Osee 1:4 - Bibeli Gusunɔn Gari

⁴ Mɑ Yinni Gusunɔ u nɛɛ, i bii wi yĩsiru kɛ̃ɛyɔ Yisirɛɛli. Domi sɑɑ fiiko sɔɔ kon Yehun yɛnuɡibu wɔri yèn sɔ̃ bɑ tɔmbun yɛm yɑri Yisirɛɛliɔ, kpɑ n Isirelibɑn bɑndu kpeerɑsiɑ.

Osee 1:4 Iomraidhean Croise

Sinɑmbu II 10:1

Akɑbu u bibu mɔwɑ wɑtɑ kɑ wɔkuru, bɑ wɑ̃ɑ Sɑmɑriɔ. Mɑ Yehu u Yisirɛɛlin sinɑmbu tireru yoruɑ kɑ yen ɡuro ɡurobu kɑ sere be bɑ Akɑbun bii be nɛni u nɛɛ,

Sinɑmbu II 10:17

Ye bɑ turɑ Sɑmɑriɔ, mɑ Yehu u Akɑbun tɔn be bɑ tie kpuro ɡo. U bu kpeerɑsiɑ nɡe mɛ Yinni Gusunɔ u ɡeruɑ sɑɑ win sɔmɔ Elin nɔɔn di.

Sinɑmbu II 15:29

Pekɑn wɑɑti ye sɔɔrɑ Tiɡilɑti Pilesɛɛ, Asirin sinɑ boko, u Iyoni mwɑ kɑ Abɛli Bɛti Mɑɑkɑ kɑ Yɑnɔɑ, kɑ Kedɛsi kɑ Hɑsori kɑ Gɑlɑdi kɑ Gɑlilen tem kɑ Nɛfitɑlibɑn tem kpuro. Mɑ u tem mi kpuron tɔmbu mwɛɛrɑ u kɑ dɑ Asiriɔ.

Sinɑmbu II 15:8

Asɑriɑ Yudɑbɑn sinɑ bokon bɑndun wɔ̃ɔ weeru yiru sɑrise sɔɔrɑ, Sɑkɑri Yeroboɑmun bii u kuɑ Isirelibɑn sinɑ boko Sɑmɑriɔ. U kuɑwɑ suru nɔɔbɑ tiɑ bɑndu sɔɔ.

Esɑi 7:14

Wee tɛ̃ win tii u koo bɛɛ yĩreru wɛ̃. Wɔndiɑ ɡoo u koo ɡurɑ suɑ kpɑ u bii tɔn durɔ mɑ, kpɑ u nùn yĩsiru kɛ̃ Emɑnuɛli.

Esɑi 8:3

Yen biruwɑ nɑ kɑ nɛn kurɔ mɛnnɑ, mɑ u ɡurɑ suɑ u bii tɔn durɔ mɑrɑ. Yerɑ Yinni Gusunɔ u mɑn sɔ̃ɔwɑ u nɛɛ, n nùn yĩsiru kɛ̃ɔ Mɑhɛɛ Sɑlɑli Hɑsibɑsi.

Esɑi 9:6

U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

Yeremi 20:3

Adɑmɑ yen sisiru bururu, Pɑsuri u Yeremi dɑ̃ɑ ye wunɑ. Mɑ Yeremi u nùn sɔ̃ɔwɑ u nɛɛ, Yinni Gusunɔ kun mɑɑ nun sokumɔ Pɑsuri. Yĩsi ten tubusiɑnɑ bɔri yɛndɑ kɑ nun sikerenɛ. Adɑmɑ tɛ̃, u nun sokumɔ Mɑɡɔɔ Misɑbibu. Yen tubusiɑnɑ nɑndɑbu kɑ nun sikerenɛ.

Yeremi 3:8

Isirelibɑ bɑ tem mɛ disi doke ben bũu ɡɑsiribun sɔ̃ kɑ ben sekuru sɑrirun sɔ̃ te bɑɑwure u ɡerumɔ. Mɑ bɑ bũu sɑ̃ɑmɔ kpenu kɑ dɑ̃nun nuurɔ. Yen sɔ̃nɑ nɑ bu yinɑ mɑ nɑ bu yinɑbun tireru wɛ̃. Kɑ mɛ, nɑ wɑ Yudɑbɑ bɑ ǹ bɛrum kue. Bɑ dɑwɑ bɑ bũnu ɡɑsirɑ ben tii. Bɑ ǹ wurɑmɛ nɛn mi kɑ ben ɡɔ̃ru kpuro. Weesu sɔɔrɑ bɑ yɔ̃.

Esekiɛli 23:10

Mɑ bɑ win yɑ̃nu potirɑ bɑ nùn yɔ̃su tereru. Mɑ bɑ win bibu ɡurɑ bɑ kɑ doonɑ. Yen biru bɑ win tii ɡo kɑ tɑkobi. U sɛɛyɑsiɑbu wɑ bi bu kuɑ seedɑ tɔn kurɔ be bɑ tien sɔ̃.

Esekiɛli 23:31

A wunɛn mɔɔn yirɑ swĩi. Yen sɔ̃nɑ kon de ɑ nɛn mɔrun nɔrɑ ye nɔ nɡe wi.

Osee 1:6

Yenibɑn biru, Gomɛɛ u mɑɑ ɡurɑ suɑ mɑ u bii tɔn kurɔ mɑrɑ. Mɑ Yinni Gusunɔ u Osee sɔ̃ɔwɑ u nɛɛ, ɑ nùn yĩsiru kɛ̃ɛyɔ Lo Ruhɑmɑ. Yen tubusiɑnɑ bii wi bɑ yinɑ. Domi nɑ ǹ mɑɑ Isirelibɑ wɔnwɔndu kuɑmmɛ. Nɑ ǹ bu suuru kuɑmmɛ.

Osee 1:9

Mɑ Yinni Gusunɔ u nɛɛ, ɑ nùn yĩsiru kɛ̃ɛyɔ Lo Ami. Yen tubusiɑnɑ n ǹ nɛn tɔmbu. Domi i ǹ mɑɑ sɑ̃ɑ nɛn tɔmbu, nɑ ǹ mɑɑ sɑ̃ɑ bɛɛn Yinni.

Osee 2:13

Kon win nuku dobu kpuro kpeerɑsiɑ kɑ tɔ̃ɔ bɑkɑ ni u rɑ ko suru kɑ suru kɑ tɔ̃ɔ wɛ̃rɑruɡiru kɑ sere mɛnnɔ si u rɑ ko sɑ̃ɑrun swɑɑ sɔɔ.

Osee 9:17

Osee u nɛɛ, Gusunɔ nɛn Yinni u bu yinɑ yèn sɔ̃ bɑ ǹ win ɡɑri swɑɑ dɑki. Bɑ koo kowɑ yɑɑyɑɑre kowobu bwesenun suunu sɔɔ.

Amɔsu 9:8

Wee, nɛ, Yinni Gusunɔ nɑ Isirelibɑn bɑndu nɔni ɡirɑri, domi tɑ torɑ. Kon tu kpeerɑsiɑwɑ hɑnduniɑ sɔɔ. Adɑmɑ n ǹ mɔ Isirelibɑ kpurowɑ kon kpeerɑsiɑ. Nɛ, Yinni Gusunɔwɑ nɑ yeni ɡeruɑ.

Mɑteu 1:21

U koo bii tɔn durɔ mɑ, kpɑ ɑ nùn yĩsiru kɛ̃ Yesu , domi u koo win tɔmbu fɑɑbɑ ko sɑɑ ben durum di.

Luku 1:13

Mɑ ɡɔrɑdo wi, u nùn sɔ̃ɔwɑ u nɛɛ, ɑ ku bɛrum ko Sɑkɑri, domi bɑ wunɛn kɑnɑru mwɑ. Wunɛn kurɔ Elisɑbɛti u koo nun bii tɔn durɔ mɑruɑ, kpɑ ɑ nùn yĩsiru kɛ̃ Yohɑnu.

Luku 1:31

Wee kɑɑ ɡurɑ suɑ ɑ bii tɔn durɔ mɑ kpɑ ɑ nùn yĩsiru kɛ̃ Yesu.

Luku 1:63

Mɑ u bu ɡɑ̃ɑnu bikiɑ nì sɔɔ u koo yore mɑ u yoruɑ, Yohɑnuwɑ win yĩsiru. Mɑ biti yɑ tɔn be kpuro mwɑ.

Yohɑnu 1:42

Mɑ u kɑ Simɔɔ dɑ Yesun mi. Yesu nùn mɛɛrɑ mɑ u nɛɛ, wunɑ Simɔɔ, Yohɑnun bii. Sefɑwɑ bɑ ko n dɑ nun soku. Yĩsi te, kɑ te bɑ mɔ̀ Piɛɛ, ye kpuron tubusiɑnɑ, kperu.

Yosue 19:18

Wuu si su wɑ̃ɑ ye sɔɔ, siyɑ Yisirɛɛli kɑ Kesulɔtu kɑ Sunɛmu,