रोमि 1:5 - बान्‍तावा राई

⁵ आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 1:5 Iomraidhean Croise

युहन्‍ना 1:16

खोक्‍को अ़चुसोम्‍तुक्‍माआ खोन्‍कि अ़चुओ अ़छ़ङ्‌आ भेप्‍तुओसा आन्‍कान झारा अ़क्‌तात सोम्‍तुक्‍मादाङ्‌का नि सोम्‍तुक्‍मा तोक्‍तुम्‌युङ्‌सुम।

छाम्‍माय़ङ 1:25

खोन्‍कि खोसाआ यहुदाओ अ़फान्‌दा छाम्‍माय़ङ काचि मुमा ऱने, देकिनालो यहुदाआ अ़छिरिन्‍दान्‍काकि खादा खात्‍मा खान्‍तुओ खोदाङा खारायुङ्‌सा।”

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 6:7

खोन्‍कि निनाम्‍हाङ्‌ओ अ़चुय़ङ थ़ङ्‌याङ्‌सा खाराकि काखेङ्‌चिओ अ़चुखिप्‍मा यरुसलेम्‌दा अ़न्‍नुनु पोन्‌याङ्‌सा खारा। खोन्‍कि ब़द्‍धे काब़क्‍पाचिआछाङ येसुएदा साकोङ्‌छ़ङ म़मुवा।

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 12:3

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 3:29

दि निनाम्‍हाङ यहुदिचिओ ओन्‍ङा अ़चुनिनाम्‍हाङ ओ कि? माआङ! दि खोक्‍को निरावाचिओछाङ अ़चुनिनाम्‍हाङ माआङ कि? उवा, खोक्‍को निरावाचिओछाङ अ़चुनिनाम्‍हाङ ओ।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

१ कोरिन्‍थि 9:2

अ़ङ्‌का निचिओ निम्‍पाङ अ़चुछाम्‍माय़ङ माआङ्‌नुछाङ आम्‍नुओ ना अ़नुछ्‍याङा छाम्‍माय़ङ ओ! देकिनालो हाङ्‌पाओ अ़चुछाम्‍माय़ङ लिमा अ़ङ्‌को अ़ङ्‌बुत्‍माय़ङ्‌ओ अ़सालुम्‍स़ङ खानानिन त़याइन्‌येन।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।