खाङ्‌मुमा 15:1 - बान्‍तावा राई

¹ अ़ङ्‌का निनाम्‍मादु अ़धिवाङ खोन्‍कि म़दोम्‍दाओ नि बुन खाङ। मोदा सात्‌कापाङ निनाम्‍हाङ काफाचिआ सात्‌कातात आदेङ्‌ओ अ़चाअ़त्‍माचि म़क़क्‍तुङुचि, देकिनालो मोचिएदा निनाम्‍हाङ्‌ओ अ़चुमाइसुङ सेम्‍तायुङ्‌सा।

खाङ्‌मुमा 15:1 Iomraidhean Croise

खाङ्‌मुमा 10:3

खोन्‍किना मो निनाम्‍हाङ काफा धिनारा अ़धिवा य़ङ्‌आ ङुरिन्‌वा पारा। मो पाराहिदा सात्‌कातात कुलुङ्‌धिप्‍पाचि म़चेवा।

खाङ्‌मुमा 11:14

ह्‍वातात्‌ओतात अ़चाअ़त्‍मा खारा। खानुम, सुम्‌कातात्‌ओतात अ़चाअ़त्‍मा च़क्‍निङा तायाङ।

खाङ्‌मुमा 14:10

निनाम्‍हाङ्‌आ अ़चुच़ऱपाओ अ़न्‍नुनु छोयाङ्‌ओ अङ्‌गुरा माङ्‌वाछाङ मोचि दुङ्‌म़मेत्‍तुचि। मोसोओ अ़तुप्‌य़ङ मोचि म़सेङ्‌याङ्‌ओ निनाम्‍हाङ काफाचि खोन्‍कि थुबाछाओ अ़चुबुदा मि खोन्‍कि गन्‍ध़क्‌दा तोक्‍पो दुखा म़प़चि।

खाङ्‌मुमा 14:19

मो निनाम्‍हाङ काफाआ अ़कच्‍चे हेन्‍खामादा याङु, खोन्‍कि हेन्‍खामादाओ अङ्‌गुराओ अ़सिवा कोउ, खोन्‍कि मो निनाम्‍हाङ्‌ओ अ़चुमाइसुङ्‌ओ अ़धिवा अङ्‌गुरा युङ्‌खादा अ़वेइसादिसा।

खाङ्‌मुमा 16:1

खोन्‍किना निनाम्‍हाङ ब़क्‍खाखिम्‌दाङ्‌का अ़क्‌तात तोक्‍पो य़ङ्‌आ सात्‌कातात निनाम्‍हाङ काफाचि ओवात्‍नि लोङुचिओ अ़ङ्‌का एनुङ, “खारानिन, खोन्‍कि निनाम्‍हाङ्‌ओ अ़चुमाइसुङ्‌ओ सात्‌काखुङ हेन्‍खामादा थोआनुम।”

खाङ्‌मुमा 17:1

मो सात्‌कातात खुङ काक़क सातकापाङ निनाम्‍हाङ काफाचिएदाओ अ़क्‍छा अ़ङ्‌काएदा ताकि अ़लोवाङ, “बाना, मो तोक्‍पो काचान्‍चामा ब़द्‍धे चाक्‌वाचिदा युङ्‌याङ्‌ओ मोसाआ देत्‍नि दन्‍दा तोक्‍तुओ मो अ़ङ्‌का खाना खाङ्‌मेत्‍ना।

खाङ्‌मुमा 19:15

रावा-रावाचि धेत्‍मा खोक्‍कोसोओ अ़चुदोदाङ्‌का अ़हास़रिओ बान्‍छोन लोन, खोन्‍कि खोक्‍कोसाआ काकाराओ रोलाआ मोचिएदा हाङ्‌काचि म़मु। खोक्‍कोसाआ झारा सावापोरिओ निनाम्‍हाङ्‌ओ अ़चुमाइसुङ्‌ओ च़ऱपाआ अङ्‌गुरा खोक्‍खा अ़नेप।

खाङ्‌मुमा 21:9

मो सात्‌कातात देङ्‌दाओ अ़चाअ़त्‍माआ म़भेप्‍ताओ सात्‌काखुङ कातोक सात्‌कापाङ निनाम्‍हाङ काफाचिदा अ़क्‍छा बानाकि अ़ङ्‌का ओवात्‍नि अ़लोवाङ, “बाना, अ़ङ्‌का खाना थुबाछाओ अ़चुसायाकाकाम्‍मा खोक्‍कोसोओ अ़चुखिम्‍हाङ्‌मा, खाङ्‌मेत्‍नाने।”

खाङ्‌मुमा 8:13

खोन्‍किना अ़ङ्‌का चोउङ, खोन्‍कि नाम्‍छ़ऱदु अ़क्‌तात कोकोङ्‌वेत्‍मा अ़धिवा य़ङ्‌दा पात्‌याङ्‌सा पियाङाओ एनुङ, मो ओवात्‍नि य़ङाङा, “अ़चाअ़त्‍मा! अ़चाअ़त्‍मा! अ़चाअ़त्‍मा! झारा साङ ओ हेन्‍खामादा युङ्‌याङ। हान सुम्‌कातात निनाम्‍हाङ काफाचिआ अ़चुथुथुरि मुत्‍मा अ़मुयाङ।”

खाङ्‌मुमा 8:2

खोन्‍किना अ़ङ्‌का खाङ्‌च़ङ्‌ओ सात्‌कापाङ निनाम्‍हाङ काफाचिङा निनाम्‍हाङ्‌ओ अ़चुबुदा काएप्‌चि ओ, खोन्‍कि मोचि सात्‌कातात थुथुरि म़प़चि।

खाङ्‌मुमा 8:6

मो सात्‌कातात थुथुरि कातोक सात्‌कातात्‍माङ निनाम्‍हाङ काफाचि थुथुरि मुत्‍सि म़चुम्‍सान्‍चिन।

खाङ्‌मुमा 9:20

ओ अ़चाअ़त्‍मादाङ्‌का काह़ङ म़नाचिआ चाकावालावाचि खोन्‍कि आप्‍पि अ़चुछुक्‌आ म़मुचिओ सेम्‍पोक्‌चि ब़त्‍मा मान्‍छित्‌अ़दा। खोन्‍कि खामान्‍खाङ्‌कादा, खामान्‌एन्‍कादा खोन्‍कि कोन्‍मा मान्‍ऱकादा, हाराक्‌वा, रुपा, कासा, लुङ खोन्‍कि स़ङ्‌ओ सेम्‍पोक्‌चिएदा बोम्‍मान्‍चिदाङ्‌का अ़चुमिन्‍मा मान्‍लाअ़दा।