Timɔte I 2:8 - Bibeli Gusunɔn Gari

⁸ Yen sɔ̃nɑ nɑ kĩ bɑɑmɑ mi bɑ kɑnɑru mɔ̀ tɔn durɔbu bu tu ko bɑ n nɔmɑ ye yɑ dɛɛre sue wɔllɔ n kun kɑ mɔru n kun kɑ sikirinɔ.

Timɔte I 2:8 Iomraidhean Croise

Sinɑmbu I 3:11

Yerɑ u nùn sɔ̃ɔwɑ u nɛɛ, ɑ ǹ bikie wunɛn wɑ̃ɑru tu dɑkɑɑ dɑ, ɑ ǹ mɑɑ bikie ɑ n dukiɑ mɔ, mɛyɑ ɑ ǹ mɑɑ wunɛn yibɛrɛbɑn ɡɔɔ kɑnɛ. Adɑmɑ bwisiyɑ ɑ bikiɑ ɑ kɑ kpĩ ɑ wunɛn tɔmbu kpɑrɑ dee dee.

Yoobu 16:17

N ǹ mɔ nɑ kɔ̃sɑ ɡɑɑ kuɑ. Nɛn kɑnɑru tɑ rɑ n mɑɑ dɛɛrewɑ bɑɑdommɑ.

Womusu 134:2

i bɛɛn nɔmɑ yiiyo win sɑ̃ɑ yerun berɑ ɡiɑ kpɑ i nùn siɑrɑ.

Womusu 141:2

A de nɛn kɑnɑru tu nun ɡirɑri nɡe turɑre nubu duroruɡiɑn wiisu. Kpɑ nɔmɑ ye nɑ yiiye yɑ n sɑ̃ɑ nɡe kɛ̃ru te bɑ rɑ kɑ nun nɑɑwɛ wunɛn sɑ̃ɑ yerɔ yokɑ.

Womusu 24:4

Wi u koo yɔ mi, wiyɑ wìn ɡɔ̃ru ɡɑ dɛɛre. Wiyɑ wìn nɔmɑ yɑ sɑ̃re. Wiyɑ wi u ku rɑ weesu swĩi. Wiyɑ wi u ku rɑ bɔ̃re u kɑ tɔnu nɔni wɔ̃ke.

Womusu 26:6

Nɑ rɑ nɛn nɔmɑ niɛwɑ n kɑ sɔ̃ɔsi mɑ nɑ ǹ tɑɑrɛ mɔ. Nɑ rɑ de n nun sɑ̃ nɑ n wunɛn yɑ̃ku yeru sikerenɑmɔ,

Womusu 28:2

Nɑ̀ n nɔmɑ yiiyɑ nɑ kɑnɑru mɔ̀ sɑ̃ɑ yee dɛɛrɑ ten mi, ɑ nɛn kɑnɑru swɑɑ dɑkio.

Womusu 35:13

Adɑmɑ sɑnɑm mɛ nɛn yibɛrɛ be, bɑ bɑrɔ, nɑ sɑɑkin yɑberu sebuɑ nuku sɑnkirɑrun sɔ̃. Mɑ nɑ tii tɔ̃yɑ mɔ̀ kɑ nɔɔ bɔkuru. Nɑ rɑ n yiirewɑ nɑ n kɑnɑru mɔ̀,

Womusu 63:4

Domi wunɛn tɔn ɡeeru tɑ ɡisɔn wɑ̃ɑru kere. Yen sɔ̃nɑ kon nun tɔmɑ kɑ womusu.

Womusu 66:18

Nɑ̀ n dɑɑ torɑru ɡɑru mɔ nɛn ɡɔ̃ruɔ, Yinni Gusunɔ kun dɑɑ mɑn wurɑrimɔ.

Mɔnnu 15:8

Yinni Gusunɔ u ku rɑ tɔn kɔ̃sobun yɑ̃kuru wɑɑbu kɑ̃, ɑdɑmɑ ɡemɡibun kɑnɑru tɑ rɑ nùn wɛ̃re.

Mɔnnu 21:27

Tɔn kɔ̃son yɑ̃kuru tɑ ku rɑ Gusunɔ wɛ̃re. Kɑɑ sere ɡere te u kɑ bwisiku kɔ̃sunu mɔ̀?

Esɑi 1:15

Bɑɑ ì n bɛɛn kɑnɑru dɛnyɑsiɑmɔ, nɑ ku rɑ nu swɑɑ dɑki. Ì n nɔmɑ yiiyɑ wɔllɔ i kɑ kɑnɑru ko, nɑ rɑ nɛn wuswɑɑ sĩiyɛwɑ, nɑ kun bɛɛ mɛɛrɑ. Domi bɛɛn nɔmɑ tɔmbun yɛm yibɑ be i ɡo.

Mɑteu 21:21

Yesu bu wisɑ u nɛɛ, kɑ ɡeemɑ nɑ bɛɛ sɔ̃ɔmɔ, ì n nɑɑnɛ doke mɑ i ǹ sikɑ mɔ̀, i ko kpĩ i ko ye nɑ fiɡie ye kuɑ. N ǹ mɑm mɛ tɔnɑ, i ko mɑɑ kpĩ i ɡuu teni sɔ̃ tu wukuro min di tu dɑ tu nim wɔ̃ku wɔri. Yɑ koo mɑɑ koorɑ mɛ.

Mɑteu 5:44

Adɑmɑ nɛ nɑ bɛɛ sɔ̃ɔmɔ, i bɛɛn yibɛrɛbɑ kĩru sɔ̃ɔsio, kpɑ i kɑnɑru ko be bɑ bɛɛ nɔni sɔ̃ɔmɔn sɔ̃.

Mɑteu 6:12

A sun bɛsɛn torɑnu suuru kuo, nɡe mɛ be bɑ rɑ sun tore, sɑ bu suuru kuɑmmɛ.

Luku 23:34

Yesu u nɛɛ, Bɑɑbɑ ɑ bu suuru kuo domi bɑ ǹ yɛ̃ ye bɑ mɔ̀. Bɑ win yɑ̃nu tɛtɛ toosi bɑ bɔnu kuɑ.

Luku 24:50

U kɑ bu dɑ sere Betɑni ɡiɑ, mɑ u win nɔmɑ suɑ wɔllɔ u bu domɑru kuɑ.

Yohɑnu 4:21

Yesu u nùn sɔ̃ɔwɑ u nɛɛ, kurɔ wunɛ, ɑ nɛn ɡɑri nɑɑnɛ koowo yi nɑ nun sɔ̃ɔmɔ. Sɑɑ yɑ sisi yè sɔɔ bɑ ǹ mɑɑ Gusunɔ Bɑɑbɑ sɑ̃ɑmɔ ɡuu tenin wɔllɔ, ǹ kun mɛ Yerusɑlɛmuɔ.

Gɔrobun Kookoosu 10:2

Durɔ wi, u Gusunɔ nɑsie too, wi kɑ win yɛnuɡibu kpuro bɑ Gusunɔ sɑ̃ɑmɔ. U rɑ kɑnɑru ko, u rɑ mɑɑ Yuubɑn sɑ̃ɑrobu somi ɡem ɡem.

Gɔrobun Kookoosu 10:31

Mɑ u mɑn sɔ̃ɔwɑ u nɛɛ, nɛ, Gusunɔ u nɛn kɑnɑru nuɑ, u mɑɑ nɛn kɛ̃nu yɑɑyɑ ni nɑ rɑ bwɛ̃ɛbwɛ̃ɛbu kɛ̃.

Gɔrobun Kookoosu 10:4

U ɡɔrɑdo wi nɔni ɡirɑri tii tii kɑ bɛrum u nɛɛ, mbɑ n kuɑ yinni. Gɔrɑdo nùn sɔ̃ɔwɑ u nɛɛ, Gusunɔ u wunɛn kɑnɑru mwɑ, u mɑɑ wunɛn sɔm ɡeenu wɑ mɑ u nun yɑɑyɑ.

Gɔrobun Kookoosu 21:5

Adɑmɑ ye bɛsɛn sɑɑ turɑ sɑ kpɑm wurɑ ɡoo nimkuu mi. Be kpuro kɑ ben kurɔbu kɑ bibu bɑ sun yɔ̃siri sɑɑ wuun di. Bɛsɛ kpuro sɑ yiirɑ nim wɔ̃kun ɡoorɔ mɑ sɑ kɑnɑru kuɑ.

Gɔrobun Kookoosu 7:60

U yiirɑ u ɡbɑ̃rɑ wɔllɔ u nɛɛ, Yinni ɑ ku bu torɑ teni ɡɑrisi. Ye u yeni ɡeruɑ u kpɑ, mɑ u ɡu.

Korinti I 7:7

N ko n mɑn wɛ̃re tɔmbu kpuro bɑ̀ n sɑ̃ɑ nɡe nɛn tii, ɑdɑmɑ bɑɑwurewɑ u win kɛ̃run bɑɑ mɔ sɑɑ Gusunɔn min di, winiɡirun bɑɑ, wiɔnɔɡirun bɑɑ.

Korinti II 2:14

Su Gusunɔ siɑrɑ. Domi u rɑ n sun ɡbiiye kɑ nɑsɑrɑ yèn sɔ̃ sɑ ɡbinnɛ kɑ Kirisi. U sun dendimɔ u kɑ tɔmbu Kirisi ɡiɑsiɑ yɑm kpuro nɡe turɑre yèn nuburu tɑ pusɑ bɑɑmɑ.

Filipi 1:12

Nɛɡibu, nɑ kĩ i n yɛ̃ mɑ ye n mɑn deemɑ n ɡɔsiɑwɑ Lɑbɑɑri ɡeɑn wuswɑɑ dɑɑbu.

Tɛsɑlonikɑ I 1:8

Domi Yinnin ɡɑri yi, yi nɔɔrɑ sɑɑ bɛɛn min di, n ǹ mɔ Mɑsedɔni kɑ Gɛrɛkibɑn tem sɔɔ tɔnɑ, ɑdɑmɑ bɛɛn nɑɑnɛ dokebu Gusunɔ sɔɔ bu sɔ̃ɔsirɑ yɑm kpuro sere n ǹ mɑɑ tilɑsi su bin ɡɑri ɡere.

Timɔte I 5:14

Yenin sɔ̃nɑ nɑ kĩ ɡɔmini kpɛmminu nu durɔbu suɑ kpɑ bu bibu mɑ, kpɑ bu ben yɛnu nɔni doke kpɑ bu ku rɑɑ bɛsɛn yibɛrɛbɑ ɑyeru deriɑ bu kɑ bɛsɛn kɔ̃sɑ ɡere.

Titu 3:8

Gɑri yi, ɡɑri nɑɑnɛɡiiyɑ. Nɑ kĩ ɑ yi ɡere ɑ sire kpɑ be bɑ Gusunɔ nɑɑnɛ doke bu ben sɑɑ di sɔm ɡeenun kobu sɔɔ. Gɑri yi, yi wɑ̃ yi mɑɑ sɑ̃ɑ tɔmbun ɑrufɑɑni.

Heberu 10:22

Ǹ n mɛn nɑ, i de su Gusunɔ susi kɑ murɑfiti sɑriru kɑ nɑɑnɛ doke bi bu toro sindu mɔ kɑ ɡɔ̃ru dɛɛrɔ ɡe ɡɑ ǹ tɑɑrɛ mɔ kɑ wɑsi yi bɑ dɛɛrɑsiɑ kɑ nim dɛɛrɑm.

Yɑkɔbu 4:8

I Gusunɔ susio, u koo mɑɑ bɛɛ susi. I bɛɛn nɔmɑ dɛɛrɑsio, bɛɛ durumɡibu. I bɛɛn ɡɔ̃rusu sɑ̃rɑsio, bɛɛ ɡɔ̃rusu yiruɡibu.

Piɛɛ I 3:7

Bɛɛ mɑɑ durɔbu, i n wɑ̃ɑsinɛ kɑ bɛɛn kurɔbu i n yɑɑye mɑ bɑ ǹ bɛɛ dɑm turɑ. I bu bɛɛrɛn kookoosu kuo, domi Gusunɔ u koo mɑɑ bu wɑ̃ɑru kɛ̃ kɑ bɛɛ sɑnnu. I n mɔ̀ mɛ kpɑ ɡɑ̃ɑnu ɡɑnu nu ku bɛɛn kɑnɑru ɡbɑrɑ.