Dɑniɛli 9:7 - Bibeli Gusunɔn Gari

⁷ Yinni Gusunɔ, ɑ sɑ̃ɑwɑ ɡemɡii. Bɛsɛrɑ sɑ torɑ. Mɑ sɑ wɑ̃ɑ sekuru sɔɔ ɡisɔ bɛsɛ Yudɑbɑ kɑ be bɑ wɑ̃ɑ Yerusɑlɛmuɔ kɑ Isirelibɑ kpuro be ɑ yɑrinɑsiɑ tontondeɔ kɑ turukuɔ yèn sɔ̃ sɑ ǹ nun mɛm nɔɔwɛ.

Dɑniɛli 9:7 Iomraidhean Croise

Ɛsidɑrɑsi 9:13

Bɛsɛn dɑɑ kɔ̃sɑ kɑ bɛsɛn torɑ bɑkɑnun sɔ̃nɑ yeni kpuro yɑ sun deemɑ. Adɑmɑ ɑ ǹ sun sɛɛyɑsie nɡe mɛ bɛsɛn torɑ ni, nu nɛ. Mɑ ɑ mɑɑ derɑ bɛsɛn ɡɑbɑ yɑkiɑrɑmɑ yorun di.

Ɛsidɑrɑsi 9:15

Gusunɔ bɛsɛ Isirelibɑn Yinni, wunɑ ɑ sɑ̃ɑ ɡemɡii. Bɛsɛ sɑ sɑ̃ɑwɑ be bɑ tiɑrɑ Isirelibɑ sɔɔ. Bɛsɛ wee wunɛn wuswɑɑɔ sɑ torɑ. Sɑ ǹ mɑɑ kpɛ̃ sɑ n kɑ wɑ̃ɑ mɛ wunɛn wuswɑɑɔ.

Nɛɛmi 9:33

A sɑ̃ɑwɑ nɑɑnɛɡii. A mɑɑ kuɑwɑ dee dee ɡɑ̃ɑ ni nu sun deemɑ sɔɔ. Adɑmɑ bɛsɛ, sɑ kuɑwɑ nɑɑnɛ sɑriruɡibu.

Womusu 119:137

Yinni Gusunɔ, ɑ sɑ̃ɑwɑ ɡemɡii. Wunɛn siribu bu rɑ n sɑ̃ɑwɑ dee dee.

Womusu 44:15

be, be bɑ sun sikerenɛ, bɑ sun yɛ̃ɛmɔ, bɑ sun yɑɑkoru mɔ̀. A derɑ bwese tukunu nu sun womu dokemɔ, mɑ nu sun wii ɡimɑnu koosimɔ kɑ yɑɑkoru.

Womusu 51:14

A kpɑm mɑn wunɛn fɑɑbɑn nuku dobu wɛ̃ɛyɔ, kpɑ kĩi ɡeeru tu nɛn hunde dɑm kɛ̃.

Womusu 51:4

A mɑn woburuo sɑ̃ɑ sɑ̃ɑ kpɑ ɑ nɛn kom kɔ̃sum wɔkɑ. A nɛn durum wunɔ kpɑ n sɑ̃rɑ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 45:16

Gusunɔ u Isirelibɑ fɑɑbɑ kuɑ ye yɑ ǹ nɔru mɔ. Bɑ ǹ sekuru wɑsi sere kɑ bɑɑdommɑɔ. Adɑmɑ be bɑ bwɑ̃ɑrokunu sekumɔ, bɑ koo tukɑ kɑ sekuru.

Yeremi 12:1

Yinni Gusunɔ, ɑ sɑ̃ɑwɑ ɡemɡii bɑɑdommɑ, nɑ ǹ kpɛ̃ n nun siribu soku. Adɑmɑ kɑ mɛ, nɑ kĩ n nun ɡɑ̃ɑnu bikiɑ wunɛn ɡem mɛ sɔɔ. Ye nɑ bikiɑmɔ wee. Mbɑn sɔ̃nɑ durumɡiin wɑ̃ɑru tɑ rɑ n kuurɑmɔ. Mbɑn sɔ̃nɑ ɑ rɑ de be bɑ ǹ nun nɑɑnɛ sɑ̃ɑ bɑ n wɑ̃ɑ bɔri yɛndu sɔɔ.

Yeremi 23:6

Win wɑɑti ye sɔɔ, Yudɑbɑ bɑ koo fɑɑbɑ wɑ. Kpɑ u de Isirelibɑ bɑ n wɑ̃ɑ bɔri yɛndu sɔɔ. Kpɑ bɑ n nùn sokumɔ bɑ n mɔ̀, Yinni Gusunɔwɑ u sɑ̃ɑ ben fɑɑbɑ kowo.

Yeremi 24:9

Tɔmbu bɑ̀ n bu wɑ bɑ koo biti soorɑ. Gee kon bu yɑrinɑsiɑ kpuro, bɑ koo bu yɛ̃ɛwɑ bu bu yɑɑkoru koosi kpɑ bɑ n wɑ̃ɑ sekuru sɔɔ kpɑ bɑ n dɑ kɑ ben yĩsiru tɔmbu bɔ̃rusi.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 32:32

Domi Yudɑbɑ kɑ Yerusɑlɛmuɡibu kɑ Isirelibɑ, be kɑ ben sinɑmbu kɑ ben sinɑ ɑsɑkpɔbu kɑ ben yɑ̃ku kowobu kɑ Gusunɔn sɔmɔbu, bɑ kɔ̃sɑ kuɑ. Yerɑ yɑ nɛn mɔru seeyɑ.

Yeremi 33:16

Yen tɔ̃ɔ te, Yuubɑ bɑ koo fɑɑbɑ wɑ kpɑ Yerusɑlɛmu yɑ n wɑ̃ɑ bɔri yɛndu sɔɔ, kpɑ bu ye yĩsiru kɛ̃, Yinni Gusunɔn miyɑ bɛsɛn ɡem wɑ̃ɑ.

Yeremi 4:17

Kpɑ bu Yerusɑlɛmu sikerenɑ nɡe be bɑ ɡberu kɔ̃su. Domi yen tɔmbu bɑ mɑn seesi. Nɛ, Yinni Gusunɔwɑ nɑ yeni ɡeruɑ.

Yeremi 7:19

Adɑmɑ kɑ ɡem, n ǹ nɛ bɑ torɑrimɔ, beyɑ bɑ tii sekuru dokemɔ.

Esekiɛli 16:63

Kpɑ ɑ yɑɑyɑ ye ɑ kuɑ ɡɑsɔ, kpɑ sekuru tu nun mwɑ sere ɑ kpɑnɑ ɑ ɡɑri ɡere. Adɑmɑ nɛ kon nun wunɛn torɑnu kpuro suuru kuɑ. Nɛ, Yinni Gusunɔwɑ nɑ yeni ɡeruɑ.

Esekiɛli 36:31

Sɑɑ ye sɔɔrɑ bɑ koo tubu mɑ ben kookoosu kɑ ben dɑɑ yɑ ǹ wɑ̃ kpɑ bu tii tusi yen sɔ̃.

Esekiɛli 5:10

Yen sɔ̃nɑ tundobɑ koo ben bibu tem, kpɑ bibu bu mɑɑ ben tundobu tem. Kon bu siriwɑ n ɡo, kpɑ n be bɑ tie yɑrinɑsiɑ hɑnduniɑn ɡoonu nnɛ sɔɔ.

Esekiɛli 6:12

Wi u tomɑ, bɑrɑrɑ tɑ koo nùn ɡo. Wi u mɑɑ wɑ̃ɑ turuku, tɑbu sɔɔrɑ bɑ koo nùn ɡo. Wi u koo sinɑ yɛnuɔ, bɑ koo nùn tɑrusiwɑ kpɑ u ɡbi ɡɔ̃ɔrun sɔ̃. Kon bu mɔru seesiwɑ mɑm mɑm.

Dɑniɛli 9:14

Gusunɔ bɛsɛn Yinni, wɑhɑlɑ ye ɑ nɛɛ, sɑ ko wɑ, yerɑ yɑ sun deemɑ. Ye ɑ kuɑ kpuro yɑ sɑ̃ɑwɑ dee dee. Bɛsɛrɑ sɑ ǹ nun mɛm nɔɔwɛ.

Dɑniɛli 9:18

Gusunɔ nɛn Yinni, ɑ swɑɑ dɑkio ɑ nɔ. A nɔni seeyo ɑ wuu ɡe bɑ kɑ wunɛn yĩsiru sokumɔ mɛɛri nɡe mɛ ɡɑ bɑnsu kuɑ. Sɑ yɛ̃ mɑ bɛsɛn dɛɛrɑrɑ kun turɑ su kɑ nun ɡɑ̃ɑnu ɡɑnu kɑnɑ. Adɑmɑ wunɛn wɔnwɔn bɑkɑrun sɔ̃nɑ sɑ nun yeni kɑnɑmɔ.

Dɑniɛli 9:8

Yinni, wee sɑ sekuru sɔɔwɑ bɛsɛ kɑ bɛsɛn sinɑmbu kɑ bɛsɛn wiruɡibu kɑ bɛsɛn bɑɑbɑbɑ. Domi sɑ nun torɑri.

Amɔsu 9:9

Wee, kon nɛn woodɑbɑ wɛ̃, kpɑ n Isirelibɑ sĩire bwese tukunun suunu sɔɔ nɡe mɛ bɑ rɑ dobi sĩire, bɑɑ yen bin teeru tɑ kun kɑ wɔrɑ.

Romu 6:21

Are yirɑ̀ i rɑɑ wɑ yè sɔɔ sekurɑ bɛɛ mɔ̀ tɛ̃. Yen wii ɡoberu mɑɑ ɡɔɔwɑ.

Sɔ̃ɔsiru 32:4

Yinni Gusunɔ u sɑ̃ɑwɑ nɡe kperu. U rɑ kowɑ dee dee. Win siribu bu rɑ n dɛɛrewɑ. U sɑ̃ɑwɑ nɑɑnɛɡii, murɑfitiru sɑri win mi. U sɑ̃ɑwɑ ɡemɡii.

Sɔ̃ɔsiru 4:27

Yinni Gusunɔ u koo de i n yɑrinɛwɑ bwese tukunun suunu sɔɔ kpɑ i kun dɑbi yɑ̃ɑtem mi u derɑ i yoru dimɔ.