फिलिप्‍पि 3:13 - बान्‍तावा राई

¹³ अ़ङ्‍ब़ब़, नाना खोन्‍कि निछाचि ओ, मो अ़ङ्‌का झारा तोक्‍तुङ्‌चिउङ्‌युङ्‌सुङ्‌च़ङ्‌नि अ़ङ्‌का अ़मिन्‍ऩङ, मेन अ़ङ्‌का ओ मुङ, मेन देङ्‌याओ य़ङ्‌चि मान्‍तुङ्‌केसुङ्‌च़ङ्‌कि बुयाओ य़ङ्‌चिह्‍यात्‍नि तामालामा लाम्‍ङा।

फिलिप्‍पि 3:13 Iomraidhean Croise

लुका 10:42

मेन अ़नुछ्‍याओ अ़नुवाक य़ङ अ़क्‌तात ओन्‍ङा युङ्‌याङ। मो अ़नुवाक य़ङ मरियम्‌आ छेन्‍तुयुङ्‌सु, मो खोएदाङ्‌का अ़ङाप्‍निन।”

लुका 9:62

मेन येसुआ मो अ़लोवा, “हाराओ अ़लादा अ़छुक पाउकि अ़देङ्‌ह्‍यात्‍नि खाकाखाङ साङ्‌छाङ निनाम्‍हाङ्‌ओ अ़चुहाङ्‌होन्‌ओ काचि मुमा अ़खान्‍तुन।”

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।

फिलिप्‍पि 2:12

खोन्‌ओसा सोमातुक्‍नाङ्‌नानिन्‌ओ यावाचि ओ, देत्‍नि खानानिन्‌आ अ़धुन निनाम्‍हाङ्‌ओ अ़चुलोमाय़ङ त़काङ्‌सिन, अ़ङ्‌का खानानिन्‌एदा युङाङ्‌याङ्‌हिदा ओन्‍ङा मुन्‌वा माआङ, मेन च़लोक अ़ङ्‌का मात्‍द़ङ्‌हिदाछाङ क़माआ धुन्‌याङ्‌सा आम्‍नुओ लेन्‍माय़ङ्‌आ खानानिन झारासाआ चात्‍लो काचि मुवायुङ्‌सानिन।

फिलिप्‍पि 3:12

अ़ङ्‌का मो मित्‍चिऩङ्‌चि झारा बुयाङा तोक्‍तुङ्‌चिउङ्‌युङ्‌सुङ्‌च़ङ माङ्‌लो अ़ङ्‌का बुयाङा तासुङ्‌लोङ्‌युङ्‌सुङ्‌च़ङ निकिना माआङ, मेन मो मित्‍चिऩङ्‌चि लाप्‍माचिओ निकिना अ़ङ्‌का बुया खात्‍ङाङा। मो मित्‍चिऩङ्‌चिओ निकिना ख्रिस्‍तआ अ़ङ्‌का ऩलावाङ!

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।

२ पत्रुस 3:8

मेन सोमातुक्‍नाङ्‌नानिन्‌ओ अ़ङ्‌यावाचि ओ, अ़क्‌तात य़ङ मान्‍मान्‍केदानुम: हाङ्‌पा निनाम्‍हाङ्‌ओ निम्‍पाङ अ़क लेन अ़क हजाराकादोङ्‌वा, खोन्‍कि अ़क हजाराकादोङ अ़क लेन्‌वात्‍नि मु।