फिलिप्‍पि 1:20 - बान्‍तावा राई

²⁰ अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

फिलिप्‍पि 1:20 Iomraidhean Croise

युहन्‍ना 21:19

खाक्‍को पाराओ स़मालाम्‍पा खोसाआ निनाम्‍हाङ्‌ओ अ़चुऩङ अ़लोङ्‍ओ, मो खाङ्‌मुयाङ्‌सा खोक्‍कोसाआ ओ म़य़ङाओ। खोन्‍किना ओन म़य़ङाकि खोक्‍कोसाआ खो अ़लोवा, “अ़ङ्‌का त़ङ्‌ताङ।”

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 6:13

आम्‍नुओ पोक्‌ओ खाक्‍कोछाङ अ़फुत्‌चि हेवा मुमा निम्‍पाङ अ़अ़त्‍पाओ मित्‍चिऩङ्‌चिदा मान्‌याङ्‌दानुम्‍च़म। मेन स़मादाङ्‌का ह़ङ्‌म़ङ्‌दा काफान्‍नान्‍चिन म़नाचिवात्‍नि निनाम्‍हाङ्‌ओ अ़नुवाक अ़चुकाचि मुसि पुवालावानिन्‍चिन खोन्‍कि झारा आम्‍नुओ पोक्‍फुत्‌चि साम्‌योक्‍मिओ अ़मित्‍चिऩङ्‌चिओ निम्‍पाङ याङानुम्‍च़म।

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

रोमि 8:19

अ़नुछ्‍याओ निनाम्‍हाङ्‌ओ अ़चुछाचि साङ्‌चिओ निकिना खाङ्‌मुमा झारा मुन्‍माय़ङ्‌आ राक्‌एनान तायाङ्‍ओ लेन हुङुङु।

रोमि 9:33

ओवात्‍नि छाप्‍तायुङ्‌सा, “खानुम, अ़ङ्‌का सियोन्‌दा अ़क्‌तात लुङ युङ्‌सुङ्‌योङ, मोदा म़नाचि म़धुङ, खोन्‍कि अ़क्‌तात लुङ्‌छ़ङ युङ्‌सुङ्‌योङ, मोसाआ मोचि धाम्‍सुचि, मेन खोक्‍कोएदा साङ सोम्‍कुवा मु, मो लेजोदा अ़छुक्‍निन।”

१ कोरिन्‍थि 15:31

ब़ब़, नाना खोन्‍कि निछाचि ओ, देम च़लोक आन्‍हाङ्‌पा ख्रिस्‍त येसुएदा आम्‍नुओ तुक्‌वाआ अ़ङ्‌ऩङानुङान्‍च़ङ, खोन च़लोक सोम्‍कुवाएनान अ़ङ्‌का य़ङ्‌ङा, अ़लेन्‍खिन्‍तुम अ़ङ्‌का स़ङा!

१ कोरिन्‍थि 6:20

खानानिन निनाम्‍हाङ्‌ओ अ़चुलुङ अ़छोराकि ऩखिरिन्‌ओ। खोन्‌ओसा खानानिन्‌आ आम्‍नुओ पोक्‌दा निनाम्‍हाङ साया मेत्‍तानुम।

१ कोरिन्‍थि 7:34

ओवाको म़नाओ अ़मिन्‍मा हा। मोवात्‍निङा सायामान्‍काम्‌युक्‌ओ मेत्‍छामाआ माङ्‌लो वारिसाआ अ़पोक खोन्‍कि अ़लावा ह्‍वातात्‍माङ्‌दा देत्‍नि सेङ्‌लो युङ्‌मा निकिना निनाम्‍हाङ्‌ओङा अ़तुक्‌वादा मिन्‍राक मुयुङ। मेन सायाकाम्‍साओ मेत्‍छामाआ देत्‍नि अ़खिम्‍हाङ्‌पाओ अ़ऩङानुमा निकिना हेन्‍खामादाओ य़ङ्‌चिदा मिन्‍राक मु।

२ कोरिन्‍थि 10:8

आन्‍काओ पाङ्‍ओ अ़तुक्‌वादा अ़ङ्‌का अ़क्‍चित च़लोक ऱक्‍भाक मुवाङ्‌नुछाङ अ़ङ्‌का लेजोदा अ़छुक्‍ऩङ, देकिनालो खानानिन लुक्‍माओ निम्‍पाङ माआङ, मेन आम्‍नुओ नुलोक्‌ओ निम्‍पाङ हाङ्‌पाआ आन्‍कान्‍का ओ पाङ ऩप़न्‌युङ्‌सिन्‍का।

२ कोरिन्‍थि 3:12

खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।

२ कोरिन्‍थि 4:10

येसुओ अ़चुह़ङ्‌म़ङ आन्‍काओ पोक्‌दा दात्‍ने निकिना आन्‍कान्‍का खोक्‍कोसोओ अ़चुस़मा अ़धुन आन्‍काओ पोक्‌दा खुयुम्‍लुक्‍तुम्‍का।

२ कोरिन्‍थि 5:15

ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

२ कोरिन्‍थि 7:14

देकिनालो खोसोओ अ़बुदा आम्‍नुओ तुक्‌वादा तोक्‍पो लिसाङ्‌नुछाङ, अ़ङ्‌का खानानिन्‌आ लेजो मान्‍मेत्‍त़दाङ्‌ऩङ। मेन देत्‍नि आन्‍कान्‍का खानानिन लोनिओ झारा य़ङ्‌चि अ़छ़ङ म़मुवाङा, मोवात्‍निङा तितस्‌ओ अ़बुदा आम्‍नुओ तुक्‌वादा आन्‍कान्‍का तोक्‍पो लिसिन्‍काओ य़ङ्‌छाङ अ़छ़ङ लिसायुङ्‌सा।

२ कोरिन्‍थि 7:4

खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।