Dɑniɛli 9:8 - Bibeli Gusunɔn Gari

⁸ Yinni, wee sɑ sekuru sɔɔwɑ bɛsɛ kɑ bɛsɛn sinɑmbu kɑ bɛsɛn wiruɡibu kɑ bɛsɛn bɑɑbɑbɑ. Domi sɑ nun torɑri.

Dɑniɛli 9:8 Iomraidhean Croise

Sinɑmbu II 21:15

Domi bɑ mɑn kɔ̃sɑ kuɑ, bɑ nɛn mɔru seeyɑmɔ sɑɑ dɔmɑ tèn di nɑ ben bɑɑbɑbɑ yɑrɑmɑ sɑɑ Eɡibitin di.

Bɑndun Gɑri II 6:37

bɑ̀ n bwisikɑ tem mi bɑ yoru dimɔ mi mɑ bɑ ɡɔ̃ru ɡɔsiɑ mɑm mɑm bɑ nun tii wɛ̃, mɑ bɑ tem mɛni mɛɛrimɑ mɛ ɑ ben bɑɑbɑ wɛ̃, kɑ wuu ɡeni ɡe ɑ ɡɔsɑ kɑ sɑ̃ɑ yee te nɑ nun bɑniɑ mini, bɑ̀ n kɑnɑru mɔ̀ bɑ mɔ̀, bɑ nun torɑri, bɑ durum kuɑ,

Nɛɛmi 1:6

A mɑn mɛɛrimɑ. A swɑɑ dɑkio ye nɑ nun kɑnɑmɔ nɛ wunɛn sɔm kowo. Sɔ̃ɔ sɔɔ kɑ wɔ̃kuru nɑ nun kɑnɑmɔ bɛsɛ Isirelibɑn sɔ̃, bɛsɛ wunɛn sɔm kowobu. Nɑ nun kɑnɑmɔ ɑ sun bɛsɛn durum wɔko. Geemɑ, nɛ kɑ nɛn yɛnuɡibu sɑ torɑwɑ,

Esɑi 64:4

Wi u ɡem swĩi kɑ nuku dobu, kɑ sere be bɑ wunɛn woodɑ yɑɑye, bɑ sĩimɔ ye sɔɔ, berɑ ɑ rɑ swɑɑ ɡbiiye. Adɑmɑ ɑ kɑ sun mɔru kuɑ yèn sɔ̃ sɑ durum kuɑ. Kɑ mɛ, sɑ rɑ n durum ye mɔ̀wɑ sɑ n dɔɔ sɑɑ yellun di.

Yeremi 14:20

Yinni Gusunɔ, sɑ durum kuɑ wunɛn mi. Sɑ tubɑ mɑ nuku kɔ̃surɑ sɑ kuɑ, bɛsɛ kɑ bɛsɛn bɑɑbɑbɑ.

Yeremi 32:32

Domi Yudɑbɑ kɑ Yerusɑlɛmuɡibu kɑ Isirelibɑ, be kɑ ben sinɑmbu kɑ ben sinɑ ɑsɑkpɔbu kɑ ben yɑ̃ku kowobu kɑ Gusunɔn sɔmɔbu, bɑ kɔ̃sɑ kuɑ. Yerɑ yɑ nɛn mɔru seeyɑ.

Yeremi 7:19

Adɑmɑ kɑ ɡem, n ǹ nɛ bɑ torɑrimɔ, beyɑ bɑ tii sekuru dokemɔ.

Swĩi 1:18

Yinni Gusunɔ u ɡem mɔ ye u kɑ kuɑ mɛ. Domi nɑ ǹ win ɡere mɛm nɔɔwɛ. Bɛɛ bwesenu kpuro, i swɑɑ dɑkio i nɔ, kpɑ i nɛn nuku sɑnkirɑnu wɑ. Nɛn wɔndiɑbɑ kɑ nɛn ɑluwɑɑsibɑ bɑ yoru dɑ tem tukumɔ.

Swĩi 3:42

Su nɛɛ, Yinni, sɑ durum kuɑ, sɑ nun seesi. A ǹ sun suuru kue.

Swĩi 5:16

Bɛsɛn bɛɛrɛ yɑ kpɑ. Annɑ ɑ wɑhɑlɑ bɑkɑ wɑ torɑ ni sɑ kuɑn sɔ̃.

Esekiɛli 16:63

Kpɑ ɑ yɑɑyɑ ye ɑ kuɑ ɡɑsɔ, kpɑ sekuru tu nun mwɑ sere ɑ kpɑnɑ ɑ ɡɑri ɡere. Adɑmɑ nɛ kon nun wunɛn torɑnu kpuro suuru kuɑ. Nɛ, Yinni Gusunɔwɑ nɑ yeni ɡeruɑ.

Esekiɛli 5:6

Mɑ yen tɔmbu bɑ mɑn seesi n kere bwese tuku ni nu kɑ bu sikerenɛ. Domi bɑ nɛn woodɑbɑ yinɑ. Bɑ ǹ nɛn ɡere swĩi.

Dɑniɛli 9:9

Gusunɔ bɛsɛn Yinni, ɑ sun suuru kuo wunɛn wɔnwɔndun sɑɑbu bɑɑ mɛ sɑ wunɛn ɡɑri yinɑ.