फिलिप्‍पि 4:21 - बान्‍तावा राई

²¹ ख्रिस्‍त येसुदा झारा निनाम्‍हाङ्‌ओ अ़चुम़नाचि सेवा मेत्‍तानुम्‍च़म। अ़ङ्‌काएनान्‌ओ ब़ब़, नाना खोन्‍कि निछाचिआ सेवा अ़बान्‌याङ।

फिलिप्‍पि 4:21 Iomraidhean Croise

मत्‍ति 5:47

खानानिन आम्‍नुओ बुवा-निछाचि ओन्‍ङा सेवा त़मेत्‍तुम्‍च़म्‌नालो निचिदाङ्‌का च़लोक दि त़मुम कि? निरावाचिछाङ मोवात्‍नि ना म़च़!

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

गलाति 1:2

अ़ङ्‌का खोन्‍कि अ़ङ्‌काएनान कायुङ झारा साकोङ्‌छ़ङ कामुचिआ गलातियादाओ साम्‍भुङ्‌चिओ निम्‍पाङ ओ छाप्‍तुङ्‌योङ।

गलाति 2:3

मेन अ़ङ्‌काएनान अ़क्‍नि कायुङ तितस ग्रिक्‌नुछाङ सिप्‍मायाम्‍बुन लिमादोत निकिना साङ्‌आछाङ राकाङ्‌थेत्‍नि मान्‍मुअ़दा।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 4:7

साङ्‌आछाङ तुप्‍मा अ़ऱन्‍मिन्‌ओ निनाम्‍हाङ्‌ओ अ़चुसेवाङ्‌निआ आम्‍नुओ साकोङ्‌वाचि खोन्‍कि आम्‍नुओ मिन्‍माचि रात्‍तुचि देकिनालो खानानिन ख्रिस्‍त येसुएदा त़याइन्‌येन।