फिलिप्‍पि 3:1 - बान्‍तावा राई

¹ अ़सेत्‍मादिमादा, अ़ङ्‍ब़ब़, नाना खोन्‍कि निछाचि ओ, हाङ्‌पाएदा ऩङानुसानिन्‍चिन! खानानिन मो य़ङ्‌चि छाप्‍मायुङ्‌मा अ़ङ्‌का अ़ङ्‌नाप्‍मा अ़लुनिन, खोन्‍कि मो आम्‍नुओ रात्‍मा निम्‍पाङ ओ।

फिलिप्‍पि 3:1 Iomraidhean Croise

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

लुका 1:47

खोन्‍कि अ़ङ्‌कोङ्‌हुत्‌याङ्‌का अ़ङ्‌कालेन्‍पा निनाम्‍हाङ्‌एदा अ़ङ्‌ऩङानु।

रोमि 5:11

ओन ओन्‍ङा माआङ, मेन आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍ऩङानुसिन्‍चिन, खोक्‍कोसाआ ओन्‍ग़रि आन्‍कान निनाम्‍हाङ्‌ओ अ़चुयावा म़मुवायुङ्‌सा।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

एफिसि 6:10

हान, हाङ्‌पा खोन्‍कि खोक्‍कोसोओ अ़चुसावाओ ऱमादा काछो लिसानिन।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 4:4

हाङ्‌पाएदा अ़धुन आम्‍नुओ ऩङानुसानिन्‍चिन। अ़ङ्‌का लाङाय़ङ्‌ङा आम्‍नुओ ऩङानुसानिन्‍चिन!

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

१ थेसलोनिकि 4:1

हान अ़चिन्‍मादा, ब़ब़, नाना खोन्‍कि निछाचि ओ, आन्‍कान्‍का हाङ्‌पा येसुएदा खानानिन लोनियुङ्‌नि खोन्‍कि यायोक प़नियुङ्‌नि। खानानिन्‌आ देत्‍नि ह़ङ्‌माकि निनाम्‍हाङ्‌ओ अ़चुऩङानुमादोत्‌निओ य़ङ आन्‍कान्‍काएदाङ्‌का त़चिन्‍तिन्‌युङ्‌सिन्‍चिन। खानानिन मोवात्‍निङा त़च़न्‌येन, खोन्‍कि मोवात्‍निङा च़लोक च़याङ्‌सा खारानिन निकिना आन्‍कान्‍का खानानिन राक प़नि।

१ थेसलोनिकि 5:16

अ़धुन आम्‍नुओ ऩङानुने,

याकुब 1:2

ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ पत्रुस 4:13

मेन ख्रिस्‍तओ अ़चुदुखा आङ्‌मादा खानानिन त़वाङिन्‌येन्‌हिदा ऩङानुसानिन्‍चिन। खोन्‍नालो खोक्‍कोसोओ अ़चुसाम दात्‌हिदा खानानिन्‌छाङ अ़न्‍नुनु आम्‍नुओ ऩङानुने खोन्‍कि छेमाकात्‍ने।

२ पत्रुस 3:1

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का आम्‍नुओ निम्‍पाङ ओ ह्‍वातात्‌ओतात छाप्‍लावा छाप्‍तुङ्‌युङ्‌सुङ। ओ ह्‍वातात्‍माङ छाप्‍लावादा अ़ङ्‌का मो य़ङ्‌चि मित्‍मेत्‌याङ्‌सा खानानिन नुलोक मिन्‍मा राक प़नायुङ्‌नानिन।