फिलिप्‍पि 3:17 - बान्‍तावा राई

¹⁷ ब़ब़, नाना खोन्‍कि निछाचि ओ, खानानिन अ़ङ्‌मात्‍ऩङ त़ङ्‌तानुम। खा-खाक्‍कोचिआ आन्‍काओ अ़मात्‍ऩङ अ़त़ङ खानानिन्‌आ मोचिएदाङ्‌का चिन्‍तानिन्‍चिन।

फिलिप्‍पि 3:17 Iomraidhean Croise

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 11:1

अ़ङ्‌का ख्रिस्‍त त़ङ्‌तुङ्‌वा खानानिन्‌छाङ अ़ङ्‌का कात़ङ लिसानिन।

१ कोरिन्‍थि 4:16

खोन्‌ओसा अ़ङ्‌का काखेङ लिसानिन्‌नि खानानिन यायोक प़नानिन।

फिलिप्‍पि 4:9

खानानिन्‌आ दि अ़ङ्‌काएदाङ्‌का त़चिन्‍तिन्‍चिन, खोन्‍कि त़लोउम खोन्‍कि त़एनुम खोन्‍कि त़खाम, मोवात्‍निङा चुवानिन। खोन्‍किना सेवाङ्‌नि काप़ निनाम्‍हाङ खानानिन्‌एनान म़युङ।

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

२ थेसलोनिकि 3:14

ओ छाप्‍लावादाओ आन्‍काओ लोमाय़ङ्‌वा साङ मुमा छुन्‌नालो मो म़ना सिन्‍तायुङ्‌सानुम। मोचिएनान मान्‍तोङ्‌दानिन, खोन्‌ओसा मोचि लेजो म़लिने।

२ थेसलोनिकि 3:7

देकिनालो खानानिन्‌आ देत्‍नि आन्‍कान्‍का खेङ्‌मादोत्‌ओ, मो खानानिन्‌आ त़सिन्‍तुम्‌योम। आन्‍कान्‍का खानानिन्‌एनान अ़क्‍नि युङिन्‌येन्‍काहिदा मान्‍सोदान्‌येन्‍का।

२ थेसलोनिकि 3:9

आन्‍कान्‍का फामा तोक्‍मा पाङ मात्‍द़ङ्‌ओसा माआङ, मेन खानानिन्‌आ आन्‍कान्‍का खेङ्‌मा अ़मात्‍ऩङ लिने निकिना मोत्‍नि आन्‍कान्‍का च़न्‍का।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

हिब्रु 13:7

आम्‍नुओ बुयाओ बुसुवाचि मित्‍तानुम्‍च़म, खोचिआ खानानिन निनाम्‍हाङ्‌ओ अ़चुय़ङ खाऩएत्‍तिन। खोचि देत्‍नि अ़नुवाक ह़ङ्‌म़ङ म़ह़ङाओ मित्‍तानुम, खोन्‍कि मोचिओ अ़चुसाकोङ्‌छ़ङ्‌ओ अ़मात्‍ऩङ त़ङ्‌तानुम।

१ पत्रुस 5:3

खानानिन खाङ्‌मा ऩप़न्‌ओचि तिम्‌याङ्‌सा माआङ, मेन अ़लोकाचिओ अ़मात्‍ऩङ लिसानिन।