२ तिमोथि 4:2 - बान्‍तावा राई

² नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।

२ तिमोथि 4:2 Iomraidhean Croise

लुका 7:23

अ़ङ्‌तुक्‌वादा मान्‍केङ मान्‍मुकादा म़ना अ़नुछ्‍याङा आसिखा कातोक ओ।”

लुका 7:4

यहुदिचिओ अ़चुअ़धुवाचि येसुएदा म़ताकि अ़चुछुक अ़न्‍नुनु म़फाङ्‌ताकि अ़लोवा, “ओ रोमि कप्‍ताना खानानिन्‌आ फामा खान्‍तुओ म़ना मुयाङ,

लुका 9:60

येसुआ मो अ़लोवा, “म़सुवादाओचि म़सुवादाओचिआ आप्‍पिङा म़खुम्‍तुचिने, मेन खाना खाराकि निनाम्‍हाङ्‌ओ अ़चुहाङ्‌होन्‌ओ अ़तुक्‌वादा खालुसु।”

छाम्‍माय़ङ 13:5

खोचि सलामिस सहरादा तालाचिकि यहुदिचिओ अ़चुयावायोक्‍खिम्‌चिदा खोचिआ निनाम्‍हाङ्‌ओ अ़चुय़ङ खाअ़एत्‍ताचुचिन। खोचिओ अ़चुकाफा युहन्‍नानिओ मर्कुस्‌छाङ खोचिआ अ़खात्‍ताचु।

छाम्‍माय़ङ 16:13

यहुदि सावातोम्‍खा-लेन सहरादा वाङ्‌खा लाम्‌ओ बुङ्‌खाया याङ्‌वामाओ अ़केम्‌दा आन्‍कान्‍का खारिन्‍का, मोदा यामात्‍खा ओ हे नि आन्‍कान्‍का मिनिन्‍का। खोन्‍कि आन्‍कान्‍का युङिन्‍काकि मोदा म़कोवान्‌युङ्‌सान्‍चिन्‌ओ मेत्‍छामाचिएनान येसुओ अ़चुतुक्‌वादा हान्‍मा पुक्‍तुम्‍का।

छाम्‍माय़ङ 20:7

साताओ बुयाओ लेन, आन्‍कान्‍का पेम्‍पाक ओत्‍चासि कोविन्‍चिन्‍का। पावल्‌आ मोचिएदा निनाम्‍हाङ्‌ओ अ़चुय़ङ चिन्‍तुचि। अ़माङ्‌कोलेन खो खात्‍मानि मिनाङाओसा अ़दाक्‌वा खाखुत्‍तारि खो चेवायुङ्‌सा।

छाम्‍माय़ङ 28:16

आन्‍कान्‍का रोम्‌दा तान्‍लान्‍काकिना पावल अ़क्‍छा रात्‍खामि हुङ्‌अ़मेत्‍ताकि अ़क्‌तात खिम्‌दा युङ्‌मा अ़पुवा।

रोमि 10:15

खोन्‍कि मोचि मान्‍खान्‍माङ्‌तारि मोचिआ देत्‍नि नुय़ङ्‌खान खालुमा? ओवात्‍नि छाप्‌याङ, “नुय़ङ्‌खान खाकालुचिओ अ़चुलाङ्‌चि देम खान्‍नुओ!”

रोमि 12:12

आम्‍नुओ तामित्‍माआ खानानिन आम्‍नुओ ऩङानुने, आम्‍नुओ दुखादा काआङ लिसानिन, अ़धुन यामारायुङ्‌सानिन।

गलाति 6:6

साङ्‌आ निनाम्‍हाङ य़ङ ऩचिन्‍तिन, मोसाआ अ़नुवाक सामाचि काचिन्‌एनान हामाचिदोत।

कलस्‍सि 1:25

निनाम्‍हाङ्‌आ आम्‍नुओ निम्‍पाङ अ़ङ्‌का ऩपुवाङ्‌ओ पाङ्‌खुन्‌एनान खान्‍तुलो काचि मुङाकि निनाम्‍हाङ्‌ओ झारा अ़चुय़ङ खालुमा निम्‍पाङ अ़ङ्‌का साम्‍भुङ्‌ओ अ़हारुक लिसाङ।

कलस्‍सि 4:3

आन्‍काओ निम्‍पाङ्‌छाङ ओवात्‍नि यामारानिन: ख्रिस्‍तओ अ़चुतुक्‌वादाओ मो अ़कोङ्‌दुम खालुमा अ़वाखाम निनाम्‍हाङ्‌आ आन्‍कान्‍का लाम ऩहोत्‍तिन्‍प़न्‍काने। मोसोओ निम्‍पाङ अ़ङ्‌का छेक्‍खादा छुक्‍ताङ्‌युङ्‌साङ।

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ थेसलोनिकि 5:20

निनाम्‍हाङ्‌य़ङ ऩङामान्‍छित्‌दानुम।

१ तिमोथि 4:13

अ़ङ्‌का मान्‍बान्‌युक्‍ङातारि खाना साम्‍कालिन झारासोओ अ़चुबुदा खिप्‍मा, राक प़मा खोन्‍कि चिन्‍मादा मिन्‍मा पाक्‍तु।

१ तिमोथि 5:20

हेवा कामुचि, झारा साम्‍भुङ्‌ओ अ़बुदा रेन्‍तानुम्‍च़म, खोन्‌ओसा निचिछाङ म़क़ने।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

२ तिमोथि 2:25

खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

२ तिमोथि 3:10

हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

तितस 1:13

ओ य़ङ अ़नुछ्‍या ओ। खोन्‌ओसा मोचि चात्‍लो रेन्‍तुचि खोन्‍कि मोचि अ़छ़ङ साकोङ्‌छ़ङ मुमा म़ऱने,

तितस 2:15

खाना ओ य़ङ त़चिन्‍तुङुचिहिदा झारा पाङ्‌एनान राक प़चि खोन्‍कि रेन्‌याङ्‌सा मुचि। मोवात्‍नि त़च़नालो साङ्‌आछाङ खाना हेलाङ मुमा ऩतोक्‍नान।

हिब्रु 13:22

ब़ब़, नाना खोन्‍कि निछाचि ओ, अ़ङ्‌का खानानिन राक प़नाङ्‌नानिन, खानानिन अ़ङ्‌यायोक्‌चिदा मिन्‍मा पाक्‍तानुम। देकिनालो ओ छाप्‍लावादा खानानिन अ़ङ्‌का थुत्‍मेत्‍लो ओन्‍ङा छाप्‍तुङ्‌युङ्‌सुङ।

खाङ्‌मुमा 3:19

साङ-साङ सोमातुक्‍तुङ्‌च़ङ, अ़ङ्‌का मोचि रेन्‍तुङ्‌च़ङ, खोन्‍कि दन्‍दा प़ङ्‌च़ङ। खोन्‌ओसा आम्‍नुओ राक पोइसानुम, खोन्‍कि आम्‍नुओ हेवाचिदाङ्‌का लासानिन।