Dɑniɛli 2:5 - Bibeli Gusunɔn Gari

⁵ Mɑ sinɑ boko u mɑɑ bu sɔ̃ɔwɑ u nɛɛ, wee ye nɑ ɡɔ̃ru doke n bɛɛ kuɑ. Ì kun mɑn dosu ɡen tii sɔ̃ɔwɑ kɑ ɡen tubusiɑnu sɑnnu, kon de bu bɛɛ bɔtiri bɔtiriwɑ kpɑ bɛɛn yɛnusu su ko bɑnsu.

Dɑniɛli 2:5 Iomraidhean Croise

Sinɑmbu II 10:27

Yen biru bɑ bũu dii te surɑ. Mɑ mi kpuro n kuɑ tɔmbun swɑɑ swĩi yeru sere kɑ ɡisɔ.

Ɛsidɑrɑsi 6:11

Wi u yinɑ u woodɑ yeni mɛm nɔɔwɑ, i yɛ̃ron dirun dɑ̃ru ɡɑru wuko i nɔɔ sɛm ko kpɑ i kɑ nùn ye sɔku i suɑsiɑ wɔllɔ. Yen biru kpɑ i dii te kɔsuku.

Womusu 50:22

I lɑɑkɑri koowo, kpɑ i swɑɑ dɑki i nɔ bɛɛ be i nɛ Gusunɔ duɑri. Mɑ n kun mɛ, kon bɛɛ sɛ̃re n yɑɑku. Goo kun mɑɑ kpɛ̃ u bɛɛ wɔrɑ.

Womusu 58:7

Yinni Gusunɔ, ɑ bu nɔɔ kɔsukuo. Be, be bɑ sɑ̃ɑ nɡe ɡbee sinɑn kpɛmminu mi, ɑ ben bɑɑ sɑburosu yɑkirio.

Dɑniɛli 2:12

Ye sinɑ boko u ben ɡɑri yi nuɑ, yerɑ u mɔru bɛsirɑ. Mɑ u woodɑ wɛ̃ bu Bɑbilonin bwisiɡibu kpuro ɡo.

Dɑniɛli 3:29

Tɛ̃ woodɑ ye nɑ wɛ̃ɛmɔ wee, tɔnu bɑɑwure bɑɑ ǹ n bwese teren nɑ u sɑ̃ɑ, mɑ u Gusunɔ, Sɑdɑki kɑ Mɛsɑki kɑ Abɛnɛɡon Yinni ɡɑri kɑm ɡerusi, nɑ kon de bu yɛ̃ro bɔtiriwɑ, kpɑ win yɛnu ɡu ko bɑnsu. Domi ɡoo mɑɑ sɑri wi u koo kpĩ u tɔnu fɑɑbɑ ko nɡe mɛ.

Dɑniɛli 4:9

Ten wurusu wɑ̃ mɑ tɑ mɑrɑ siki siki nɡe ɡɑndiɑ. Te sɔɔrɑ hɑnduniɑɡibu kpuro bɑ rɑ ben dĩɑnu wɑ. Ten sɑɑrɔwɑ ɡbeeku yɛɛ yi rɑ sɔ̃ɔ sure. Ten kɑ̃ɑsi wɔllɔwɑ ɡunɔsu su sokunu sɑ̃ɑ. Te sɔɔrɑ hunde koni bɑɑyere yɑ rɑ yen dĩɑnu wɑ.

Sɔ̃ɔsiru 13:16

Bɑ̀ n ye kuɑn nɑ, sɑɑ yerɑ i ko wuu ɡen tɔmbu kpuro ɡo kɑ ben yɑɑ sɑbenu kpɑ i wuu ɡen tii kpeerɑsiɑ kɑ ye yɑ wɑ̃ɑ ɡe sɔɔ.

Yosue 6:26

Yen biruwɑ Yosue u bɔ̃ruɑ u nɛɛ, bɑɑwure wi u seewɑ u Yeriko bɑnɑ kpɑm, u koo ko bɔ̃ruro Yinni Gusunɔn wuswɑɑɔ. Ù n kpɛɛkpɛɛku surɑmɔ, win bii ɡbiikoowɑ u koo ɡbi. Ù n mɑɑ bɑnɑ wiru ɡo u ɡɑmbobɑ dokemɔ, kpɑ win bii dɑ̃ɑko u ɡbi.

Sɑmuɛli I 15:33

Adɑmɑ Sɑmuɛli u nɛɛ, nɡe mɛ wunɛn tɑkobi yɑ tɔn kurɔbu ɡɑbun bibu ɡo, nɡe mɛyɑ wunɛn mɛro u koo mɑɑ bii biɑ. Mɑ Sɑmuɛli u Aɡɑɡi ɡo u bɔtirɑ Yinni Gusunɔn sɑ̃ɑ yerɔ Giliɡɑliɔ.