२ तिमोथि 4:10 - बान्‍तावा राई

¹⁰ देकिनालो देमास्‌आ, ओ आइमित्‌ओ हेन्‍खामा सोमातुक्‍तुकि अ़ङ्‌का अ़छिराङ्‌दाङ्‌युङ्‌साङ, खोन्‍कि खो थेसलोनिके खारायुङ्‌सा। क्रेसेन्‍स गलातिया खारायुङ्‌सा, खोन्‍कि तितस दलमातियादा।

२ तिमोथि 4:10 Iomraidhean Croise

मत्‍ति 12:32

साङ म़नाओ अ़छाओ अ़देङ्‌सालाप्‍पादा चेप, मो अ़लेत। मेन साङ सेङ्‌लावाओ अ़देङ्‌सालाप्‍पादा चेप, मो ओ जुगादा खोन्‍कि तायाङ्‌ओ जुगादाछाङ अ़लेत्‍निन।

मत्‍ति 26:56

मेन निनाम्‍हाङ्‌य़ङ खाकालुचिआ साम्‍कालिन्‍चिदा अ़छाप्‍ताओ य़ङ्‌चि म़तालाने निम्‍पाङ ओ झारा म़लिसाओ।” खोन्‍किना झारा अ़चुकाखेङ्‌पाचिआ येसु अ़छिरादाकि म़फुङ्‌सा।

लुका 14:33

खोन्‌ओसा झारा आम्‍नुओ सामाचि त़छिरिमिन्‍चिन्‌नालो साङ्‌छाङ अ़ङ्‌काखेङ लिमा त़ऱन्‍मिन।

लुका 16:13

खाक्‍कोछाङ हारुक्‌आ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु माङ्‌नालो मोसाआ अ़क्‍छा साया मेत्‍तु, खोन्‍कि नि ऩङाछिरु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।”

लुका 17:32

लोत्‌ओ अ़खिम्‍हाङ्‌मा देत्‍नि लुक्‍ताओ मित्‍तानुम।

छाम्‍माय़ङ 13:13

पावल खोन्‍कि खोसोओ अ़यावाचि पाफोस सहरादाङ्‌का वाप्‍तेलादा म़वाङाकि पाम्‍फिलियाओ पर्गा सहरातारि म़खारा। खोन्‍किना मर्कुस्‌नि अ़लोवाङाओ युहन्‍नाआ छिरुदोचिकि यरुसलेम लासाखारा।

छाम्‍माय़ङ 15:38

मेन पावल मर्कुस अ़क्‍नि खात्‍मा छुन्‍ता, देकिनालो खोसाआ पाम्‍फिलियादा काचि मान्‍चिन्‍माङ्‌ङा खोचि छिरुदोचिओ।

छाम्‍माय़ङ 16:6

सेङ्‌लावाआ एसियादा नुय़ङ्‌खान खाएत्‍मा मान्‍प़म़दोचिओसा खोचि फ्रिगिया खोन्‍कि गलातिया धिखाहुप लियाङ्‌सा म़खारा।

छाम्‍माय़ङ 17:1

पावल खोन्‍कि सिलास अम्‍फिपोलिस खोन्‍कि अपोल्‍लोनियाओ सहरा लियाङ्‌सा थेसलोनिके सहरादा तालाचि। मोदा यहुदिचिओ अ़क्‌तात यावायोक्‍खिम युङाङा।

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

छाम्‍माय़ङ 17:13

थेसलोनिकेदा म़युङाङाओ यहुदिचि बेरियादाछाङ म़तालाकि पावल्‌आ निनाम्‍हाङ्‌ओ अ़चुय़ङ खालुसुङुनिओ य़ङ अ़एनाकि पावल्‌ओ अ़देङ्‌सालाप्‍पादा मुक्‍लाचि म़चोङ्‌सुचि।

छाम्‍माय़ङ 18:23

खोन्‍कि खो मोदा अ़क्‍चित लेन्‌तारि युङा, खोन्‍किना मोदाङ्‌का एन्‍तिओखिया छिरुदोकि गलातिया खोन्‍कि फ्रिगिया धिखाहुप्‌दाओ नि-निदात्‍नि कोन्‌याङ्‌सा झारा काखेङ्‌चि राक प़चि।

२ कोरिन्‍थि 2:13

मेन अ़ङ्‌निछा तितस मोदा मान्‍धित्‌ङा, खोन्‌ओसा अ़ङ्‌मिन्‍मा चाअ़त्‍सा। खोन्‍किना मोचिदाङ्‌का हासाङ्‌च़ङ्‌कि अ़ङ्‌का माकेदोनियाह्‍यात्‍नि खाराङ।

२ कोरिन्‍थि 7:6

मेन अ़चुराक सुवाओचि सोम्‍कासेत निनाम्‍हाङ्‌आ तितस्‌ओ अ़तामालाम्‍पा आन्‍कान्‍का राक ऩप़न्‌युङ्‌सिन्‍का।

२ कोरिन्‍थि 8:16

मेन निनाम्‍हाङ आलाङ्‌ने, खोक्‍कोसाआ तितस्‌ओ अ़साकोङ्‌वादा आम्‍नुओ निम्‍पाङ मो अ़ङ्‌काएदाओ राक अ़पाक्‍तापुवा।

२ कोरिन्‍थि 8:23

तितस अ़ङ्‌काएनान काचि कामु, खोन्‍कि खानानिन फामा अ़ङ्‌काएनान काचि मु, खोन्‍कि आन्‍काओ नि निछाचि साम्‍भुङ्‌चिआ बान्‍माय़ङ खोन्‍कि ख्रिस्‍तओ अ़चुऩङ कालोङ्‌चिओ।

२ कोरिन्‍थि 8:6

खोन्‌ओसा तितस्‌आ खानानिन्‌एदा बुया मोवात्‍नि च़मा यायोक त़प़न्‌ओसा मो अ़नुवाक काचि मुमाचिन्‍मा त़फासिन्‍ने निकिना खो आन्‍कान्‍का लोम्‍का।

गलाति 1:2

अ़ङ्‌का खोन्‍कि अ़ङ्‌काएनान कायुङ झारा साकोङ्‌छ़ङ कामुचिआ गलातियादाओ साम्‍भुङ्‌चिओ निम्‍पाङ ओ छाप्‍तुङ्‌योङ।

फिलिप्‍पि 2:21

येसु ख्रिस्‍तओ अ़चुतुक्‌वादा मान्‍मिन्‍माङ, नि म़नाचि झारा आप्‍पि मित्‍मान्‍चिन म़लाम।

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

२ तिमोथि 1:15

एसियादा कायुङ झारासा अ़ङ्‌का ऩछिराङ्‌दाङ्‌युङ्‌साङ्‌ओ खाना त़सिन्‍तुङुङा, मोचिएदाओ फुगेलस खोन्‍कि हर्मोगेनस्‌आछाङ अ़छिराङ्‌दाङ्‌युङ्‌साङ्‌च़ङ।

२ तिमोथि 4:16

अ़ङ्‌का बुयाओदु छ़ङ्‌छेन्‍खादा खाराङ्‌हिदा आप्‍पि रात्‍ताङ्‌च़ङ, साङ्‌छाङ अ़ङ्‌लिप्‍पा मान्‌वाङ्‌चि, मेन झारासा अ़ङ्‌का ऩछिराङ। ओ य़ङ्‌आ मोचि अ़धिरुन्‍चिन्‍ने।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।

फिलेमोन 1:24

अ़ङ्‌काएनान काचि कामुचि मर्कुस, अरिस्‍तार्खस, देमास खोन्‍कि लुकाओछाङ अ़चुसेवानि।

२ पत्रुस 2:15

मोचिआ अ़नुवाक लाम अ़छिराकि अ़अ़त्‍पा लाम्‌दा म़वाङायुङ्‌सा। अ़अ़त्‍पादाङ्‌का तोक्‍माय़ङ काचिलुङ अ़नुवाक कामित बओरओ अ़छा बालाम मोचिआ अ़त़ङ्‌तायुङ्‌सा।