फिलिप्‍पि 2:22 - बान्‍तावा राई

²² मेन तिमोथि दियाको म़ना ओ, खानानिन्‌आ त़सिन्‍तुम्‌योम, देत्‍नि अ़छाआ अ़पा ब़रु, मोवात्‍निङा खोसाआ अ़ङ्‌का नुय़ङ्‌खान खालुमा अ़फासाङ।

फिलिप्‍पि 2:22 Iomraidhean Croise

छाम्‍माय़ङ 16:2

लुस्‍त्रा खोन्‍कि आइकोनियन्‌दाओ साकोङ्‌छ़ङ कामुचिआ तिमोथि अ़नुवाक म़नानि अ़लोवाङा।

रोमि 5:4

आङ्‌मा सावाआ निनाम्‍हाङ्‌एदा देत्‍नि ह़ङ्‌मानिओ सावा पोइसु, खोन्‍कि मोसाआ अ़छ़ङ सोम्‍कुवा आन्‍कान म़प़।

१ कोरिन्‍थि 16:10

तिमोथि खानानिन्‌एदा बान्‌हिदा अ़क़मा मान्‍कात्‍माङ खानानिन्‌एनान अ़क्‍नि युङ्‌मा पुवानुम। देकिनालो खोछाङ अ़ङ्‌कावात्‍निङा हाङ्‌पाओ अ़चुकाचि मुयाङ।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

२ कोरिन्‍थि 2:9

खानानिन चिन्‍माखाङ्‌मा खोन्‍कि झारा य़ङ्‌दा लोमाय़ङ्‌वा त़च़न्‌येन हे माआङ्‌नि सिन्‍मा निम्‍पाङ अ़ङ्‌का खानानिन छाप्‍नानिन्‌ओ।

२ कोरिन्‍थि 8:22

मोचिएनान आन्‍काओ निछा बाइसुम्‌योम्‍का, खो आन्‍कान्‍का ब़द्‍धेकादु चिन्‍तुम्‍खोम्‍का, खोन्‍कि ब़द्‍धे य़ङ्‌चिदा अ़राक्‌एनान्‌ओ आन्‍कान्‍का खो धिरुम्‌युङ्‌सुम्‍का। खानानिन्‌एदाओ अ़धिवा अ़सोम्‍कुवाआ खो च़लोक राक्‌एनान्‌ओ लिसायुङ्‌सा।

२ कोरिन्‍थि 8:24

खोन्‌ओसा, आम्‍नुओ सोम्‍तुक्‍मा खोन्‍कि आम्‍नुओ तुक्‌वादा आन्‍काओ ऩङानुमाओ अ़सालुम्‍स़ङ साम्‍भुङ्‌चिओ अ़चुबुदा ओ म़नाचि खाङ्‌मेत्‍तानुम्‍च़म।

२ कोरिन्‍थि 8:8

अ़ङ्‌का खानानिन लोमाय़ङ्‌वा लोनाङ्‌नानिन्‌ओ माआङ, मेन निचिओ अ़चुराक्‌एनान तोङ्‌खाङ्‌याङ्‌सा आम्‍नुओ सोम्‍तुक्‍माछाङ अ़छ़ङ मुयाङ्‌नि खाङ्‌मुमाओ निम्‍पाङ अ़ङ्‌का लोनानिन्‌ओ।

फिलिप्‍पि 1:12

ब़ब़, नाना खोन्‍कि निछाचि ओ, खानानिन ओ सिन्‍तानुम्‌नि अ़ङ्‌का मिन्‍ङा, अ़ङ्‌काएदा म़ताओ य़ङ्‌चिआ अ़नुछ्‍याङा नुय़ङ्‌खान फेमा म़फासायुङ्‌सा।

फिलिप्‍पि 1:16

नुय़ङ्‌खान रात्‍माओ निम्‍पाङ अ़ङ्‌का ओदा युङ्‌ङाङाओ मोचिआ अ़सिन्‍तायुङ्‌सा। खोन्‌ओसा खा-खाक्‍कोचिआ अ़नुवाक मिन्‍माआ खाअ़लुसायुङ्‌सा, मोचिआ अ़चुसोमातुक्‍माआ अ़मुयाङ।

फिलिप्‍पि 1:5

देकिनालो बुयाओ लेन्‌दाङ्‌का आइमित्‌तारि नुय़ङ्‌खान काचिदा खानानिन्‌आ अ़ङ्‌का त़फानियुङ्‌नि।

फिलिप्‍पि 1:7

अ़ङ्‌का खानानिन झारा अ़ङ्‌साकोङ्‌वादा युङ्‌नानिन। खानानिन झारासोओ निम्‍पाङ अ़ङ्‌का ओवात्‍नि मित्‍मा तोङ्‌नि मिनाङ, देकिनालो अ़ङ्‌छेक्‍मादा खोन्‍कि अ़छ़ङ नुय़ङ्‌खान्‌ओ अ़रात्‍मादा खोन्‍कि नुय़ङ्‌खान अ़छ़ङ मुयाङ्‌नि खाङ्‌मुमा ह्‍वातात्‍माङ्‌दा खानानिन अ़ङ्‌काएनान्‌ओ सोमातुक्‍मादा फासि त़वाङिन्‌युङ्‌सिन।

फिलिप्‍पि 2:20

खोवाको अ़छ़ङ मिन्‍माआ आम्‍नुओ नुलोक कामित अ़ङ्‌काएदा नि साङ्‌छाङ मात्‍द़ङ।

१ तिमोथि 1:18

अ़ङ्‌छा तिमोथि, आम्‍को निम्‍पाङ अ़ङ्‌लोमाय़ङ्‌चि ओदा म़याक्‌याङ, आम्‍तुक्‌वादा बुया निनाम्‍हाङ्‌य़ङ खालुमाय़ङ्‌वात्‍नि साकोङ्‌छ़ङ खोन्‍कि अ़नुवाक छेन्‍खाताया युङ्‌याङ्‌सा खाना अ़नुवाक ङेन मुमा रुवा।

१ तिमोथि 1:2

ओ छाप्‍लावा साकोङ्‌छ़ङ्‌दा अ़नुछ्‍याओ अ़ङ्‌छा तिमोथिओ निम्‍पाङ ओ छाप्‍लावा छाप्‍तुङ्‌योङ। निनाम्‍हाङ पापा खोन्‍कि आन्‍ख्रिस्‍त येसुआ खाना नुलोक ऩमुने, सोमाऩतुक्‍ने खोन्‍कि सेवाङ्‌नि ऩमुने।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

२ तिमोथि 1:2

अ़ङ्‌का अ़ङ्‌छावात्‍नि सोमातुक्‍नाङ्‌नाओ तिमोथि खाना ओ छाप्‍लावा छाप्‍नाङ्‌ना। आन्‍पापा निनाम्‍हाङ खोन्‍कि आन्‍हाङ्‌पा येसु ख्रिस्‍तआ खाना सोमातुक्‍मा, फामामिन्‍मा खोन्‍कि सेवाङ्‌नि ऩप़ने।

२ तिमोथि 3:10

हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।