गलाति 1:21 - बान्‍तावा राई

²¹ खोन्‍किना अ़ङ्‌का सिरिया खोन्‍कि किलिकियाओ धिखाहुप्‌चिदा खाराङ।

गलाति 1:21 Iomraidhean Croise

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 15:23

खोन्‍कि खोचिआ मोचिलाम्‍पा ओवाको छाप्‍लावा अ़खाइसा: “एन्‍तिओखिया, सिरिया खोन्‍कि किलिकियादा कायुङ साकोङ्‌छ़ङ कामु निरावा ब़ब़, नाना खोन्‍कि निछाचिएदा, आन्‍कान्‍का आम्‍नुओ ब़ब़, निछा छाम्‍माय़ङ्‌चि खोन्‍कि ताङ्‌पाचिदाङ्‌काओ नुकोङ्‌ला सेवा!

छाम्‍माय़ङ 15:41

खोन्‍किना खोचि सिरियाकिना किलिकिया लियाङ्‌सा खाराङाचिहिदा खोचिआ मोदाओ साम्‍भुङ्‌चि राक अ़पुवाचुचिन।

छाम्‍माय़ङ 18:18

पावल ब़द्‍धेकालेन्‌तारि साकोङ्‌छ़ङ कामुचिएनान कोरिन्‍थदाङा युङा। खोन्‍किना मोचिएनान हासान्‍चिन्‌कि खोसाआ प्रिस्‍किला खोन्‍कि अकिलास्‌छाङ खात्‍तुचिकि सिरियाह्‍यात्‍नि खारा। वाप्‍तेलादा वाङ्‌मा बुया पावल्‌आ निनाम्‍हाङ्‌ओ अ़चुहिप्‍माय़ङ तालाओ खाङ्‌मुमा निकिना यहुदिचिओ अ़चुच़माथाङ्‌मावा किङ्‌क्रियादा अ़ताङ्‌मुवा खोसु।

छाम्‍माय़ङ 21:3

खोन्‍किना आन्‍कान्‍का साइप्रस खाम्‍दाक खाम्‍का खोन्‍कि मो अ़बेङ्‌वा मुम्‍का खोन्‍कि आन्‍कान्‍का सिरिया धिखाहुप्‌ह्‍यात्‍नि खारिन्‍का खोन्‍कि तुरोस सहरादा धान्‍तिन्‍चिन्‍का। देकिनालो वाप्‍तेलादाओ सामाचि मोदा धान्‍मा म़दोराङा।

छाम्‍माय़ङ 21:39

पावल्‌आ लासुलो, “अ़ङ्‌का ना किलिकियादाओ तार्सस अ़च़वाङ सहरादाओ अ़क्‍छा ताङ्‌युङ यहुदि ओ। अ़ङ्‌का खानानिन्‌एदा छुक फाङ्‌ङाङा, ओदाओ म़नाचिएनान अ़ङ्‌का चेप्‍मा प़नि।”

छाम्‍माय़ङ 22:3

खोन्‍किना पावल्‌आ लोचि, “अ़ङ्‌का किलिकियाओ तार्सस सहरादा पुक्‍ताङ्‌च़ङ्‍ओ अ़क्‍छा यहुदि ओ। मेन अ़ङ्‌का ओ यरुसलेम सहरादा पोयाङ्‍ओ खोन्‍कि काचिन्‍पा गमलिएल्‌एदाङ्‌का आन्‍सुन्‍तुम्‌चिओ अ़चुय़ङ्‌हुप्‌वा तोङालो ताया तोक्‍तुङ्‌ओ। खोन्‍कि आय़ झारा ओदा खानानिन्‌वाङा अ़ङ्‌काछाङ अ़ङ्‌मिन्‍मा पाक्‍तुङ्‌कि झारा काचिदा निनाम्‍हाङ ब़क्‍तुङ्‌योङ।

छाम्‍माय़ङ 23:34

हाङ्‌काचि कामुआ मो छाप्‍लावा खिप्‍तुचिउ, खोन्‍किना खोसाआ पावल सेनु, “खाना खाक्‍को धिखाहुप्‌दाओ?” पावल्‌आ, “अ़ङ्‌का किलिकियादाओ”नि लो।

छाम्‍माय़ङ 6:9

मेन अ़क लेन कुरेनि, अलेक्‍जेन्‍द्रिया, किलिकिया खोन्‍कि एसियादाओ यहुदिचिओ अ़चुयावायोक्‍खिम्‌दाओ खा-खाक्‍को लेत्‍माय़ङ यहुदि रुहुप्‌नि म़लोङुचिओचि म़ताकि स्‍तिफनस्‌एनान दुम्‍तुमा अ़पुङ्‌सा।

छाम्‍माय़ङ 9:30

मेन हाङ्‌पाएदा साकोङ्‌छ़ङ कामुचिआ मो य़ङ्‍ओ अ़तुक्‌वादा अ़सिन्‍तातोक्‍ताकि खो कैसरिया सहराह्‍युत्‍नि अ़धान्‍ता, खोन्‍कि मोदाङ्‌का तार्सस सहराह्‍यात्‍नि खो अ़छुत्‍ताखाइसा।