Osee 10:11 - Bibeli Gusunɔn Gari

¹¹ Isirelibɑ bɑ sɑ̃ɑwɑ nɡe nɑɑ kpɛmi yi yi rɑ dobi tɑɑku. Adɑmɑ kon suɡu doke ben wĩi burɑ ni sɔɔ. Kon de Yudɑbɑ bu kɔrɔ ko, kpɑ be, Yɑkɔbun bweseru bu tem kusɑnu kɔsuku.

Osee 10:11 Iomraidhean Croise

Esɑi 28:24

Wi u ɡbɑɑru kɔrɑmɔ u kɑ dĩɑnu duure u ku rɑ n kɔrɔ tɔnɑ mɔ̀ u n dɔɔ bɑɑdommɑ.

Yeremi 28:14

Nɛ Gusunɔ, Isirelibɑn Yinni, nɛ wi nɑ wɔllu kɑ tem mɔ, nɑ nɛɛ, wee nɑ suɡu sisuɡiɑ dokemɔ bwese ni kpuron wĩinɔ, kpɑ nu kɑ Nɛbukɑnɛsɑɑ, Bɑbilonin sinɑ boko yoru diiyɑ. Bɑɑ kɑ ɡbeeku yɛɛyɔ, kon nùn ye nɔmu bɛriɑwɑ.

Yeremi 46:20

Bɛɛ Eɡibitiɡibu, i sɑ̃ɑwɑ nɡe nɑɑ ɡbiibɑ ye yɑ wɑ̃. Adɑmɑ wee, dɑru swɑ̃ɑ ɡɑɑ yɑ wee sɑɑ sɔ̃ɔ yɛ̃sɑn nɔm ɡeu ɡiɑn di, yu ye wɔri.

Yeremi 50:11

Bɛɛ Bɑbiloniɡibu, bɛɛ be i nɛn ɑrumɑni ɡurɑ, i nuki doro. I n yɔ̃ɔkumɔ nɡe nɑɑ kpɛmi yɑkɑsɔ. I n sumɔ nɡe dum dwɛɛ.

Osee 11:4

Nɑ bu ɡɑwɑmɑ nɛn mi kɑ kĩru mɑ nɑ bu dĩɑnu wɛ̃ nɡe wi u yɑɑ sɑbenun suɡu yiiyɑmɔ u kɑ nu nɔɔri.

Osee 2:5

Mɑ n kun mɛ, kon win yɑ̃nu potiri mɑm mɑm kpɑ n nùn yɔ̃su tereru nɡe mɛ bɑ kɑ nùn mɑrɑ. Kon de u n sɑ̃ɑ nɡe tem mi ɡɑ̃ɑnu ku rɑ kpi, kpɑ n de nim nɔru ɡu nùn ɡo.

Osee 3:1

Mɑ Osee u nɛɛ, Yinni Gusunɔ u mɑn sɔ̃ɔwɑ u nɛɛ, n doo n kpɑm nɛn kurɔ wi kĩɑ wi ɡoo u kĩɑ mɑ u sekuru sɑriru mɔ̀. N kurɔ wi kĩɔ nɡe mɛ wi, Yinni Gusunɔ u Isirelibɑ kĩ, bɑɑ mɛ bɑ nùn biru kisi bɑ dɑ bɑ bũnu sɑ̃ɑmɔ mɑ bɑ resɛm kirɑnu kĩ ni bɑ rɑ kɑ bũu ni sɑ̃.

Osee 4:16

Isirelibɑ bɑ sɑ̃ɑwɑ nɡe nɑɑ ɡbiibɑ ye bɑ kpɑnɑ bu kpɑrɑ. Adɑmɑ tɛ̃, Yinni Gusunɔ u koo bu yɔ̃su bɑtumɑ sɔɔ nɡe yɑ̃ɑnu.

Osee 9:1

Bɛɛ Isirelibɑ, i ku tɔ̃ɔ bɑkɑru ko ɡɛ̃ɛbun sɑɑ sɔɔ nɡe bwese ni nu tie. Domi i Yinni Gusunɔ biru kisi. Mɑ i dɑ i bũnu ɡɑsirimɔ i nu siɑrɑmɔ mi bɑ ɑlikɑmɑ soomɔ kpuro.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Romu 16:18

Domi tɔn ben bweseru bɑ ǹ sɑ̃ɑ be bɑ Kirisi bɛsɛn Yinnin wɑ̃ɑru wɑ̃ɑ, ben nukuruɡiɑ bɑ mɔ̀. Kɑ ɡɑri dori kɑ kɔkiribɑ, bɑ kɑ tɑki sɑriruɡibu swɑɑ nim wiɑmɔ.

Sɔ̃ɔsiru 25:4

I ku bɛɛn nɑɑ kinɛrun nɔɔ bɔke sɑɑ ye tɑ sɔmburu mɔ̀ dĩɑnu sɔɔ.