२ तिमोथि 4:19 - बान्‍तावा राई

¹⁹ प्रिस्‍किला, अकिलास खोन्‍कि ओनेसिफरस्‌ओ अ़चुखिम्‍लुम्‍पाचि सेवानि लोत्‍निप़नि।

२ तिमोथि 4:19 Iomraidhean Croise

मत्‍ति 5:47

खानानिन आम्‍नुओ बुवा-निछाचि ओन्‍ङा सेवा त़मेत्‍तुम्‍च़म्‌नालो निचिदाङ्‌का च़लोक दि त़मुम कि? निरावाचिछाङ मोवात्‍नि ना म़च़!

छाम्‍माय़ङ 18:18

पावल ब़द्‍धेकालेन्‌तारि साकोङ्‌छ़ङ कामुचिएनान कोरिन्‍थदाङा युङा। खोन्‍किना मोचिएनान हासान्‍चिन्‌कि खोसाआ प्रिस्‍किला खोन्‍कि अकिलास्‌छाङ खात्‍तुचिकि सिरियाह्‍यात्‍नि खारा। वाप्‍तेलादा वाङ्‌मा बुया पावल्‌आ निनाम्‍हाङ्‌ओ अ़चुहिप्‍माय़ङ तालाओ खाङ्‌मुमा निकिना यहुदिचिओ अ़चुच़माथाङ्‌मावा किङ्‌क्रियादा अ़ताङ्‌मुवा खोसु।

छाम्‍माय़ङ 18:2

मोदा खोसाआ पोन्‍तस्‌दा पुक्‍तान्‍चिन्‌ओ अकिलास अ़ऩङ मुवाङाओ अ़क्‍छा यहुदि धिरु। खो आइमित्‍साऱङ अ़खिम्‍हाङ्‌मा प्रिस्‍किलाएनान इतालियायाङ्‌का बानायुङ्‌साचिओ। देकिनालो रोम्‌दाओ तोक्‍पोहाङ क्‍लौदियस्‌आ झारा यहुदिचि रोम सहरादाङ्‌का लोन्‍माखान्‍माचिनि य़ङायुङ्‌सा। पावल मोचि तुप्‍सि खारा।

छाम्‍माय़ङ 18:26

अपोल्‍लोस यहुदिचिओ अ़चुयावायोक्‍खिम्‌दा राक्‌एनान चेप्‍मा पुङ्‌सु। प्रिस्‍किला खोन्‍कि अकिलास्‌आ खोसाआ खालुसुङुओ अ़एनाचुकि खो अ़चुखिम्‌दा अ़बुत्‍ताखात्‍ताचु, खोन्‍कि निनाम्‍हाङ्‌ओ अ़तुक्‌वादा च़लोक तोङालो खो खाअ़एत्‍ताचु।

१ कोरिन्‍थि 16:19

एसियादाओ साम्‍भुङ्‌चिआ खानानिन सेवा ऩछोक्‍तिन्‌युङ्‌सिन। अकिलास, प्रिस्‍का खोन्‍कि मोचिओ अ़चुखिम्‌दाओ साम्‍भुङ्‌आ खानानिन हाङ्‌पाएदा साकोङ्‌वाहुत्‌याङ्‌काङा सेवा ऩछोक्‍तिन्‌युङ्‌सिन।