याकुब 1:12 - बान्‍तावा राई

¹² चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 1:12 Iomraidhean Croise

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

रोमि 5:4

आङ्‌मा सावाआ निनाम्‍हाङ्‌एदा देत्‍नि ह़ङ्‌मानिओ सावा पोइसु, खोन्‍कि मोसाआ अ़छ़ङ सोम्‍कुवा आन्‍कान म़प़।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

१ कोरिन्‍थि 9:25

होरा मेत्‍मादा कावाङ झारा क़म्‍मान्‍चिन्‍दोत। मोचि लुक्‍खात्‌ओ ताङ्‌बोप्‍खा तोक्‍माओ निम्‍पाङ ओवात्‍नि म़च़याङ, मेन आन्‍कान देम्‍खाछाङ अ़लुक्‍निन्‍खात्‍निन्‌ओ ताङ्‌बोप्‍खा तोक्‍माओ निम्‍पाङ ओवात्‍नि च़न्‌येन।

२ तिमोथि 2:15

लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

हिब्रु 11:17

निनाम्‍हाङ्‌आ अब्राहाम अ़चिन्‍ताखाहिदा खोसाआ साकोङ्‌छ़ङ्‌लाम्‍पा अ़क्‍छा ओन्‍ङा ओ अ़छा इसहाक हेन्‍खोक्‌वा प़सि चुम्‍सान्‍चिन।

हिब्रु 12:5

दि खानानिन्‌आ मो राक प़माय़ङ य़ङ त़मान्‍तुम्‍केसुम? खोक्‍कोसाआ खानानिन खोक्‍कोसोओ अ़चुछाचिवा ऩबुत्‍तिन्‌येन। “अ़ङ्‌छा ओ, निनाम्‍हाङ्‌ओ अ़चुचिन्‍मा ऩङामान्‍छित्दो, खोन्‍कि खोक्‍कोसाआ त़रेन्‌हिदा आम्‍राक मान्‍सेत्‌दो।

हिब्रु 6:15

खोन्‍किना अब्राहाम आङ्‌याङ्‌सा खाहुङाकि निनाम्‍हाङ्‌आ अ़हिप्‍ताओ तोक्‍तु।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

१ पत्रुस 3:14

मेन अ़नुछ्‍या साम्‌योक्‍मिओ निम्‍पाङ्‌छाङ दुखा आङ्‌मादोत्‌नालो खानानिन देम आसिखा कातोक ओ। मोचिएदाङ्‌का मान्‍क़दानिन ना आन्‍नुओ मिन्‍माङा स़ने।

१ पत्रुस 4:13

मेन ख्रिस्‍तओ अ़चुदुखा आङ्‌मादा खानानिन त़वाङिन्‌येन्‌हिदा ऩङानुसानिन्‍चिन। खोन्‍नालो खोक्‍कोसोओ अ़चुसाम दात्‌हिदा खानानिन्‌छाङ अ़न्‍नुनु आम्‍नुओ ऩङानुने खोन्‍कि छेमाकात्‍ने।

१ पत्रुस 4:14

ख्रिस्‍तओ अ़चुऩङ्‌दा खानानिन ऩसुङ्‌तिन्‌नालो खानानिन आसिखा कातोक ओ! देकिनालो निनाम्‍हाङ्‌ओ साम्‍स़रिओ अ़चुलावा खानानिन्‌एदा म़याक।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 3:19

साङ-साङ सोमातुक्‍तुङ्‌च़ङ, अ़ङ्‌का मोचि रेन्‍तुङ्‌च़ङ, खोन्‍कि दन्‍दा प़ङ्‌च़ङ। खोन्‌ओसा आम्‍नुओ राक पोइसानुम, खोन्‍कि आम्‍नुओ हेवाचिदाङ्‌का लासानिन।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।