फिलिप्‍पि 2:3 - बान्‍तावा राई

³ देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

फिलिप्‍पि 2:3 Iomraidhean Croise

लुका 18:14

अ़ङ्‌का खानानिन लोनानिन, ओ दाम्‍दु कालात मो फरिसिदाङ्‌का निनाम्‍हाङ्‌ओ अ़चुमिन्‍मावा काच़नि काइसाकि अ़खिम्‌ह्‍यात्‍नि खारा। देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

रोमि 12:10

अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 2:8

मेन आप्‍पि खाङ्‌मान्‍चिन मिन्‍मा म़मुयाङ्‍ओचि, अ़छ़ङ य़ङ मान्‍काङ्‌कादा खोन्‍कि अ़अ़त्‍पादा काकोन्‍चिएदा अ़चुच़ऱपा खोन्‍कि अ़चुमाइसुङ छुक।

१ कोरिन्‍थि 15:9

छाम्‍माय़ङ म़नाचिएदाङ्‌काओ अ़ङ्‌का अ़चुप्‍पाङ ओ। अ़ङ्‌का छाम्‍माय़ङ म़नानि लोमा अ़खान्‍ऩङ, देकिनालो अ़ङ्‌का निनाम्‍हाङ्‌ओ अ़चुसाम्‍भुङ दुखा प़ङ।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

गलाति 5:15

मेन खानानिन अ़क्‍छाआ नि धेक्‍काधेक, ख़ङ्‌का-ख़ङ त़मुन्‌नालो ना चाप्‍तेत्‍तानिन्‍चिन, खानानिन अ़क्‍छा निएदाङ्‌काङा लुक्‍मा अ़दोत्‍निन्‍ने।

गलाति 5:26

आन्‍कान ऱक्‍भाक अ़मुन्‍मिन्‍ने। अ़क्‍छा निएदा माइसुङ खोन्‍कि ऩङ्‌च़ मेत्‌अ़मुन्‍मिन्‍ने।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

फिलिप्‍पि 2:14

छुऩङ्‌वा माङ्‌लो दुम मान्‍तुमाङ झारा य़ङ मुयाङ्‌सा खारानिन।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

कलस्‍सि 3:8

मेन हान खानानिन आप्‍पि ओवाको झारा य़ङ्‌चि छिरानुम्‍च़म: माइसुङ, च़ऱपा, ऩङ्‌च़, सुङ्‌मा खोन्‍किना आम्‍नुओ दोदाङ्‌का लोन्‌ओ चिप्‍मानाम य़ङ।

१ तिमोथि 6:4

खो ऱक्‍भाक ओ, खोन्‍कि दित्‍छाङ अ़तुप्‍तुन। खो दुम्‍तुमादा अ़ऩङानु, खोन्‍कि य़ङ्‌सिवाचिओ अ़तुक्‌वादा दुम्‍छ़न। मोसाआ माइसुङ, खिमा, सुङ्‌मा खोन्‍कि अ़अ़त्‍पा मान्‍केङ्‌चि लोइसुचि।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”