फिलिप्‍पि 4:7 - बान्‍तावा राई

⁷ साङ्‌आछाङ तुप्‍मा अ़ऱन्‍मिन्‌ओ निनाम्‍हाङ्‌ओ अ़चुसेवाङ्‌निआ आम्‍नुओ साकोङ्‌वाचि खोन्‍कि आम्‍नुओ मिन्‍माचि रात्‍तुचि देकिनालो खानानिन ख्रिस्‍त येसुएदा त़याइन्‌येन।

फिलिप्‍पि 4:7 Iomraidhean Croise

लुका 1:79

खोन्‍कि कुइयामादा कायुङ्‌चि खोन्‍कि स़मादामाओ अ़इप्‍नाम्‍मादा म़छुक्‍ताओचि साम म़प़चि, खोन्‍किना मो साम्‌आङा आन्‍कान निनाम्‍हाङ्‌एनान लामातोङ्‌मा लाम्‌दा म़तित।”

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 8:6

हेवामि पोक मित्‍माचिदा मिन्‍मा पाक्‍मानिओ स़मा ओ, मेन सेङ्‌लावादा मिन्‍मा पाक्‍मानिओ ह़ङ्‌म़ङ खोन्‍कि सेवाङ्‌नि ओ।

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 3:19

खोन्‍कि म़नाओ अ़तायाआ अ़तुप्‍तुन्‌ओ ख्रिस्‍तओ अ़चुसोम्‍तुक्‍मा सिन्‍मा रुवानुम, खोन्‌ओसा निनाम्‍हाङ्‌ओ झारा अ़चुच़माथाङ्‌माआ खानानिन भेप्‍तानिन।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 1:2

आन्‍पापा निनाम्‍हाङ पापा खोन्‍कि हाङ्‌पा येसु ख्रिस्‍तआ खानानिन सोमाऩतुक्‍तिन्‍ने खोन्‍कि सेवाङ्‌नि लिसानिन।

फिलिप्‍पि 4:19

अ़ङ्‌निनाम्‍हाङ्‌आ खोक्‍कोसोओ अ़चुओ अ़न्‍नुनु च़लोक अ़चुचासुम्‍छेन्‍बिवा आम्‍नुओ झारा दोत्‌ओ ख्रिस्‍त येसुदा त़याइन्‌येन्‌ओसा ऩतासिन्‍लान्‍प़न।

फिलिप्‍पि 4:21

ख्रिस्‍त येसुदा झारा निनाम्‍हाङ्‌ओ अ़चुम़नाचि सेवा मेत्‍तानुम्‍च़म। अ़ङ्‌काएनान्‌ओ ब़ब़, नाना खोन्‍कि निछाचिआ सेवा अ़बान्‌याङ।

फिलिप्‍पि 4:9

खानानिन्‌आ दि अ़ङ्‌काएदाङ्‌का त़चिन्‍तिन्‍चिन, खोन्‍कि त़लोउम खोन्‍कि त़एनुम खोन्‍कि त़खाम, मोवात्‍निङा चुवानिन। खोन्‍किना सेवाङ्‌नि काप़ निनाम्‍हाङ खानानिन्‌एनान म़युङ।

कलस्‍सि 3:15

अ़नुछ्‍या, खानानिन सेवाङ्‌निओ निम्‍पाङ अ़क्‌तात पोक्‌दा त़बुत्‍तिन्‌ओ। ख्रिस्‍तआ प़माय़ङ सेवाङ्‌निआ आम्‍नुओ साकोङ्‌वादा हाङ मुने। खोन्‍कि आलाङ्‌मि लिसानिन।

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।

खाङ्‌मुमा 1:4

एसियादाओ सात्‌कातात साम्‍भुङ्‌चिएदा युहन्‍नाओ अ़सेवा। खोक्‍कोसोओ अ़चुहाङ्‌मुखा बुदाओ सात्‌कातात लावादाङ्‌का खानानिन सोमातुक्‍मा खोन्‍कि सेवाङ्‌नि लिसानिन। खोक्‍को म़युङ्‌याङ, म़युङाङा, खोन्‍कि म़तायाङ।

खाङ्‌मुमा 2:17

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का मो सुकुलादाओ मन्‍ना प़ङ, खोन्‍कि अ़ङ्‌का मो अ़ऩङ्‌वा ऩङ छाप्‌याङ्‌ओ अ़क्‌तात ओम्‌याङ्‌ओ लुङ प़ङ, मो लुङ कातोक्‌आ ओन्‍ङा मो ऩङ सिन्‍तु।