फिलिप्‍पि 2:17 - बान्‍तावा राई

¹⁷ मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 2:17 Iomraidhean Croise

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 4:12

ओवात्‍नि आन्‍कान्‍का स़माओ अ़बुदा ह़ङिन्‍का, मेन खानानिन्‌आ अ़लुक्‍निन्‌ओ ह़ङ्‌म़ङ त़तोक्‍तुम।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

२ कोरिन्‍थि 7:4

खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

फिलिप्‍पि 2:18

मोवात्‍निङा खानानिन्‌छाङ अ़ङ्‌काएनान आम्‍नुओ ऩङानुमादोत खोन्‍कि सोम्‍सेत्‍मान्‍चिन्‍दोत।

फिलिप्‍पि 2:30

देकिनालो ख्रिस्‍तओ अ़चुकाचिओ निम्‍पाङ खो आप्‍फात सुवादाओ। खोन्‍कि अ़ङ्‌काएदाओ आम्‍नुओ ब़त्‍मा तामालामा निम्‍पाङ खोसाआ अ़ह़ङ्‌म़ङ चाअ़त्‍लोदा पाउ।

फिलिप्‍पि 4:18

अ़ङ्‌का तोक्‍मादोत्‌ओदाङ्‌का च़लोक्‌ङा तोक्‍तुङ्‌युङ्‌सुङ। इपाफ्रोदितस्‌लाम्‍पा त़छोक्‍निओ आम्‍नुओ छुक्‍तुप्‍मा अ़ङ्‌का तोक्‍तुङ्‌युङ्‌सुङ। मो निनाम्‍हाङ्‌ओ अ़चुऩङानुओ नाम्‍नुओ अ़सुङ अ़क्‌तात लोक्‍माखान्‍तुओ हेन्‍खोक्‌वा ओ।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

१ थेसलोनिकि 2:8

आन्‍कान्‍का खानानिन ब़द्‍धे सोमातुक्‍निकिना निनाम्‍हाङ्‌ओ अ़नुय़ङ्‌खान ओन्‍ङा माआङ, मेन आन्‍काओ ह़ङ्‌म़ङ्‌छाङ खानानिन प़मा आन्‍काओ ऩङानुवा, देकिनालो आन्‍कान्‍का खानानिन अ़न्‍नुनु सोमातुक्‍नियुङ्‌नि।

२ तिमोथि 4:6

देकिनालो अ़ङ्‌का ना निनाम्‍हाङ्‌ओ निम्‍पाङ अङ्‌गुरा माङ्‌वा थोइन्‌ओवा ब़क्‍खादा हेन्‍खोक्‌वा लिमा मुङाङा, खोन्‍कि अ़ङ्‌हामान्‍चिन ग़रि तायुङ्‌सा।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।