Timɔte II 1:9 - Bibeli Gusunɔn Gari

⁹ Wiyɑ u sun fɑɑbɑ kuɑ mɑ u sun sokɑ sɑ n kɑ sɑ̃ɑ win tiin tɔmbu, n ǹ mɔ ye bɛsɛn tii sɑ kuɑn sɔ̃ mɑ n kun mɔ win himbɑ kɑ win durom sɔ̃ mɛ u sun kuɑ Yesu Kirisin min di sɑɑ toren di.

Timɔte II 1:9 Iomraidhean Croise

Mɑteu 1:21

U koo bii tɔn durɔ mɑ, kpɑ ɑ nùn yĩsiru kɛ̃ Yesu , domi u koo win tɔmbu fɑɑbɑ ko sɑɑ ben durum di.

Luku 10:21

Sɑɑ tiɑ ye sɔɔ, Yesun ɡɔ̃ru ɡɑ dorɑ too kɑ Hunde Dɛɛron dɑm, mɑ u nɛɛ, Bɑɑbɑ, wɔllu kɑ tem Yinni nɑ nun siɑrɑ yèn sɔ̃ ɑ kɑ yɑbu ye yɛ̃ruɡibu kɑ bwisiɡibu beruɑ mɑ ɑ ye bibu sɔ̃ɔsi. N wɑ̃ Bɑɑbɑ, domi mɛyɑ n kɑ nun nɑɑwɑ wunɛn kĩru sɔɔ.

Yohɑnu 17:24

Bɑɑbɑ, nɑ kĩ be ɑ mɑn wɛ̃ bɑ n wɑ̃ɑ nɛn mi, mi nɑ wɑ̃ɑ, kpɑ bɑ n nɛn yiiko mɛɛrɑ ye ɑ mɑn wɛ̃, domi ɑ mɑn kĩ bɑ sere hɑnduniɑ tɑkɑ kuɑ.

Yohɑnu 17:9

Nɑ bu kɑnɑru kuɑmmɛ n ǹ mɔ hɑnduniɑɡibu. Tɔn be ɑ mɑn wɛ̃, beyɑ nɑ kɑnɑru kuɑmmɛ yèn sɔ̃ wunɛɡibɑ bɑ sɑ̃ɑ.

Yohɑnu 6:37

Bɑɑwure wi Bɑɑbɑ mɑn wɛ̃ u koo nɑ nɛn mi. Wi u mɑɑ nɑ nɛn mi, nɑ ǹ nùn yinɑmɔ, bɑɑ ǹ n kuɑ ɑmɔ.

Gɔrobun Kookoosu 15:18

Nɛ Yinni Gusunɔwɑ nɑ yeni ɡeruɑ nɛ wi nɑ ɡɑ̃ɑ ni sɔ̃ɔsi yellun di.”

Gɔrobun Kookoosu 2:47

Bɑ rɑ n Gusunɔ siɑrɑmɔ, mɑ tɔmbu kpuro bɑ kɑ bu nɔnu ɡeu mɛɛrɑ. Tɔ̃ɔ bɑɑtere Yinni u rɑ n be bɑ fɑɑbɑ wɑ sosimɔwɑ nɑɑnɛ dokeobu sɔɔ.

Romu 11:14

n kɑ nisinu seeyɑ ǹ n koo koorɑ nɛn bweserun suunu sɔɔ kpɑ n ben ɡɑbu fɑɑbɑ ko.

Romu 11:29

Domi Gusunɔ ù n tɔnu sokɑ, u nùn sokɑwɑ. Ù n nùn kɛ̃ru wɛ̃, u nùn wɛ̃wɑ. U ku rɑ ɡɔ̃ru ɡɔsie.

Romu 16:25

Su Gusunɔ siɑrɑ wi u dɑm mɔ u kɑ bɛɛ tɑ̃sisiɑ kɑ nɛn Lɑbɑɑri ɡeɑ ye nɑ wɑɑsu mɔ̀ nɑ kɑ Yesu Kirisin ɡɑri kpɑrɑmɔ, yi yi ɑsiri sɔ̃ɔsimɔ ye yɑ rɑɑ wukiri sɑɑ toren di.

Romu 3:20

Domi ɡoo sɑri wi u koo ɡem wɑ Gusunɔn wuswɑɑɔ woodɑ nɛnubun sɔ̃, yèn sɔ̃ woodɑ yɑ rɑ tɔnun torɑru sɔ̃ɔsi.

Romu 9:11

Adɑmɑ Gusunɔ u rɑ tɔmbu ɡɔsiwɑ win himbɑ sɔɔ, n ǹ mɔ ben kookoosun sɔ̃, ɑdɑmɑ kɑ win sokurɑ. U kɑ sɔ̃ɔsi mɑ u win himbɑ ye swĩi, u Rebekɑ sɔ̃ɔwɑ u nɛɛ, “Mɔɔ u koo win wɔnɔ wiru kpĩiyɑ.” U ye ɡeruɑ Rebekɑ u sere win bibu mɑrɑ sɑnɑm mɛ bɑ ǹ ɡeɑ ǹ kun mɛ kɔ̃sɑ koore.

Romu 9:24

bɛsɛ be u sokɑ n ǹ mɔ Yuubɑn suunu sɔɔn di tɔnɑ, kɑ mɑɑ tɔn tukobun suunu sɔɔn di.

Korinti I 1:18

Domi Kirisin ɡɔɔ dɑ̃ɑ bunɑnɑru wɔllɔn ɡɑri, wiirɑrɑ be bɑ kɑm mɔ̀n mi, ɑdɑmɑ bɛsɛ be sɑ fɑɑbɑ wɑɑmɔn mi, Gusunɔn dɑmɑ.

Efesu 1:11

Domi ɡɑ̃ɑnu kpuro nu koorɑmɔwɑ nɡe mɛ Gusunɔn himbɑ kɑ win kĩru. Mɑ bɛsɛ kɑ Kirisin ɡbinnɑɑn sɔ̃ sɑ kuɑ tubi diobu Gusunɔn mi kɑ win tiin himbɑ ye u ɡɔ̃ru doke yellun di.

Efesu 1:9

Mɑ u sun win ɑsiri ɡiɑsiɑ ye win tii u ɡɔ̃ru doke u ko yellun di sɑɑ Yesu Kirisin min di.

Efesu 2:5

Sɑnɑm mɛ sɑ sɑ̃ɑ nɡe ɡɔribu bɛsɛn torɑnun sɔ̃, u sun kuɑ wɑsobu kɑ Kirisi sɑnnu. Ǹ n mɛn nɑ, win durom sɔ̃nɑ i fɑɑbɑ wɑ.

Efesu 3:11

U kuɑ nɡe mɛ, win himbɑn sɔ̃ ye u mɔ u sere hɑnduniɑ tɑkɑ kuɑ, mɑ yɑ wiru ɡoorɑ Yesu Kirisi bɛsɛn Yinni sɔɔ.

Filipi 3:14

Nɡe mɛyɑ nɑ ye nɑ nɑɑ ɡire dukɑ swĩi n kɑ ɑre yi wɑ yi Gusunɔ u sun sokue wɔllɔ sɑɑ Yesu Kirisin min di.

Tɛsɑlonikɑ I 4:7

Domi Gusunɔ kun sun sokɑ su kɑ dɑɑ disinuɡiɑ ko mɑ n kun mɔ sɑ n dɛɛre.

Timɔte I 1:1

Timɔte, wunɛ wi ɑ kuɑ nɛn bii yèn sɔ̃ ɑ Yesu nɑɑnɛ doke, Gusunɔ Bɑɑbɑ kɑ Yesu Kirisi bɛsɛn Yinni bu nun durom kɑ wɔnwɔndu kuɑ kpɑ bu nun ɑlɑfiɑ kɛ̃. Nɛ Pɔlu, Yesu Kirisin ɡɔro nɡe mɛ Gusunɔ bɛsɛn Fɑɑbɑ kowo kɑ Yesu Kirisi wi u sɑ̃ɑ bɛsɛn yĩiyɔbu, bɑ mɑn yiire, nɑ nun tire teni kuɑmmɛ.

Timɔte II 1:1

Nɑ nun tire teni kuɑmmɛ Timɔte, nɛn bii kĩnɑsi. Gusunɔ Bɑɑbɑ kɑ Yesu Kirisi bɛsɛn Yinni bu nun durom kɑ wɔnwɔndu kuɑ kpɑ bu nun ɑlɑfiɑ kɛ̃. Nɛnɑ Pɔlu, wi Yesu Kirisi kuɑ win ɡɔro Gusunɔn kĩru sɔɔ, n kɑ wɑ̃ɑ te sɑ mɔ Yesu Kirisin min din nɔɔ mwɛɛru kpɑrɑ.

Heberu 3:1

Yen sɔ̃ nɛɡibu, bɛɛ be Gusunɔ u sokɑ i kɑ ko wiɡibu, i de i n Yesu mɛɛrɑ wi Gusunɔ u ɡɔrimɑ u kɑ ko yɑ̃ku kowo tɔnwero wìn seedɑ sɑ dimɔ.

Piɛɛ I 1:20

Gusunɔ u Kirisi wi ɡɔsɑ u yi bɑ sere hɑnduniɑ tɑkɑ kuɑ, mɑ u sɔ̃ɔsirɑ bɛɛn ɑrufɑɑnin sɔ̃ sɑnɑm dɑ̃ɑkim mɛni sɔɔ.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.

Kɑ̃siru 13:8

Bèn yĩsinu bɑ ǹ yoruɑ bu sere hɑnduniɑ tore, wɑ̃ɑrun tireru sɔɔ te tɑ sɑ̃ɑ Yɑ̃ɑ kinɛ kpɛnduɡiru te bɑ kɑ yɑ̃kuru kuɑ, beyɑ bɑ koo ɡbeeku yɑɑ ye sɑ̃.

Kɑ̃siru 17:8

Gbeeku yɑɑ ye nɑ wɑ mi, yɑ rɑɑ wɑsi ɑdɑmɑ yɑ ǹ mɑɑ wɑ̃ɑ. Ǹ n sosi yɑ koo yɑri wɔru bɔkɔ nɔru sɑriruɡuun di yu dɑ kɑm koo yerɔ. Hɑnduniɑn tɔmbu, bèn yĩsɑ kun wɑ̃ɑ wɑ̃ɑrun tireru sɔɔ bu sere hɑnduniɑ tore, bɑ koo biti soorɑ bɑ̀ n ɡbeeku yɑɑ ye wɑ yɑ kpɑm kurɑmɑ. Domi yɑ rɑɑ wɑsi ɑdɑmɑ yɑ ǹ mɑɑ wɑ̃ɑ.