फिलिप्‍पि 2:19 - बान्‍तावा राई

¹⁹ हाङ्‌पा येसुओ अ़चुमिन्‍मा याक्‌याङ्‌नालो खानानिन्‌एदा च़क्‍नि तिमोथि बान्‍मानि मिन्‍ङाङा, मोवात्‍नि आम्‍नुओ य़ङ्‌खान्‌आ अ़ङ्‌काछाङ अ़ङ्‌ऩङानुमान्‍चिन ऱङाने।

फिलिप्‍पि 2:19 Iomraidhean Croise

मत्‍ति 12:21

खोक्‍कोसोओ अ़चुऩङ्‌दा झारा रावा-रावाचि तामित्‍मा म़मु।”

छाम्‍माय़ङ 16:1

पावल खोन्‍कि सिलास दर्बिदा खोन्‍किना लुस्‍त्रादाछाङ खाराचि। मोदा तिमोथि अ़ऩङ मुवाङाओ अ़क्‍छा येसु काखेङ युङाङा। खो अ़क्‍छा साकोङ्‌छ़ङ कामुमा यहुदि मेत्‍छामाओ अ़दुवाछा छाओ, मेन खोसोओ अ़पा ग्रिक ओ।

रोमि 15:12

खोन्‍कि यसैया हान्‍छाङ य़ङ्‌याङ, “यिसैओ अ़भुङ्‌दाङ्‌का अ़क्‍छा म़ता, खोक्‍को निरावाचिदा हाङ्‌म़मु, खोक्‍कोएदा निरावाचि सोम्‍कुवा म़मु।”

रोमि 16:21

तिमोथि अ़ङ्‌काएनान अ़क्‍नि काचि कामु खोन्‍कि यहुदि अ़ङ्‌दाक्‍मित्‌चि, लुकियस, यासोन खोन्‍कि सोसिपात्रोस्‌आ खानानिन सेवा ऩछोक्‍तिन्‌युङ्‌सिन।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 2:18

मोवात्‍निङा खानानिन्‌छाङ अ़ङ्‌काएनान आम्‍नुओ ऩङानुमादोत खोन्‍कि सोम्‍सेत्‍मान्‍चिन्‍दोत।

फिलिप्‍पि 2:28

खोन्‌ओसा अ़ङ्‌का खो बान्‍मा च़लोक अ़ङ्‌ऩङानुयाङ, मोवात्‍नि खो त़लासुम खाम खोन्‍किना खानानिन आम्‍नुओ ऩङानु, खोन्‍कि अ़ङ्‌योक्‍माछाङ अ़क्‍चित सेम।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

१ थेसलोनिकि 3:5

खोन्‌ओसा, अ़ङ्‌का च़लोक आङ्‌मा मान्‍ऱङाकिना आम्‍नुओ साकोङ्‌छ़ङ्‌ओ अ़तुक्‌वादा सिन्‍मा निकिना अ़ङ्‌का तिमोथि छुत्‍तुङ। सैतानाआ खानानिन चिन्‍माखाङ्‌मादा ऩधान्‍तिन्‌कि आन्‍कान्‍का मुम्‍काओ काचि सोज्‍जे लिसा हे निकिना अ़ङ्‌क़माकारा।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

याकुब 4:15

खानानिन ना “निनाम्‍हाङ्‌ओ अ़चुमिन्‍मा याक्‌याङ्‌नालो आन्‍कान्‍का ह़ङिन्‍काकि ओक्‍को मुम्‍का माङ्‌लो मो मुम्‍का”नि य़ङ्‌मा दोराङाओ।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।