Osee 10:12 - Bibeli Gusunɔn Gari

¹² Yen sɔ̃ tɛ̃, bɛɛ Isirelibɑ i ɡbee kpɑɑru koowo i ɡem duure. Kpɑ i durom ɡɛ̃. Domi sɑɑ yɑ turɑ i kɑ ɡɔsirɑmɑ nɛ, Yinni Gusunɔn mi, kpɑ n bɛɛ susi n bɛɛ ɡeɑ kuɑ.

Osee 10:12 Iomraidhean Croise

Womusu 105:4

I Yinni Gusunɔn dɑm kɑsuo. I kɑsuo i n kɑ nùn wɑ̃ɑ.

Womusu 72:6

Yinni Gusunɔ, ɑ de nɛ, sinɑ boko nɑ n ɑrufɑɑni mɔ nɡe ɡurɑ ye yɑ nɛmɔ ɡbee te bɑ kɔrɔ kuɑ sɔɔ, ǹ kun mɛ nɡe nim ɑrufɑɑniɡum mɛ mu kokumɔ ɡberɔ,

Mɔnnu 11:18

Tɔn kɔ̃son sɔmburun ɑre kun ɑrufɑɑni mɔ, ɑdɑmɑ wi u ɡem swĩi, ɑre ɡeeyɑ u rɑ n mɔ.

Mɔnnu 18:21

Gɑri yi koo kpĩ yi tɔnu ɡo. Yi koo mɑɑ kpĩ yi nùn wɑ̃ɑru wɛ̃. Wi u rɑ ɡɑri sɑɑri u koo yin ɑre wɑ.

Wɑɑsu kowo 11:6

A wunɛn dĩɑnu duuruo bururu, kpɑ ɑ n wɑ̃ɑsi mi kɑ yokɑɔ. A ku nɛɛ, kɑɑ wɛ̃rɑ. Domi ɑ ǹ yɛ̃ yen ye yɑ koo ɡeɑ ko.

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Esɑi 44:3

Kon de nim mu tɛriɑ tem ɡbebum wɔllɔ, kpɑ dɑru koki yi yɑri min di. Kon nɛn Hunde yibie wunɛn bibun bweseru sɔɔ, kpɑ n bu domɑru kuɑ.

Esɑi 45:8

Kon de nɑsɑrɑ yu nɑ wɔllun di nɡe ɡurɑ, kpɑ tem mu nɔɔ wukiɑ mu de fɑɑbɑ yu kpi, kpɑ ɡem mu kpɛ̃ɑ kɑ ye sɑnnu. Nɛ, Yinni Gusunɔwɑ nɑ ye kpuro mɔ̀.

Esɑi 48:18

Ì n dɑɑ win woodɑbɑ mɛm nɔɔwɑ, ɑlɑfiɑ yɑ ko n bɛɛ wɑ̃ɑsiwɑ, nɡe dɑɑ bɑkɑrun nim mɛ mu rɑ n tɛrie.

Esɑi 5:6

U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

Esɑi 54:14

Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

Esɑi 55:6

Ǹ n mɛn nɑ, i Yinni Gusunɔ kɑsuo tɛ̃ sɑɑ ye u wɑ̃ɑ bɛɛn bɔkuɔ. I nùn sokuo sɑnɑm mɛ u wɑ̃ɑ bɛɛn turuku.

Yeremi 50:4

Yinni Gusunɔ u nɛɛ, yen tɔ̃ɔ te, Isirelibɑ kɑ Yudɑbɑ bɑ koo wurɑmɑ ben temɔ sɑnnu, bɑ n sumɔ, bɑ n nɛ Gusunɔ, ben Yinni kɑsu.

Esekiɛli 34:26

Kon de nu n wɑ̃ɑ ɡuu te nɑ ɡɔsɑn bɔkuɔ. Kpɑ n nu domɑru kuɑ n de ɡurɑ yu nɛ yen sɑɑ sɔɔ.

Osee 12:6

Nɛnɑ Gusunɔ wɔllu kɑ tem Yinni. Nɛn yĩsirɑ Wi u rɑ n wɑ̃ɑ.

Osee 14:1

Nɑ kon de bu Sɑmɑri sɛɛyɑsiɑ yèn sɔ̃ yen tɔmbu bɑ nɛ Gusunɔ ben Yinni seesi. Bɑ koo bu ɡowɑ tɑbu sɔɔ kpɑ bu ben bii piiminu nɑm. Kpɑ bu ben kurɔ be bɑ ɡuri mɔn nukunu bɛsuku.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Osee 8:7

Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Amɔsu 5:4

Wee ye Yinni Gusunɔ u mɑɑ bɛɛ Isirelibɑ sɔ̃ɔmɔ. U nɛɛ; ì n kĩ i n wɑ̃ɑ, wiyɑ i ko kɑsu.

Amɔsu 5:6

Bɛɛ be i rɑ ɡem ɡɔsie weesu, kpɑ i kun mu ɡɑrisi ɡɑ̃ɑnu, i nɑ wi, Yinni Gusunɔn mi, kpɑ i wɑ i n wɑ̃ɑ, kpɑ u ku rɑɑ bɛɛ Isirelibɑ wɔri u mwɑ nɡe dɔ̃ɔ. Kpɑ i ɡoo biɑ Betɛliɔ wi u koo dɔ̃ɔ wi ɡo.

Amɔsu 5:8

Yinni Gusunɔwɑ u kperi bwese bwesekɑ kuɑ, mɑ u yen bɑɑyere yi yen ɑyerɔ. U rɑ yɑm wɔ̃kuru ɡɔsie yɑm bururɑm. Kpɑ u de sɔ̃ɔ sɔɔ ɡu tĩrɑ, ɡu ɡɔsiɑ wɔ̃kuru. U rɑ nim wɔ̃kun nim mɛnnɛ, kpɑ u mu yɛ̃kɑnɑ tem kpuro sɔɔ.

Luku 13:24

i kookɑri koowo i kɑ du sɑɑ kɔnnɔ ɡe ɡɑ ǹ yɑsun di. Domi nɑ bɛɛ sɔ̃ɔmɔ, dɑbirɑ tɑ koo swɑɑ kɑsu tu kɑ du, tɑ ǹ mɑɑ kpɛ̃.

Gɔrobun Kookoosu 2:18

Sɑnɑm mɛ sɔɔ, kon nɛn Hunde doke nɛn sɔm kowobu sɔɔ tɔn durɔbu kɑ tɔn kurɔbɔ, kpɑ bu Gusunɔn ɡɑri ɡere.

Korinti II 9:10

Gusunɔ wi u wuko bweseru wɛ̃ɛmɔ u duure, kɑ dĩɑnu u kɑ di, wiyɑ u koo bɛɛ bweseru kpuro wɛ̃ tèn bukɑtɑ i mɔ, kpɑ u tu kpiisiɑ, kpɑ bɛɛn ɡem mu bii dɑbinu mɑ.

Yɑkɔbu 3:18

Be bɑ nɔɔ tiɑ kɑsu bɑ duurumɔ kɑ ɑlɑfiɑ, mɑ bɑ ɡem ɡɛ̃ɛmɔ.