Osee 11:5 - Bibeli Gusunɔn Gari

⁵ Adɑmɑ bɑ yinɑ bu nɑ nɛn mi. Yen sɔ̃nɑ nɑ nɛɛ, bɑ koo dɑ Eɡibitiɔ kpɑ Asiriɡii u ko ben sunɔ.

Osee 11:5 Iomraidhean Croise

Sinɑmbu II 15:19

Yen biru Pulu Asirin sinɑ boko u nɑ u Isirelibɑ wɔri. Yerɑ Mɛnɑhɛmu u nùn sii ɡeesun tɔnnu tɛnɑ wɛ̃ u kɑ wɑ u nùn deri kpɑ u mɑɑ win bɑndu tɑ̃sisiɑ.

Sinɑmbu II 15:29

Pekɑn wɑɑti ye sɔɔrɑ Tiɡilɑti Pilesɛɛ, Asirin sinɑ boko, u Iyoni mwɑ kɑ Abɛli Bɛti Mɑɑkɑ kɑ Yɑnɔɑ, kɑ Kedɛsi kɑ Hɑsori kɑ Gɑlɑdi kɑ Gɑlilen tem kɑ Nɛfitɑlibɑn tem kpuro. Mɑ u tem mi kpuron tɔmbu mwɛɛrɑ u kɑ dɑ Asiriɔ.

Osee 10:6

Domi bɑ koo kɑ ɡu dɑ Asiriɔ bu ɡu ben sinɑ boko wɛ̃. Isirelibɑ bɑ koo sekuru wɑ. Bɑ koo nɑ̀ n dɑɑ yɛ̃ ko ye bɑ kɑ bũu kuɑ ben suunu sɔɔ.

Osee 5:13

Mɛyɑ Isirelibɑ bɑ tii bɑrɑru wɑɑsi. Mɑ Yudɑbɑ bɑ ben bosu wɑ. Mɑ Isirelibɑ bɑ ɡɔrɑ Asiriɔ bu kɑ sinɑ boko Yɑrɛbu somiru kɑnɑ. Adɑmɑ u ǹ kpɛ̃ u bu bɛkiɑ u sere nɛɛ, u koo ben bosu kpeesiɑ.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Osee 7:16

Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Osee 8:13

Bɑ rɑ yɛɛ ɡo bu kɑ mɑn yɑ̃kuru kuɑ, kpɑ bu yin yɑɑ tem. Adɑmɑ ben yɑ̃ku ni, nu ǹ mɑn doremɔ. Nɑ ǹ ben torɑnu duɑri. Kon bu sɛɛyɑsiɑ. Yen sɔ̃nɑ bɑ koo ɡɔsirɑ bu dɑ Eɡibitiɔ.

Osee 9:3

Isirelibɑ bɑ ǹ sinɑmɔ tem mɛ Yinni Gusunɔ u bu wɛ̃ sɔɔ. Bɑ koo wurɑmɑ Eɡibitiɔ ǹ kun mɛ Asiriɔ. Kpɑ bu dĩɑ sesenuɡinu di mi.

Osee 9:6

Ì n bɛɛn yɛnusu deri bɑnsu, Eɡibitiɡibɑ koo bɛɛ dɑm koosiɑ ben mi. Adɑmɑ yen wuu ɡe bɑ mɔ̀ Mɛnfisi ɡɑ ko n sɑ̃ɑwɑ nɡe bɛɛn sikiru. Awĩi yi koo bɛɛn ɑrumɑni di. Kpɑ sɑ̃ki yi kpi bɛɛn kunɔ.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Amɔsu 4:6

N wee nɑ derɑ ɡɔ̃ɔrɑ duɑ bɛɛn wuu mɑrosu kpuro sɔɔ. Mɑ i dĩɑnu biɑ bɛɛn yɛnusu kpuro sɔɔ. Adɑmɑ kɑ mɛ, i ǹ ɡɔsirɑmɛ nɛn mi. Nɛ, Yinni Gusunɔwɑ nɑ yeni ɡeruɑ.

Amɔsu 5:27

Yen sɔ̃, u koo de bu bɛɛ yoru mwɛɛri bu kɑ dɑ sere Dɑmɑsin berɑ ɡiɔ. Wi, Gusunɔ wɔllu kɑ tem Yinniwɑ u yeni ɡeruɑ.

Sɔ̃ɔsiru 17:16

Sinɑ boko wi, u ǹ ko u n dumi mɔ dɑbi dɑbiru. U ǹ ko u n dɑ mɑɑ ɡɑbu ɡɔri Eɡibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u ǹ kĩ i mɑɑ wurɑ mi.