फिलिप्‍पि 2:9 - बान्‍तावा राई

⁹ खोन्‌ओसा निनाम्‍हाङ्‌आ खोक्‍को अ़न्‍नुनु अ़झोइसा, खोन्‍कि खोक्‍को मो अ़क्‌तात ऩङ अ़पुवा, मो झारा ऩङ्‌दाङ्‌का झोन्‌याङ,

फिलिप्‍पि 2:9 Iomraidhean Croise

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

लुका 10:22

अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।”

युहन्‍ना 13:3

निनाम्‍हाङ पापाआ झारा सामा खोक्‍कोसोओ अ़चुछुक्‌दा अ़पुवाओ खोन्‍कि खोक्‍को निनाम्‍हाङ्‌लाम्‍पा म़ताओ खोन्‍कि निनाम्‍हाङ्‌एदा म़खात्‌याङ्‌नि येसुआ अ़सिन्‍ताङा।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 17:12

देम्‍खातारि अ़ङ्‌का मोचिएदा युङाङ, खानानिन्‌आ अ़ङ्‌का त़प़निओ आम्‍नुओ सावाआ मोचि रात्‍तुङ्‌च़ङ। खोन्‍किना मोचिएदाओ कालुक्‌दाङ्‌का नि खाक्‍कोछाङ मान्‍लुक्‌चि, खोन्‌ओसा साम्‍कालिन तामालामा दोराङा।

युहन्‍ना 17:5

आपो, हेन्‍खामा मुन्‍मा बुया आन्‍काचिएदा याआङाओ आन्‍चुओ साऩङ्‌वा हान अ़ङ्‌का लानिप़नि।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

कलस्‍सि 1:18

खोक्‍को साम्‍भुङ्‌ओ अ़छोङ म़मुयाङ, खोन्‍कि मो साम्‍भुङ खोक्‍कोसोओ अ़चुपोक ओ। खोक्‍को अ़पुङ्‌चिपुक ओ, म़सुवादाओचिदाङ्‌का काखोन्‍लोन खोक्‍को बुयाओ म़मुयाङ। खोन्‌ओसा झारा य़ङ्‌चिदाङ्‌का खोक्‍को अ़छोङ्‌दुओ म़लिने।

२ थेसलोनिकि 1:12

खोवात्‍निओसा आन्‍निनाम्‍हाङ खोन्‍कि आन्‍हाङ्‌पा येसु ख्रिस्‍तओ अ़चुओ सोम्‍तुक्‍मालाम्‍पा आन्‍हाङ्‌पा येसु ख्रिस्‍तओ अ़चुऩङ खानानिन्‌एदा लोङ्‌ने, खोन्‍कि आम्‍नुओ ऩङ्‌छाङ ख्रिस्‍तएदा लोङ्‌ने।

हिब्रु 1:4

देत्‍नि खोक्‍कोसाआ अ़तोक्‍ताओ ऩङ निनाम्‍हाङ काफाचिदाङ्‌का अ़नुवाक मुयाङ, मोवात्‍निङा खोक्‍को मोचिदाङ्‌का च़लोक म़झोन्‌याङ्‌ओ म़काइसान्‌युङ्‌सान्‍चिन।

हिब्रु 1:9

खानानिन्‌आ साम्‌योक सोमात़तुक्‍तुम्‌युङ्‌सुम, खोन्‍कि अ़त्‍लो ऩङात़छिरुम्‌युङ्‌सुम। खोन्‌ओसा निनाम्‍हाङ, आम्‍नुओ निनाम्‍हाङ्‌आ खानानिन आम्‍नुओ यावाचिदाङ्‌का च़लोक ऩङानुमाओ आक्‌वाआ ऩथोक्‍तिन्‌कि ऩछेन्‍तिन्‌युङ्‌सिन।”

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 2:9

मेन आन्‍कान येसु खाम। खोक्‍को अ़क्‍दुओ निम्‍पाङ निनाम्‍हाङ काफाचिदाङ्‌का अ़क्‍चित ह्‍युना अ़युङ्‌साकि निनाम्‍हाङ्‌ओ अ़चुसोम्‍तुक्‍माआ झारा म़नाचिओ निम्‍पाङ खोक्‍को स़मादोरा। मोवात्‍निङा खोक्‍कोसाआ आन्‍को निम्‍पाङ स़माओ अ़चाअ़त्‍मा अ़आङ्‌ता। खोन्‌ओसा खोक्‍को साम खोन्‍कि साऩङ्‌वाओ ताङ्‌बोप्‍खाआ अ़बोप्‍तायुङ्‌सा।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।

२ पत्रुस 1:17

मो तोक्‍पो सावापोरिओ निनाम्‍हाङ्‌आ “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा”नि येसु म़य़ङाहिदा खोक्‍कोसाआ निनाम्‍हाङ पापाएदाङ्‌का साया खोन्‍कि ऩङ्‌चोन्‍मा अ़तोक्‍ता।

३ युहन्‍ना 1:7

देकिनालो मोचिआ निरावाचिएदाङ्‌का दित्‍छाङ मान्‍लोक्‍माङ हाङ्‌पाओ अ़चुऩङ्‌ओ निकिना कोइसि म़लोन्‍ताओ।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

खाङ्‌मुमा 5:12

मोचि अ़धिवा य़ङ्‌दा छाम म़लुवाङाओ अ़ङ्‌का एनुङ्‌च़ङ। “सेत्‍माय़ङ थुबाछा सावा, चासुम्‍छेन्‍बि, खारु, खोन्‍कि ऱमा, साऩङ्‌वा, साम खोन्‍कि चोन्‍मा लोक्‍माखान्‍तुओ म़मुयाङ!”