रोमि 1:16 - बान्‍तावा राई

¹⁶ नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 1:16 Iomraidhean Croise

मर्कुस 8:38

खाक्‍को ताङ्‌लान कामु खोन्‍कि हेवामि ओ दुङ्‌दा अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओछाङ अ़चुपापाओ अ़साम्‌दा म़सेङ्‌याङ्‌ओ निनाम्‍हाङ काफाचिएनान लाय़हिदा मोएदा अ़लेजो कात।”

लुका 9:26

मेन खाक्‍को म़ना अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओ अ़साम, अ़चुपापाओ अ़साम्‌दा खोन्‍कि म़सेङ्‌याङ्‌ओ निनाम्‍हाङ काफाचिएनान साम्‍स़रि लिकि लाय़हिदा मोएदा खोसोओछाङ अ़लेजो कात।

युहन्‍ना 7:35

खोन्‌ओसा यहुदिचि अ़क्‍छा निएदा म़य़ङा, “ओ खादा खात्‍मा म़मुयाङ, खोन्‍कि आन्‍कान खो अ़धिरिमिन? दि ओक्‍को ग्रिक य़ङ काचेप्‌चिओ अ़चुरादा म़रिसाखाराकि म़युङ्‌याङ्‌ओ यहुदिचिएदा खात्‍माकि ग्रिक य़ङ काचेप्‌चि चिन्‍माचि म़स़याङ?

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

रोमि 10:17

मोवात्‍निङा, य़ङ्‌खान एन्‍माय़ङ्‌दाङ्‌का साकोङ्‌छ़ङ ता, खोन्‍कि य़ङ्‌खान ख्रिस्‍तओ अ़चुय़ङ एन्‍मादाङ्‌का ता।

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।

रोमि 15:29

अ़ङ्‌का सिन्‍तुङ्‌योङ, अ़ङ्‌का खानानिन्‌एदा बान्‍ङाहिदा ख्रिस्‍तओ च़लोक अ़चुआसिखादा बान्‍ङा।

रोमि 2:9

अ़अ़त्‍पा काचि कामु झारा म़नाएदा दुखा खोन्‍कि अ़चाअ़त्‍मा ता, बुया यहुदिचिएदा खोन्‍किना ग्रिक्‌चिएदा।

रोमि 4:11

सिप्‍मायाम्‍बुन्‍तात अब्राहाम्‌आ सिप्‍मायाम्‍बुन मुमादाङ्‌का बुयाङा साकोङ्‌छ़ङ मुवाओ, खोन्‍कि निनाम्‍हाङ्‌आ बुयाङा साम्‌योक्‍मि अ़काइसाओसोओ बुन ओ। मोवात्‍नि अब्राहाम सिप्‍मायाम्‍बुन मान्‍मुनुछाङ निनाम्‍हाङ्‌एदा साकोङ्‌छ़ङ कामु झारा म़नाचिओ अ़चुसुन्‍तुम लिसा। मोचिआ अ़मुवाओ साकोङ्‌छ़ङ्‌ओ अ़तुक्‌वाआ निनाम्‍हाङ्‌आ मोचि साम्‌योक्‍मि म़काइसुचि।

१ कोरिन्‍थि 15:2

अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम।

१ कोरिन्‍थि 2:2

खानानिन्‌एनान युङाङ्‌याङ्‌हिदा अ़ङ्‌का येसु ख्रिस्‍त खोन्‍कि क्रुस्‌दा खोक्‍को ख़न्‍मासेत्‍मादाङ्‌का नि दित्‍छाङ मान्‍सिन्‍दामा अ़ङ्‌का अ़छ़ङ मुङ।

१ कोरिन्‍थि 2:4

अ़ङ्‌का चेवाङ्‍ओ य़ङ खोन्‍कि खाएत्‍नानिन्‌ओ नुय़ङ्‌खान आम्‍नुओ कोङ्‌दा खात्‌ओ खोन्‍कि ताया याआङाओ य़ङ्‌चिदा मात्‍द़ङ्‌याङ, मेन सेङ्‌लावाओ खोन्‍कि सावाओ अ़खाङ्‌मुमादा याआङा।

१ कोरिन्‍थि 9:12

निचिआ खानानिन्‌एदाङ्‌का सामाचि तोक्‍मा पाङ अ़तोक्‍तायुङ्‌सानालो आन्‍कान्‍काआ अ़क्‍चित च़लोक पाङ तोक्‍मादोत्‌ओ माआङ कि? खोन्‍नुछाङ आन्‍कान्‍का ओ पाङ मान्‌याङ्‌युक्‍तुम्‍का, मेन ख्रिस्‍तओ अ़चुनुय़ङ्‌खान खालुमादा लाम अ़छेक्‍निन्‍ने निकिना आन्‍कान्‍का झारा य़ङ आङ्‌तुम्‍का।

१ कोरिन्‍थि 9:18

खोन्‍नालो अ़ङ्‌सिरिफा दि ओ? अ़ङ्‌सिरिफा ओङा ओ, अ़ङ्‌का मोहाङा नुय़ङ्‌खान खालुमा तोक्‍मा। नुय़ङ्‌खान खालुमादा झारा पाङ अ़ङ्‌का तोक्‍मादोत्‌नि मान्‌य़ङ्‌ङा।

२ कोरिन्‍थि 2:12

ख्रिस्‍तओ अ़चुनुय़ङ्‌खान खालुसि त्रोआस्‌दा खाराङ्‌हिदा हाङ्‌पाएदा अ़ङ्‌को निम्‍पाङ अ़क्‌तात लाम ऩहोत्‍ताङ्‌पुवाङ्‌युङ्‌साङ।

२ कोरिन्‍थि 4:4

ओ हेन्‍खामादाओ माङ्‌आ साकोङ्‌छ़ङ मान्‍मुकादाचिओ अ़चुमिन्‍माचि दोप्‍म़क म़मेत्‍तुप़युङ्‌सुचिओसा ख्रिस्‍तओ साम्‍स़रिओ अ़चुनुय़ङ्‌खान खाङ्‌मादाङ्‌का म़छेक्‍तुचि। ख्रिस्‍त निनाम्‍हाङ्‌ओ अ़चुकात्‍मावा म़कात्‌याङ।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

गलाति 1:7

अ़नुछ्‍याङा नि नुय़ङ्‌खान खाक्‍कोछाङ मात्‍द़ङ, मेन खा-खाक्‍को म़नाचिआ खानानिन ऩथेम्‍सिन्‍खाइसिन्‌येन खोन्‍कि मोचिआ ख्रिस्‍तओ अ़चुनुय़ङ्‌खान अ़हुखान्‌याङ।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 1:16

हाङ्‌पाआ ओनेसिफरस्‌ओ अ़खिम्‍लुम्‍पा सोमाअ़तुक्‍ने। देकिनालो खोसाआ अ़ङ्‌का अ़धुन राक अ़पुवाङ, खोन्‍कि अ़ङ्‌का छेक्‍खादा छुक्‍ताङ्‌हिदा देम्‍खाछाङ खोसोओ अ़लेजो मान्‍कात।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

हिब्रु 4:12

देकिनालो निनाम्‍हाङ्‌ओ अ़चुय़ङ अ़ह़ङ खोन्‍कि सावापोरिओ मुयाङ। ओ ह्‍वालिप्‍पा अ़हायाक्‌ओ बान्‍छोन्‌दाङ्‌काछाङ च़लोक अ़हायाक। खोक्‍कोसोओ अ़चुय़ङ्‌आ साक्‍मा खोन्‍कि लावा मोचिओ अ़चुतुप अ़तुप्‌दा खोन्‍कि य़वाओ अ़दुङ्‌कुछुत्‌तारि अ़धाङ-अ़धाङ मुलो लेनुखात्‍तु, खोन्‍कि साकोङ्‌वादाओ मित्‍मा खोन्‍कि मिन्‍माचि छ़ङ्‌छेन्‍तुचि।

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।