फिलिप्‍पि 4:20 - बान्‍तावा राई

²⁰ हान आन्‍निनाम्‍हाङ खोन्‍कि आन्‍पापाओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

फिलिप्‍पि 4:20 Iomraidhean Croise

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

मत्‍ति 6:9

खानानिन ओवात्‍नि यामारानिन: निनाम्‍मादु कायुङ आन्‍काओ पापा, आम्‍नुओ ऩङ सेङ्‌लो लिने,

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 16:27

अ़क्‍छा ओन्‍ङाओ निनाम्‍हाङ झारा खारुहाङ्‌पा, येसु ख्रिस्‍तलाम्‍पा अ़धुन-अ़धुन्‌तारि अ़चुऩङ्‌लोङ्‌युङ्‌ने! मोवात्‍निङा लिने।

एफिसि 3:21

खोक्‍कोसोओ अ़धुन-अ़धुन्‌तारि साम्‍भुङ खोन्‍कि ख्रिस्‍त येसुदा अ़धुन अ़चुऩङ्‌लोङ्‌ने! ओवात्‍निङा लिने।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 4:23

हाङ्‌पा येसु ख्रिस्‍तओ अ़चुसोम्‍तुक्‍मा आम्‍नुओ लावाएनान युङ्‌ने।

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!

खाङ्‌मुमा 1:6

खोक्‍कोसाआ आन्‍कान अ़चुहाङ्‌होन्‌ओ म़नाचि म़मुवायुङ्‌सा, खोन्‍कि निनाम्‍हाङ खोन्‍कि अ़चुपाओ काब़क्‌चि म़मुवायुङ्‌सा। येसु ख्रिस्‍तओ झारा अ़चुऩङ्‌लोङ्‌मा खोन्‍कि सावा अ़धुन-अ़धुन्‌तारि युङ्‌युङ्‌ने! ओवात्‍निङा लिने।

खाङ्‌मुमा 11:13

मोन्‍ग़रिङा अ़धिवाङ लुत्‍लि खारा, खोन्‍कि सहराओ दस्‌कालोक्‌ओ अ़क लोक लुक्‍ता, खोन्‍कि लुत्‍लिदा सात्‌हजारा म़नाचि म़सुवा। म़हेनाओ म़नाचिओ अ़चुक़माकाराकि निनाम्‍मादुओ निनाम्‍हाङ अ़लोङ्‌सा।

खाङ्‌मुमा 14:7

खोसाआ अ़धिवा य़ङ्‌दा य़ङा, “निनाम्‍हाङ कित्‍तानुम, खोन्‍कि खोक्‍कोसोओ अ़चुऩङ लोङ्‌सानुम, देकिनालो खोक्‍कोसाआ म़नाचिओ अ़चुछ़ङ्‌छेन्‍मा ग़रि तायुङ्‌सा। निनाम्‍मा, हेन्‍खामा, धियाङ्‌वामा खोन्‍कि चाक्‌वाओ अ़लित्‍खा कामुन्‍पा निनाम्‍हाङ ब़क्‍तानुम।”

खाङ्‌मुमा 5:12

मोचि अ़धिवा य़ङ्‌दा छाम म़लुवाङाओ अ़ङ्‌का एनुङ्‌च़ङ। “सेत्‍माय़ङ थुबाछा सावा, चासुम्‍छेन्‍बि, खारु, खोन्‍कि ऱमा, साऩङ्‌वा, साम खोन्‍कि चोन्‍मा लोक्‍माखान्‍तुओ म़मुयाङ!”

खाङ्‌मुमा 7:12

“मोवात्‍निङा लिने! चोन्‍मा, साम, खारु, आलाङ, साया, सावा खोन्‍कि छोमा अ़धुन-अ़धुन्‌तारि आन्‍निनाम्‍हाङ्‌एदा युङ्‌युङ्‌ने। मोवात्‍निङा लिने!”