२ तिमोथि 4:8 - बान्‍तावा राई

⁸ हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

२ तिमोथि 4:8 Iomraidhean Croise

मत्‍ति 24:36

मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़चुछाआङा, मेन निनाम्‍हाङ पापाआ ओन्‍ङा अ़सिन्‌याङ।

मत्‍ति 7:22

मो छ़ङ्‌छेन्‍मा लेन झारासा अ़ङ्‌का ऩलोङा, ‘हाङ्‌पो, हाङ्‌पो दि आन्‍कान्‍का आम्‍नुओ ऩङ्‌दा निनाम्‍हाङ्‌य़ङ खामान्‍लुदान्‍का? आम्‍नुओ ऩङ्‌दा चाकावालावाचि मान्‍लोन्‍दोम्‍च़म्‍का? खोन्‍कि आम्‍नुओ ऩङ्‌दा सावापोरिओ काचिचि मान्‍मुदोम्‍च़म्‍का?’

लुका 10:12

अ़ङ्‌का खानानिन लोनानिन, छ़ङ्‌छेन्‍खा लेन खानानिन्‌दाङ्‌का अ़अ़त्‍पा सदोम सहरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।”

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

रोमि 8:23

खोन्‍कि मुन्‍माय़ङ्‌आ ओन्‍ङा माआङ, मेन आन्‍कान आप्‍पि साङ्‍एदा सेङ्‌लावाओ बुयाओ अ़सिवा याक्‌याङ, तात्‍माछावात्‍नि लोक्‍लुमा खोन्‍कि आन्‍पोक लेन्‍माओ निम्‍पाङ राक्‌एनान हुङ्‌याङ्‌सा आन्‍कान आप्‍पिछाङ आन्‍कोङ्‌हुत्‌या ह़त्‍पा लुन्‌येन।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

१ कोरिन्‍थि 3:13

छ़ङ्‌छेन्‍मा लेन्‌दा झारासाआ अ़मुवाओ अ़चुकाचि मिलाम्‍पा नुलोक दात। खाक्‍को म़नाआ दियाको काचि मुओ, मो मिआ खाङ्‌मुसु।

१ कोरिन्‍थि 9:25

होरा मेत्‍मादा कावाङ झारा क़म्‍मान्‍चिन्‍दोत। मोचि लुक्‍खात्‌ओ ताङ्‌बोप्‍खा तोक्‍माओ निम्‍पाङ ओवात्‍नि म़च़याङ, मेन आन्‍कान देम्‍खाछाङ अ़लुक्‍निन्‍खात्‍निन्‌ओ ताङ्‌बोप्‍खा तोक्‍माओ निम्‍पाङ ओवात्‍नि च़न्‌येन।

२ कोरिन्‍थि 5:2

ओदा अ़नुछ्‍या आन्‍कान ह़त्‍पा लुन्‌येन, खोन्‍कि निनाम्‍मादुओ खिम तोक्‍मा स़न।

फिलिप्‍पि 3:11

खोन्‌ओसा लिमा ऱनालो स़मादाङ्‌का अ़ङ्‌का लामाखोन्‍मालोन्‍मा ऱङाने।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

१ थेसलोनिकि 5:4

मेन ब़ब़, नाना खोन्‍कि निछाचि ओ, खानानिन कुन्‌यामादा त़याइमिन्‌येन, खोन्‌ओसा हाङ्‌पा म़ताओ लेन आम्‍नुओ निम्‍पाङ काख़पा तान्‌वा त़दोम्‍तिन्‍दान्‍मिन।

२ थेसलोनिकि 2:8

खोन्‍किना य़ङ्‌हुप काभुङ्‌खान खाङ्‌मुनान्‍चिन, खोन्‍कि हाङ्‌पा येसु साम्‌एनान म़य़याङ्‌हिदा अ़चुदोदाओ अ़चुसाक्‍माआ मो अ़लुक।

१ तिमोथि 6:19

ओवात्‍नि आप्‍पिओ निम्‍पाङ माय़ङ्‌ओ अ़नुवाक छ़ङ युङ्‌मा अ़ऱने, खोन्‍किना मोचिआ अ़नुछ्‍याओ ह़ङ्‌म़ङ अ़लाप्‌युङ्‌ने। मो अ़नुछ्‍याओ ह़ङ्‌म़ङ ओ।

२ तिमोथि 1:10

मेन मो सोमातुक्‍मा ओन्‍ग़रि आन्‍कालेन्‍पा येसु ख्रिस्‍तओ अ़चुतामालाम्‍पा आन्‍कान खाङ्‌म़मेत्‍तायुङ्‌सा। खोक्‍को स़मादा म़छोसा, खोन्‍कि नुय़ङ्‌खान्‌लाम्‍पा अ़लुक्‍निन्‌ओ ह़ङ्‌म़ङ साम्‌दा अ़तारा।

२ तिमोथि 1:12

खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 1:18

हाङ्‌पा येसु म़लाय़ओ लेन हाङ्‌पाआ खो सोमातुक्‍मा खाङ्‌अ़मेत्‍ने! खाना नुलोक त़सिन्‍तुङु, एफिसस्‌दा खोसाआ अ़ङ्‌का ब़द्‍धे अ़फासाङ्‌ओ।

२ तिमोथि 2:5

खेलादा य़ङ्‌हुप्‌वा अ़च़निन्‌नालो खाक्‍कोछाङ कालोत्‌आ सिरिफा अ़तोक्‍तुन।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

हिब्रु 12:11

दुखा आङ्‌मालाम्‍पाओ ओ चिन्‍माय़ङ अ़नुछ्‍याङा साङ्‌कोछाङ अ़ऩङाअ़नुनिन। मेन साङ्‌चि ओ दुखालाम्‍पा म़चिन्‍तान्‌युङ्‌सान्‍चिन, आदेङ साम्‌योक्‍मि ह़ङ्‌म़ङ्‌दा सेवाङ्‌निओ अ़सिवा अ़तोक।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

१ पत्रुस 1:4

आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

खाङ्‌मुमा 1:7

खानुम, खोक्‍को य़वारिदा म़तायाङ! खोन्‍कि झारा म़क्‌चिआ खोक्‍को अ़खाङ, साङ्‌चिआ खोक्‍को अ़धुवायुङ्‌सा, खोचिआछाङ अ़खाङ। हेन्‍खामादाओ झारा म़नाचि खोक्‍कोसोओ अ़चुतुक्‌वाआ म़खाप। उवा, मो लिलाप! मोवात्‍निङा लिने।

खाङ्‌मुमा 19:11

अ़ङ्‌का निनाम्‍मा होराओ खाङ, खोन्‍कि मोदा अ़क्‌तात ओमाङाओ युक्‌वा युङाङा। मोदा कायाक, ‘सोम्‍कुवा मुमा खान्‍तुओ’ खोन्‍कि ‘अ़छ़ङ मुमाय़ङ’नि लोवाङा। खोक्‍को तोङ्‌लो छ़ङ म़छेन खोन्‍कि ङेन म़मु।

खाङ्‌मुमा 2:10

खानानिन अ़चाअ़त्‍मादा छुक्‍मा त़मुन्‌येन्‌ओदा मान्‍क़दानिन। खानुम! सैतानाआ खानानिन्‌एदाङ्‌का देम्‍कापाङ आम्‍नुओ चिन्‍माखाङ्‌माओ निम्‍पाङ छेक्‍खादा छेक्‍मा त़मुन्‌येन, खोन्‍कि खानानिन दस्‌कालेन दुखा त़तोक्‍तिन। खानानिन आम्‍नुओ स़मादामातारि साकोङ्‌छ़ङ मुमा त़खान्‍तिन्‍लो त़लिसिन्‌नालो अ़ङ्‌का खानानिन ह़ङ्‌म़ङ्‌ओ सिरिफा प़नानिन।

खाङ्‌मुमा 22:20

ओ य़ङ्‌चिओ अ़चुसालुम्‍स़ङ काप़ म़य़ङ्‌याङ, “उवा, अ़ङ्‌का च़क्‍निङा ताङाङा!” मोवात्‍निङा लिने। हाङ्‌पा येसु तानिन।

खाङ्‌मुमा 4:10

मोन्‍ग़रि मो चौबिस्‌कापाङ साम्‌योक ताङ्‌पाचि हाङ्‌युङ्‌खादा कायुङ्‌ओसो अ़चुबुदा म़बोम्‍नान्‍चिन, खोन्‍कि अ़धुन-अ़धुन्‌तारि काह़ङ अ़ब़क। मोचिओ आ-आप्‍पिओ अ़चुताङ्‌बोप्‍खा हाङ्‌युङ्‌खाओ अ़चुबुदा अ़युङ्‌कि ओवात्‍नि छाम म़लु:

खाङ्‌मुमा 4:4

मो हाङ्‌युङ्‌खाओ अ़ऱङ्‌कोप्‍नि चौबिस्‌कातात हाङ्‌युङ्‌खाचि म़युङाङा, खोन्‍कि अ़चुताङ्‌दु हाराक्‌वाओ ताङ्‌बोप्‍खाचि खोन्‍कि ओमाङाओ तित्‌चि म़हुम्‍साङाओ चौबिस्‌कापाङ साम्‌योक ताङ्‌पाचि मो हाङ्‌युङ्‌खादा म़युङाङाओ अ़ङ्‌का खाङ्‌च़ङ।