Dɑniɛli 1:2 - Bibeli Gusunɔn Gari

² Yerɑ Yinni Gusunɔ u derɑ u Yoyɑkimu kɑ win tɔmbu ɡɑbu mwɑ. Mɑ u derɑ u sɑ̃ɑ yerun dendi yɑ̃nu ɡɑnu ɡurɑ u kɑ dɑ Bɑbiloniɔ u yi win bũu dirun ɑrumɑnin beru yerɔ.

Dɑniɛli 1:2 Iomraidhean Croise

Torubu 10:10

Nimurodu wi, u ɡinɑ ɡbiɑ u bɑndu di Bɑbɛliɔ kɑ Erɛkiɔ kɑ Akɑdiɔ kɑ Kɑlinɛɔ Sinɛɑn temɔ.

Torubu 11:2

Mɑ bɑ seewɑ bɑ doonɑ sɑɑ sɔ̃ɔ yɑri yerun di bɑ bɑtumɑ deemɑ Sinɛɑn temɔ mɑ bɑ sin yeru kuɑ mi.

Sinɑmbu II 24:1

Yoyɑkimun wɑɑti sɔɔrɑ Nɛbukɑnɛsɑɑ Bɑbilonin sinɑ boko u Yudɑbɑ wɔri u bu tɑɑrewɑ wɔ̃ɔ itɑ. Yen biru bɑ nùn seesi bu kɑ tii yinɑ.

Bɑndun Gɑri II 36:5

Yoyɑkimu u mɔwɑ wɔ̃ɔ yɛndɑ nɔɔbu sɑnɑm mɛ u bɑndu di Yudɑɔ, mɑ u kuɑ wɔ̃ɔ wɔkurɑ tiɑ bɑndu sɔɔ. Kɔ̃sɑ u kuɑ Gusunɔ win Yinnin nɔni sɔɔ.

Bɑndun Gɑri II 36:7

Nɛbukɑnɛsɑɑ u Yinni Gusunɔn sɑ̃ɑ yerun dendi yɑ̃nu ɡurɑ u kɑ dɑ u yi win sinɑ kpɑɑrɔ.

Ɛsidɑrɑsi 1:7

Mɑ sinɑ boko Sirusi u bu Yinni Gusunɔn sɑ̃ɑ yerun dendi yɑ̃nu kpuro wesiɑ ni Nɛbukɑnɛsɑɑ u rɑɑ ɡurɑmɑ Yerusɑlɛmun di u kɑ dɑ u yii win bũu dirɔ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 42:24

Wɑrɑ u derɑ bɑ Isireli be bɑ sɑ̃ɑ Yɑkɔbun bweseru wɔri bɑ ben yɑ̃nu ɡurɑ. N ǹ Yinni Gusunɔn tii ro? Bɛsɛ Isirelibɑ sɑ durum kuɑ win wuswɑɑɔ. Sɑ yinɑ su win woodɑbɑ swĩi, su ye mɛm nɔɔwɑ.

Yeremi 25:1

Yoyɑkimu, Yosiɑsin bii, Yudɑbɑn sinɑ bokon bɑndun wɔ̃ɔ nnɛse sɔɔrɑ Yinni Gusunɔ u kɑ Yeremi ɡɑri kuɑ Yudɑbɑn sɔ̃. Yɑ sɑ̃ɑwɑ Nɛbukɑnɛsɑɑ, Bɑbilonin sinɑ bokon bɑndun wɔ̃ɔ ɡbiikuu.

Yeremi 27:16

Mɑ Yeremi u mɑɑ yɑ̃ku kowobu kɑ tɔn be bɑ mɛnnɛ mi, ɡɑri yi sɔ̃ɔwɑ. U nɛɛ, wee ye Yinni Gusunɔ u ɡeruɑ. U nɛɛ, i ku bɛɛn sɔmɔbun ɡɑri swɑɑ dɑki, be bɑ ɡerumɔ bɑ mɔ̀, bɑ koo kɑ Yinni Gusunɔn sɑ̃ɑ yerun dendi yɑ̃nu wurɑmɑ sɑɑ Bɑbilonin di n ǹ tɛɛmɔ. Domi ɡɑri weesuɡiiyɑ bɑ mɔ̀ mi.

Yeremi 28:3

N kɑ ko wɔ̃ɔ yiru u koo de Nɛbukɑnɛsɑɑ u kɑ wi, Yinni Gusunɔn sɑ̃ɑ yerun dendi yɑ̃ɑ ni wurɑmɑ, ni u rɑɑ ɡurɑ u kɑ dɑ Bɑbiloniɔ.

Yeremi 35:11

Adɑmɑ sɑnɑm mɛ Nɛbukɑnɛsɑɑ, Bɑbilonin sinɑ boko u tem mɛ wɔrimɑ, yerɑ sɑ nɛɛ, su se su dɑ Yerusɑlɛmuɔ, kpɑ su Bɑbilonin tɑbu kowobu kɑ Siriɡibu dukɑ suuri. Yen sɔ̃nɑ sɑ wɑ̃ɑ Yerusɑlɛmu mini ɡisɔ.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Yeremi 51:44

Yinni Gusunɔ u mɑɑ nɛɛ, kon Bɑbilonin bũu wi bɑ mɔ̀ Bɛli seesi. Kon nùn siɑsiɑ ye u rɑɑ mwɛ, kpɑ tɔmbu bu ku mɑɑ nɑ win mi. Wee Bɑbilonin ɡbɑ̃rɑrɑ wɔrumɑ.

Dɑniɛli 5:13

Yerɑ bɑ kɑ Dɑniɛli dɑ sinɑ bokon wuswɑɑɔ. Mɑ sinɑ boko u nùn bikiɑ u nɛɛ, wunɑ Dɑniɛli wi? A sɑ̃ɑwɑ Yuu ben turo be nɛn bɑɑbɑ sinɑ boko u mwɛɛrimɑ Yudɑn tem di?

Dɑniɛli 5:18

Ǹ n mɛn nɑ, yinni, ɑ swɑɑ dɑkio ɑ nɔ. Wɔrukoo u wunɛn tundo Nɛbukɑnɛsɑɑ bɑndu wɛ̃ kɑ bɛɛrɛ kɑ ɡirimɑ kɑ yiiko.

Hɑbɑkuku 1:16

Yen sɔ̃nɑ bɑ rɑ ben yɑ̃ɑkoronu yɑ̃kunu kue, kpɑ bu nu turɑre dɔ̃ɔ dokeɑ. Domi nin sɑɑbuwɑ bɑ koo kɑ kpĩ bu dĩɑ ɡeenu wɑ ni nu do bu di.

Sɑkɑri 5:11

U nùn wisɑ u nɛɛ, bɑ kɑ tu dɔɔwɑ Bɑbilonin temɔ. Miyɑ bɑ koo tu diru bɑniɑ. Bɑ̀ n tu bɑnɑ bɑ kpɑ, kpɑ bire te, tɑ n wɑ̃ɑ mi.

Sɔ̃ɔsiru 32:30

Kpɑ bu tii bikiɑ bu nɛɛ, tɔn turo u koo kpĩ u tɔmbu nɔrɔbu (1.000) yɑrinɑsiɑ? Ǹ kun mɛ tɔmbu yiru bu tɔmbu nɔrɔbun subɑ wɔkuru (10.000) yɑrinɑsiɑ? Geemɑ Gusunɔ bɛsɛn Yinni dɑmɡii u sun deriwɑ, u sun yibɛrɛbɑ nɔmu bɛriɑwɑ.

Kpɑrobu 2:14

Mɑ u bu tɔn diobu nɔmu bɛriɑ bɑ bu ye bɑ mɔ kpuro ɡurɑri. U mɑɑ bu ben yibɛrɛ be bɑ bu sikerenɛ dɔre. Bɑǹ mɑɑ kpĩɑ bɑ kɑ tii yinɛ.

Kpɑrobu 3:8

Yerɑ Yinni Gusunɔ u kɑ bu mɔru kuɑ, u bu Mɛsopotɑmin sinɑ boko nɔmu bɛriɑ, wi bɑ mɔ̀ Kusɑni Risetɑimu. Mɑ bɑ nùn sɑ̃wɑ wɔ̃ɔ nɔɔbɑ itɑ.

Kpɑrobu 4:2

Mɑ u bu Kɑnɑnin sunɔ Yɑbini nɔmu bɛriɑ wi u bɑndu dii Hɑsoriɔ. Win tɑbu sunɔwɑ Siserɑ wi u wɑ̃ɑ Hɑrosɛti Goimuɔ.

Sɑmuɛli I 5:2

bɑ tu duusiɑ ben bũu Dɑɡonin dirɔ bɑ yi temɔ win bɔkuɔ.