याकुब 1:21 - बान्‍तावा राई

²¹ खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

याकुब 1:21 Iomraidhean Croise

मत्‍ति 5:5

कासिम्‍नान्‍चिन्‌चि आसिखा कातोक्‌चि ओ, देकिनालो मोचिआ हेन्‍खामादाओ पाङ अ़तोक।

युहन्‍ना 6:63

ह़ङ्‌म़ङ काप़ लावाङा ओ! मेन पोक्‌आ दित्‍छाङ ओवाको काचि मुमा अ़ऱन। खाक्‍को य़ङ अ़ङ्‌का खानानिन्‌एदा चेउङ, मो निनाम्‍हाङ लावादाङ्‌का ओ, खोन्‍कि मो य़ङ्‌आ अ़धुन्‌ओ ह़ङ्‌म़ङ प़।

युहन्‍ना 6:68

सिमोन पत्रुस्‌आ लासुलो, “हाङ्‌पो, आन्‍कान्‍का साङ्‍एदा खारिन्‍का ओ? खानानिन्‌एदा अ़धुन्‌ओ ह़ङ्‌म़ङ्‌ओ य़ङ्‌चि म़युङ्‌याङ।

छाम्‍माय़ङ 10:33

खोन्‍किना च़क्‍नि अ़ङ्‌का खानानिन बुत्‍सि म़नाचि छुत्‍तुङ्‌च़ङ, खोन्‍कि खानानिन ओदा त़बानिन्‌ओ नुलोक लिसा। हान हाङ्‌पाआ खानानिन आन्‍काओ निम्‍पाङ ऩलोन्‌ओ य़ङ्‌चि एन्‍सि झारा आन्‍कान्‍का निनाम्‍हाङ्‌ओ अ़चुबुदा युङिन्‌येन्‍का।”

छाम्‍माय़ङ 13:26

अ़ङ्‍इस्राएलि ब़ब़, नाना खोन्‍कि निछाचि ओ, अब्राहाम्‌ओ अ़छावारिचि खोन्‍कि निनाम्‍हाङ काब़क निरावा यावाचि ओ, निनाम्‍हाङ्‌आ आन्‍कान लेन्‍माओ य़ङ्‌खान अ़तासायुङ्‌सा।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 11:17

इस्राएलि म़नाचि जैतुनाओ अ़खेत्‌चिवाकोचिओ खोन्‍कि अब्राहाम, इसाक खोन्‍कि याकुब मो स़ङ्‌ताङ्‌ओ अ़भेन्‍चिवाको ओ। देम अ़खेत्‌चि म़ओराखारावात्‍नि देम यहुदिचिछाङ निनाम्‍हाङ अ़छिरादाकि म़खारा। मेन खाना निरावा खोक्‍लिदाओ स़ङ्‌ताङ्‌ओ अ़क्‌तात अ़खेत, मो जैतुन्‌ओ अ़खेत्‌दा त़चोक्‍तायुङ्‌सा। मोवात्‍नि हान खाना अ़क्‌तात अ़भेन्‌दाङ्‌का सावा खोन्‍कि ह़ङ्‌म़ङ्‌ओ आसिखा त़तोक्‍तु।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

१ कोरिन्‍थि 15:2

अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 4:25

खोन्‌ओसा खानानिन झारासा म़प्‍मा छिरानुम, खोन्‍कि आम्‍नुओ तेन्‍पाङ्‌चिएनान अ़छ़ङ चेवानिन, देकिनालो आन्‍कान झारा अ़क्‌तात पोक्‌ओ अ़फुत्‍चि ओ।

एफिसि 5:4

खाक्‍कोछाङ चिप्‍माकात्‍तुओ य़ङ, खामान्‍सिन चेप्‍मा माङ्‌लो सोज्‍जेओ चुत्‍माय़ङ अ़मुन्‍मिन्‍ने। ओ य़ङ्‌चिआ खानानिन त़खान्‍तिमिन, मेन खानानिन्‌आ निनाम्‍हाङ आलाङ प़मादोत।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

हिब्रु 2:3

हान आन्‍कान ओन तोक्‍पो लेन्‍मा ऩङाछिरुम्‌नालो आन्‍कान देत्‍नि निनाम्‍हाङ्‌ओ अ़चुदन्‍दादाङ्‌का फुङ्‌मा ऱन? अ़ऱन्‍मिन! देकिनालो ओ लेन्‍मा बुयाओदु हाङ्‌पाआङा खाअ़लुसा ओ, खोन्‍कि खोक्‍कोसोओ अ़चुय़ङ काएन म़नाचि आन्‍कान अ़छ़ङ सालुम्‍स़ङ म़पुवा।

हिब्रु 4:2

देकिनालो आन्‍कान्‌छाङ मोचिवात्‍निङा नुय़ङ्‌खान एनुम। मोचिआ अ़एनाओ य़ङ्‌लाम्‍पा मोचिआ दित्‍छाङ मान्‍तोक्‌अ़दा, देकिनालो काएन्‌चिआ ओ साकोङ्‌छ़ङ मान्‍मुअ़दा।

याकुब 4:8

निनाम्‍हाङ्‌ओ अ़चुच़क्‌दा तानिन, खोन्‍कि खोक्‍को आम्‍नुओ च़क्‌दा म़ता। खानानिन हेवामिचि ओ! आम्‍नुओ छुक वासुवानुम। कोङ्‌क़त्‌वा म़नाचि ओ! आम्‍नुओ साकोङ्‌वा सेङ्‌सानुम।

याकुब 5:20

खानानिन मित्‍तानुम, साङ्‌आ मो हेवामि वाऱनान्‍खात्‍नान्‍चिन्‌ओ लाम्‌दाङ्‌का लासुतारु, खोसाआ स़मादाङ्‌का मो म़नाओ अ़लावा लेइसु, खोन्‍कि खोसोओ ब़द्‍धे अ़हेवाचि निनाम्‍हाङ्‌आ अ़लेत्‍प़।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 1:9

देकिनालो आदेङ आम्‍नुओ साकोङ्‌छ़ङ्‌ओ सिरिफा, माङ्‌नालो आम्‍नुओ लावा लेन्‍मा त़तोक्‍तुम।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।