Dɑniɛli 7:4 - Bibeli Gusunɔn Gari

⁴ Ye nɑ ɡbiɑ nɑ wɑ yɑ kɑ ɡbee sunɔ weenɛ mɑ yɑ ɡunɔ bɑkerun kɑsɑ mɔ. Ye nɑ mɑɑ mɛɛrɑ, yerɑ nɑ wɑ bɑ kɑsɑ ye wunɑ. Mɑ bɑ yen tii seeyɑ bɑ yɔ̃rɑsiɑ nɡe tɔnu. Mɑ bɑ ye tɔnun bwisikunu dokeɑ.

Dɑniɛli 7:4 Iomraidhean Croise

Sɑmuɛli II 1:23

Sɔɔlu kɑ Yonɑtɑm bɑ kĩɑnɑwɑ ben wɑ̃ɑrun tɔ̃ru kpuro sɔɔ. Bɑ ǹ kɑrɑnɛ bɑɑ kɑ ɡɔɔ sɔɔ. Bɑ sɑ̃u tɑbu sɔɔ n kere ɡunɔ bɑkenu. Bɑ ɡbee sinɑnsu dɑm kere.

Yoobu 25:6

kɑɑ sere ɡere tɔnu wi u sɑ̃ɑ nɡe kɔkɔbu?

Womusu 9:20

Yinni Gusunɔ, ɑ seewo. A ku de bu nɛɛ, tɔnuwɑ u kɑ nun kinɛnu mɔ̀. A ku de bwese tukunu nu nun ɑtɑfiiru ko. A bu sɛɛyɑsio nɡe mɛ n weenɛ,

Yeremi 25:38

Nɡe mɛ ɡbee sunɔ ɡɑ rɑ yɑri ɡen wɑ̃ɑ yerun di ɡu kɑ dĩɑnu kɑsu, nɡe mɛyɑ Yinni Gusunɔ u koo yɑri win wɑ̃ɑ yerun di, u de bwesenu nu ɡoonɑ kpɑ tem mu tɔmbu biɑ win mɔru bɑkɑn sɔ̃.

Yeremi 4:13

Mɑ Yudɑbɑ bɑ nɛɛ, ɡberɑ sun di, domi sɑ kɑm kuɑ. Wee, wi u koo sun kɑm koosiɑ u sĩimɔ nɡe ɡuru wiru. Win tɑbu kɛkɛ yi sɑ̃ɑ nɡe ɡuru woo. Mɑ win dumi yi ɡunɔ bɑkeru sɑ̃ɑbu kere.

Yeremi 4:7

Yibɛrɛ be bɑ rɑ bwesenu kɑm koosie bɑ seewɑ ben wɑ̃ɑ yerun di nɡe ɡbee sunɔ ɡe ɡɑ tii dɛmiɑmɔ ɡen bweun di, bɑ wee bu kɑ tem mɛ kɑm koosiɑ. Bɛɛ Yudɑbɑ, bɑ koo bɛɛn wusu kɔsuku kpɑ su ko bɑnsu.

Yeremi 48:40

Yinni Gusunɔ u nɛɛ, wee, yibɛrɛbɑ bɑ koo nɑ nɡe yɑberekunu ni nu bɛllimɔ wɔllɔ.

Yeremi 49:19

Ko nɑ n sɑ̃ɑwɑ nɡe ɡbee sunɔ ɡe ɡɑ yɑrimɑ Yuudɛnin ɡbee surorun di ɡɑ dɔɔ ɡu nim nɔ. Kpɑ n tɔmbu kpuro yɑrinɑsiɑ subɑru sɔɔ. Sɑɑ ye sɔɔrɑ kon Edɔmubɑ sunɔ kpɑo wɛ̃ wi nɛn tii nɑ ɡɔsɑ. Nɡe wɑrɑ u kɑ mɑn nɛ. Wɑrɑ u koo kpĩ u mɑn woodɑ wɛ̃. Sinɑ boko wɑrɑ u koo kpĩ u yɔ̃rɑ nɛn wuswɑɑɔ.

Swĩi 4:19

Bɛsɛn yibɛrɛ be, bɑ ɡunɔ bɑkeru sɑ̃ɑbu kere. Bɑ sun yɔɔru bwɛ̃ɛyɛ ɡbɑburɔ. Bɑ sun nɑɑ ɡire sere ɡuunu wɔllɔ.

Esekiɛli 17:3

A nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, ɡunɔ bɑkeru ɡɑrɑ wɑ̃ɑ tɑ kɑsɑ dɛ̃u mɑ tɑ sɑn bɑkɑsu mɔ si su nɔni bwese bwesekɑ mɔ. Mɑ tɑ yɔ̃ɔwɑ tɑ dɑ sere Libɑnin ɡuurun wii kpiirɔ. Mɑ tɑ dɑ tɑ dɑ̃ɑ ye bɑ mɔ̀ sɛdurun wii kpiiru wĩɑ.

Esekiɛli 28:2

tɔnun bii, ɑ Tirin sunɔ sɔ̃ɔwɔ ɑ nɛɛ, ɑmɛniwɑ nɛ, Yinni Gusunɔ nɑ ɡerumɔ. Nɑ nɛɛ, wee u tii suɑ sere u ɡerumɔ u mɔ̀, wiyɑ u sɑ̃ɑ Gusunɔ. Mɑ u sɔ̃ Gusunɔn sinɑ kitɑru wɔllɔ nim wɔ̃kun suunu sɔɔ. Adɑmɑ u n yɛ̃ mɑ u sɑ̃ɑwɑ tɔnu, n ǹ mɔ Gusunɔ, bɑɑ mɛ u tɑmɑɑ win bwisikunu sɑ̃ɑwɑ teenu kɑ nɛ Gusunɔɡinu.

Esekiɛli 28:9

Sɑɑ ye sɔɔ, bɑ̀ n nùn ɡoobu (200) nɑ, u koo kpĩ u mɑɑ nɛɛ, u sɑ̃ɑwɑ Gusunɔ? Aɑwo, u ko n sɑ̃ɑwɑ tɔnu, n ǹ mɔ Gusunɔ, wi u nùn ɡoomɔn nɔmɑɔ.

Dɑniɛli 7:12

Gbeeku yɛɛ yi yi tie, bɑ yin dɑm wɔrɑ. Adɑmɑ bɑ derɑ yi wɑ̃ɑ sere sɑɑ ɡɑɑ.

Dɑniɛli 7:5

Yen yiruse yɑ kɑ yɑɑ ɡɔbɑ weenɛ mɑ yɑ kɑ yɛ̃si tiɑ yɔ̃. Yɛ̃sɑn kukunu itɑwɑ yɑ nɔɔ bɛri. Mɑ bɑ ye sɔ̃ɔwɑ bɑ nɛɛ, yu seewo yu yɑɑ mwɛ.

Mɑteu 24:28

Yɑm mi ɡorɑ wɑ̃ɑ, miyɑ yɑberekunu koo mɛnnɑ.

Sɔ̃ɔsiru 28:49

U koo bɛɛ bweseru ɡɑru suremɑ tontonden di, tu bɛɛ wukiri nɡe ɡunɔ bɑkeru. I ǹ ko i bwese ten bɑrum nɔ.

Kɑ̃siru 13:2

Gbeeku yɑɑ ye nɑ wɑ yɑ sɑ̃ɑ nɡe musuku ɡbeeku, mɑ yen nɑɑsu sɑ̃ɑ nɡe wɔm ɡbɑ̃roɡisu, yen nɔɔ ɡɑ mɑɑ sɑ̃ɑ nɡe ɡbee sunɔɡuu. Yɑɑ binti binti te, tɑ ten tiin dɑm ɡbeeku yɑɑ ye wɛ̃ kɑ mɑɑ ten sinɑ kitɑru kɑ ten yiiko bɑkɑ.