Osee 10:6 - Bibeli Gusunɔn Gari

⁶ Domi bɑ koo kɑ ɡu dɑ Asiriɔ bu ɡu ben sinɑ boko wɛ̃. Isirelibɑ bɑ koo sekuru wɑ. Bɑ koo nɑ̀ n dɑɑ yɛ̃ ko ye bɑ kɑ bũu kuɑ ben suunu sɔɔ.

Osee 10:6 Iomraidhean Croise

Sinɑmbu II 17:3

Yerɑ Asirin sinɑ boko Sɑɑmɑnɑsɑɑ u Osee wi wɔri u kɑmiɑ, mɑ u nùn ɡobi bure wɔ̃ɔ kɑ wɔ̃ɔ ye u ko n dɑ kɔsie.

Yoobu 18:7

U ǹ mɑɑ sĩimɔ kɑ toro sindu. Win tiin bwisi koo nùn surɑ.

Esɑi 1:29

Sɑɑ ye sɔɔ, dɑ̃ɑ bɑkɑnu kɑ dɑ̃ɑ sɔ̃ɔ si su sɑ̃ɑ bɛɛn bũu yenu, su koo de i sekuru wɑ.

Esɑi 30:3

Adɑmɑ u ǹ kpɛ̃ u bu fɑɑbɑ ko. U koo bu sekuru dokewɑ.

Esɑi 45:16

Gusunɔ u Isirelibɑ fɑɑbɑ kuɑ ye yɑ ǹ nɔru mɔ. Bɑ ǹ sekuru wɑsi sere kɑ bɑɑdommɑɔ. Adɑmɑ be bɑ bwɑ̃ɑrokunu sekumɔ, bɑ koo tukɑ kɑ sekuru.

Yeremi 48:13

Mɔɑbu be, bɑ koo sekuru wɑ ben bũu wi bɑ mɔ̀ Kemɔsin sɔ̃, nɡe mɛ Isirelibɑ bɑ sekuru wɑ bũu wi u wɑ̃ɑ Betɛliɔn sɔ̃, domi wi sɔɔrɑ bɑ ben nɑɑnɛ doke.

Yeremi 7:24

Adɑmɑ bɑ ǹ swɑɑ tem kpĩ bu nɛn ɡɑri nɔ. Ben tiin ɡɔ̃ru kĩrɑ bɑ swĩi, mɑ ben dɑɑ kɔ̃sɑ yɑ sosi.

Esekiɛli 16:28

Yen biru mɑ ɑ dɑ ɑ kɑ Asiriɡibu sɑkɑrɑru kuɑ, domi ɑ ǹ debɑ. A dɑ ɑ tii bu wɛ̃. Adɑmɑ kɑ mɛ, ɑ ǹ debɑ.

Esekiɛli 36:31

Sɑɑ ye sɔɔrɑ bɑ koo tubu mɑ ben kookoosu kɑ ben dɑɑ yɑ ǹ wɑ̃ kpɑ bu tii tusi yen sɔ̃.

Dɑniɛli 11:8

U koo ben bũnun bwɑ̃ɑrokunu ɡurɑ ni bɑ kuɑ kɑ sii ɡɑndu kɑ ben ɡɑ̃ɑ ɡee ni bɑ kɑ wurɑ kɑ sii ɡeesu kuɑ u kɑ dɑ Eɡibitiɔ. Kpɑ u kɑ sinɑ boko wi u wɑ̃ɑ sɔ̃ɔ yɛ̃sɑn nɔm ɡeu ɡiɑ mi tondɑ sɑɑ fiiko.

Osee 4:19

Sɔ̃ɔ teeru woo ɡɑ koo nɑ ɡu bu suɑ ɡu kɑ doonɑ kpɑ bu sekuru wɑ ben yɑ̃ku nin sɔ̃.

Osee 4:7

Nɡe mɛ bɑ dɑbiɑmɔ, nɡe mɛyɑ bɑ mɑn torɑrimɔ bɑ dɔɔ. Kon ben bɛɛrɛ kpeesiɑ kpɑ bu sekuru wɑ.

Osee 5:13

Mɛyɑ Isirelibɑ bɑ tii bɑrɑru wɑɑsi. Mɑ Yudɑbɑ bɑ ben bosu wɑ. Mɑ Isirelibɑ bɑ ɡɔrɑ Asiriɔ bu kɑ sinɑ boko Yɑrɛbu somiru kɑnɑ. Adɑmɑ u ǹ kpɛ̃ u bu bɛkiɑ u sere nɛɛ, u koo ben bosu kpeesiɑ.

Osee 8:6

Wi u bwɑ̃ɑrokunun sɔmburu yɛ̃ Isirelibɑ sɔɔ wiyɑ u nɑɑ wurɑɡiɑ ye kuɑ. Yɑ ǹ sɑ̃ɑ Gusunɔ. Yen sɔ̃nɑ bɑ koo ye kɔsuku muku muku.

Misee 6:16

Domi i sinɑ boko Omirin dɑɑ kɔ̃sɑ sɑɑrimɔ kɑ sere mɑɑ Akɑbuɡiɑ. I ben dɑɑ sɑɑrimɔwɑ mɑm mɑm. Yen sɔ̃nɑ kon de bɛɛn wuu ɡu ko bɑnsu. Kpɑ n de bu bɛɛ yɛ̃ɛ. I ko i sekuru wɑ bɛɛ kpuro nɡe mɛ nɛn tɔmbu bɑ rɑ wɑ.