6 Tɔmbu kpurowɑ bɑ koo Gusunɔn fɑɑbɑ wɑ.”
Sɑɑ yerɑ Yinni Gusunɔ u koo win yiiko sɔ̃ɔsi, kpɑ tɔmbu kpuro bu ye wɑ sɑnnu. Yinni Gusunɔn tiiwɑ u ɡeruɑ mɛ.
U nɛɛ, nɑ n kɑ sɑ̃ɑ win sɔm kowo, kpɑ n kɑ Isirelibɑn bwese ni nu tie seeyɑ, yɑ ǹ ɡɑ̃ɑnu turɑ. Wee u mɑn kuɑ bwese tukunun yɑm bururɑm, kpɑ n kɑ win fɑɑbɑ dɑ hɑnduniɑn ɡoonu nnɛ kpuro sɔɔ.
U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.
Mɑ u bu sɔ̃ɔwɑ u nɛɛ, i doo hɑnduniɑn bɑɑmɑ kpuro kpɑ i bweseru bɑɑtere Lɑbɑɑri ɡeɑ wɑɑsu kuɑ.
Domi wunɑnɑbu sɑri Yuubɑ kɑ tɔn tukobu sɔɔ. Be kpuro Yinni turowɑ bɑ mɔ. Win dukiɑ mɑɑ sɑ̃ɑ be bɑ nùn sokumɔ kpuroɡiɑ.
Adɑmɑ nɑ bikiɑmɔ, kɑ ɡeemɑ bɑ ǹ nɔɔre ro? Bɑ nuɑ. Domi bɑ yoruɑ, “Nɔɔ ɡe, ɡɑ nɔɔrɑ tem kpuro sɔɔ, mɑ ɡɑri yi, yi turɑ sere hɑnduniɑn nɔrɔ.”
