɑsinɑ kɑ Sodomu, ǹ kun mɛ kɑ Eɡibiti.

Kɑ̃siru 18:18

bɑ nɔɔɡiru suɑ ye bɑ wuu ɡen dɔ̃ɔ mwɑɑrɑbun wiisu wɑ bɑ nɛɛ, wuu ɡɑɡu mɑɑ sɑri nɡe wuu bɔkɔ ɡeni.

Kpɑrobu 10:16

Yerɑ Isireli be, bɑ bũu ni wunɑ ben suunu sɔɔn di, bɑ Yinni Gusunɔ sɑ̃wɑ. Sɑɑ ye sɔɔrɑ u ben wɔnwɔndu wɑ, wɑhɑlɑ ye bɑ bu mɔ̀n sɔ̃.