लुका 10:2 - बान्‍तावा राई

² खोक्‍कोसाआ मोचि म़लोचि, “चा सिवा ना च़लोक याक्‌याङ, मेन काचि कामुचि अ़क्‍चित्‌कापाङ ओन्‍ङा म़युङ्‌याङ। खोन्‌ओसा चाखाओ अ़चुहाङ्‌पाएदा यामारानिन, खोन्‍कि खोक्‍कोसाआ अ़चुओ चाखादा काचि कामुचि म़छुत्‍तुचिने।

लुका 10:2 Iomraidhean Croise

मत्‍ति 20:1

“निनाम्‍हाङ्‌होन अ़क्‍छा व़क हाङ्‌पावाको ओ। खो अ़वाय़ङ अ़अङ्‌गुराखादा काचि कामुचि काचिलुङ्‌दा काचि मुमेत्‍सि बुङ्‌खाया लोन्‍ता।

मर्कुस 13:34

ओ ना अ़क्‍छा म़नाआ अ़हारुक्‌चि अ़खिम्‌दाओ झाराकापाङ मोसाआ मुमायु काचिओ पाङ प़दाचिकि लाप्‍तिखोप काहुङ चाप्‍चाप्‍चाप्‌वा युङानि लोदाकि कोइसि खारिन्‌वात्‍नि ओ।

मर्कुस 16:15

खोन्‍कि येसुआ मोचि म़लोचि, “झारा हेन्‍खामादा खारानिन, खोन्‍कि झारा म़नाचि नुय़ङ्‌खान खाएत्‍तानुम्‍च़म!

मर्कुस 16:20

खोन्‍कि मोचि झारादात्‍नि म़खाराकि नुय़ङ्‌खान खाअ़लुसा। हाङ्‌पा खोचिएनान काचि म़मुवा, खोन्‍कि बुन्‍चिलाम्‍पा खोक्‍कोसोओ अ़चुय़ङ अ़छ़ङ म़मुचि।]

लुका 9:1

येसुआ बारकापाङ अ़चुकाखेङ्‌पाचि अ़क्‍नि म़बुत्‍तुचिकि झारा चाकावालावाचि लोन्‍माखान्‍मा खोन्‍कि झारा सारिमाचि नुमा सावा खोन्‍कि पाङ मोचि म़प़चि।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 13:2

मोचिआ हाङ्‌पा ब़क्‌याङ्‌सा खोन्‍कि मान्‍चामाङ म़युङाङाओ ग़रि सेङ्‌लावाआ मोचि लोचि, “खाक्‍को काचिओ निम्‍पाङ बारनाबास खोन्‍कि सावल अ़ङ्‌का बुत्‍तुङ्‌युङ्‌सुङ्‌च़ङ, मो काचिदा पाआनुम्‍च़म।”

छाम्‍माय़ङ 13:4

सेङ्‌लावाआ बारनाबास खोन्‍कि सावल अ़चुकाचिदा म़खाइसुचि, खोन्‍कि खोचि सिलुकियादाओ वाप्‍तेला नान्‍खादा धाचि। खोन्‍कि मोचि वाप्‍तेलादा वाङाचि, खोन्‍कि मोदाङ्‌का साइप्रस खाम्‍दाक्‌ह्‍यात्‍नि खाराचि।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 8:4

खोन्‍किना मो यरुसलेम्‌दाङ्‌का म़रिसाखाराओ साकोङ्‌छ़ङ कामुचिआ झारादात्‍नि म़खाराकि येसुओ अ़चुतुक्‌वादा खाअ़लुसा।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

फिलिप्‍पि 2:21

येसु ख्रिस्‍तओ अ़चुतुक्‌वादा मान्‍मिन्‍माङ, नि म़नाचि झारा आप्‍पि मित्‍मान्‍चिन म़लाम।

फिलिप्‍पि 2:25

इपाफ्रोदितस, खो अ़ङ्‌निछा, अ़ङ्‌काएनान अ़क्‍नि नुय़ङ्‌खान खालुमा काचि कामु खोन्‍कि नुय़ङ्‌खान कारात अ़क्‍निओ रात्‍खामि खोन्‍कि खानानिन्‌आ त़बाइसुम्‌ओ य़ङ्‌काखुन खोन्‍कि अ़ङ्‌का हाप्‍ङाहिदा काफा ओ, खो खानानिन्‌एदा लामाबान्‍मानि मिन्‍ङाङा।

फिलिप्‍पि 2:30

देकिनालो ख्रिस्‍तओ अ़चुकाचिओ निम्‍पाङ खो आप्‍फात सुवादाओ। खोन्‍कि अ़ङ्‌काएदाओ आम्‍नुओ ब़त्‍मा तामालामा निम्‍पाङ खोसाआ अ़ह़ङ्‌म़ङ चाअ़त्‍लोदा पाउ।

कलस्‍सि 1:29

मो काचिओ निम्‍पाङ अ़ङ्‌कोङ्‌दा काचि म़मुयाङ्‌ओ ख्रिस्‍तओ तोक्‍पो अ़चुसावाआ अ़ङ्‌का अ़न्‍नुनु चात्‍लो काचि मुङा।

कलस्‍सि 4:12

खानानिन्‌एदाओ अ़क्‍छा, ख्रिस्‍त येसुओ अ़चुहारुक इपाफ्रास्‌आछाङ सेवा ऩछोक्‍तिन्‌युङ्‌सिन। खोसाआ अ़धुन आम्‍नुओ निम्‍पाङ राक्‌एनान ओवात्‍नि यामात: निनाम्‍हाङ्‌आ खानानिन त़छोसिन्‍लो ऩमुन्‍ने खोन्‍कि नुलोक काऱ ऩमुन्‌कि खानानिन्‌आ निनाम्‍हाङ्‌ओ झारा अ़चुमिन्‍मावा काचि त़मुन्‌येन्‌निओ य़ङ्‌दा अ़छ़ङ त़लिसिन्‍ने।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ थेसलोनिकि 5:12

मेन ब़ब़, नाना खोन्‍कि निछाचि ओ, आन्‍कान्‍का खानानिन लोनिङ्‌नि, आम्‍नुओ रादा काचि कामु आम्‍नुओ बुसुवाचि साङ्‌आ खानानिन हाङ्‌पाएदा ऩतित्‍तिन खोन्‍कि ऩरेन्‍तिन, मोचि साया मेत्‍तानुम्‍च़म।

२ थेसलोनिकि 3:1

हान अ़लुक्‍मादा, ब़ब़, नाना खोन्‍कि निछाचि ओ, हाङ्‌पाओ अ़चुय़ङ च़क्‍नि फेयाङ्‌साखात्‍ने निम्‍पाङ आन्‍कान्‍का यामात्‍निप़नि, देत्‍नि आम्‍नुओ रादाछाङ फेसायुङ्‌सा।

१ तिमोथि 4:10

खोत्‍निओसा आन्‍कान ओ मित्‍चिऩङ्‌आ चात्‍लो काचि खोन्‍कि दुखा मुन। देकिनालो झारा म़नाचिओ अ़चुकालेन्‍पा खोन्‍कि च़लोक्‌वा खोक्‍को साकोङ्‌छ़ङ कामुचि अ़ह़ङ निनाम्‍हाङ्‌दा आन्‍कान आन्‍सोम्‍कुवा युङ्‌सुम।

२ तिमोथि 4:5

मेन खाना झारा ग़रि क़म्‍तान्‍चिन। दुखा आङ्‌तु, नुय़ङ्‌खान खालुमा काचि मुवा, खोन्‍कि आम्‍ब़क्‍मा काचि तासुलो।

फिलेमोन 1:1

येसु ख्रिस्‍तओ निकि छेक्‍ङाङाओ अ़ङ्‌का पावल खोन्‍कि तिमोथि निछाएदाङ्‌का ओ छाप्‍लावा आन्‍कान सोमातुक्‍तुम्‌ओ अ़क्‍निओ आन्‌यावा फिलेमोन, आन्‍कान निछा अप्‍फिया, आन्‍कान काफा रात्‍खामि अर्खिप्‍पस खोन्‍कि आम्‍को आम्‍खिम्‌दा कातुप साम्‍भुङ्‌ओ निकिना ओ।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

खाङ्‌मुमा 2:1

“एफिससदाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान सात्‌कातात साङ्‌केन्‍माचि अ़चुचुप्‍ताङ्‌छुक्‌दा काक़क्‍क खोन्‍कि सात्‌कातात हाराक्‌वाओ कुपि युङ्‌खाचिओ अ़चुरादा काकोन म़य़ङ्‌याङ।