फिलिप्‍पि 4:15 - बान्‍तावा राई

¹⁵ अ़नुछ्‍या खानानिन फिलिप्‍पिचि आप्‍पिछाङ त़सिन्‍तुम्‌योम, बुयाओदु खानानिन्‌एदा अ़ङ्‌का नुय़ङ्‌खान तारुङ, खोन्‍किना अ़ङ्‌का माकेदोनियादाङ्‌का हासाङ्‌च़ङ्‌हिदा प़मा खोन्‍कि लोक्‍मा काचिदा खानानिन्‌एदाङ्‌का नि खाक्‍कोछाङ साम्‍भुङ्‌चि अ़ङ्‌काएदा मान्‌वाङ्‌चि।

फिलिप्‍पि 4:15 Iomraidhean Croise

छाम्‍माय़ङ 16:40

पावल खोन्‍कि सिलास छेक्‍खाखिम्‌दाङ्‌का बुङ्‌खाया लोन्‍ताचिकि लिदियाओ अ़खिम्‌दा खाराचि। खोन्‍कि मोदा साकोङ्‌छ़ङ कामुचिएनान म़तुवाकि मोचि राक अ़पुवाचुचिन खोन्‍किना म़हासान्‍चिन।

रोमि 15:26

देकिनालो यरुसलेम्‌दाओ निनाम्‍हाङ्‌ओ अ़चुम़नाचिओ रादा मान्‍तोक्‍कादाचिओ निम्‍पाङ माकेदोनिया खोन्‍कि अखैयादाओ साम्‍भुङ्‌चिआ अ़चिलोक छुक्‍दाम प़मा अ़छ़ङ अ़मुवायुङ्‌सा।

फिलिप्‍पि 1:12

ब़ब़, नाना खोन्‍कि निछाचि ओ, खानानिन ओ सिन्‍तानुम्‌नि अ़ङ्‌का मिन्‍ङा, अ़ङ्‌काएदा म़ताओ य़ङ्‌चिआ अ़नुछ्‍याङा नुय़ङ्‌खान फेमा म़फासायुङ्‌सा।

फिलिप्‍पि 1:16

नुय़ङ्‌खान रात्‍माओ निम्‍पाङ अ़ङ्‌का ओदा युङ्‌ङाङाओ मोचिआ अ़सिन्‍तायुङ्‌सा। खोन्‌ओसा खा-खाक्‍कोचिआ अ़नुवाक मिन्‍माआ खाअ़लुसायुङ्‌सा, मोचिआ अ़चुसोमातुक्‍माआ अ़मुयाङ।

फिलिप्‍पि 1:5

देकिनालो बुयाओ लेन्‌दाङ्‌का आइमित्‌तारि नुय़ङ्‌खान काचिदा खानानिन्‌आ अ़ङ्‌का त़फानियुङ्‌नि।

फिलिप्‍पि 1:7

अ़ङ्‌का खानानिन झारा अ़ङ्‌साकोङ्‌वादा युङ्‌नानिन। खानानिन झारासोओ निम्‍पाङ अ़ङ्‌का ओवात्‍नि मित्‍मा तोङ्‌नि मिनाङ, देकिनालो अ़ङ्‌छेक्‍मादा खोन्‍कि अ़छ़ङ नुय़ङ्‌खान्‌ओ अ़रात्‍मादा खोन्‍कि नुय़ङ्‌खान अ़छ़ङ मुयाङ्‌नि खाङ्‌मुमा ह्‍वातात्‍माङ्‌दा खानानिन अ़ङ्‌काएनान्‌ओ सोमातुक्‍मादा फासि त़वाङिन्‌युङ्‌सिन।

फिलिप्‍पि 2:12

खोन्‌ओसा सोमातुक्‍नाङ्‌नानिन्‌ओ यावाचि ओ, देत्‍नि खानानिन्‌आ अ़धुन निनाम्‍हाङ्‌ओ अ़चुलोमाय़ङ त़काङ्‌सिन, अ़ङ्‌का खानानिन्‌एदा युङाङ्‌याङ्‌हिदा ओन्‍ङा मुन्‌वा माआङ, मेन च़लोक अ़ङ्‌का मात्‍द़ङ्‌हिदाछाङ क़माआ धुन्‌याङ्‌सा आम्‍नुओ लेन्‍माय़ङ्‌आ खानानिन झारासाआ चात्‍लो काचि मुवायुङ्‌सानिन।