२ तिमोथि 3:8 - बान्‍तावा राई

⁸ यान्‍नेस खोन्‍कि याम्‍ब्रेस्‌आ मोसा फित्‍चि अ़मुवाचुवात्‍नि, ओ म़नाचिआछाङ अ़छ़ङ फित्‍चि अ़मु। ओ म़नाचिओ अ़चुखारु पोप्‍ताओ खोन्‍कि सोज्‍जेओ अ़चुसाकोङ्‌छ़ङ मुयाङ।

२ तिमोथि 3:8 Iomraidhean Croise

छाम्‍माय़ङ 15:24

आन्‍कान्‍का एनुम्‌युङ्‌सुम्‍का, आन्‍कान्‍काएदाओ खा-खाक्‍कोचि खानानिन्‌एदा म़बानाकि दुखा अ़चुचिन्‍माय़ङ्‍आ आम्‍नुओ मिन्‍मा चाअ़त्‍सालो ऩमेत्‍तिन्‍प़न्‌नि। मेन मोचि आन्‍कान्‍का मोवात्‍नि लोमेत्‍तुम्‍च़म्‍काओ माआङ।

रोमि 1:28

खोन्‍कि मोचिआ निनाम्‍हाङ लोक्‍मा अ़खान्‍तुन्‍लो अ़खाओसा निनाम्‍हाङ्‌आ मोचिओ अ़त्‍लो अ़चुमिन्‍मा खोन्‍कि खान्‌अ़त्‍लो च़माथाङ्‌मादा मोचि म़लेरुखाइसुचि।

रोमि 16:18

देकिनालो ओवाको म़नाचिआ आन्‍हाङ्‌पा ख्रिस्‍त ऩब़रुन, मेन खोचिओ अ़चुमित्‍मावा आप्‍पि म़ब़त्‍नान्‍चिन। मोचिओ चानुओ दोलेङ्‌वा य़ङ खोन्‍कि चानुओ य़ङ्‌चिआ सोत्‍सोत्‌वाओ म़नाचि म़धान्‍तुचि।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

१ तिमोथि 4:2

ओवाको चिन्‍माय़ङ्‌चि चाचाचाकाच़ सोज्‍जे काचेप्‌चिएदाङ्‌का ता, मोचिओ अ़चुछेन्‍खाताया कुयाङ्‌ओ काकाराआ ङेप्‍तिन्‌वात्‍नि लिसायुङ्‌सा।

१ तिमोथि 6:5

ओ म़नाचिआ अ़धुन खिखा अ़लोन। अ़चुओ मिन्‍मा अ़ओङ्‌सायुङ्‌सा, खोन्‍कि मोचिआ अ़छ़ङ देङ्‍अ़ह़त्‍तायुङ्‌सा। मोचिओ निम्‍पाङ साम्‌योक काचि ना दुप्‍खा लाम ओन्‍ङा ओनि म़मिन।

२ तिमोथि 4:15

खोएदाङ्‌का खानाछाङ चाप्‍चेतान्‍चिन, देकिनालो खोसाआ आन्‍चुओ नुय़ङ्‌खान चात्‍लो फित्‍चि मुयुङ्‌सु।

तितस 1:10

देकिनालो ब़द्‍धे म़नाचि कोङ्‌क़त्‌वा, सोज्‍जेओ दुम कालु, म़ना काधान्‌चि ओ। ओवाकोचिएदा ना अ़नुछ्‍या सिप्‍मायाम्‍बुन पाक्‍मादोत नि कायुङ्‌चि ओचिङा ओ।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

२ पत्रुस 2:14

मोचिओ अ़चुम़क अ़धुन्‌ङा काचान्‍चा चेत्‍छामाचिएदा अ़पाक खोन्‍कि हेवा मुमादाङ्‌का देम्‍खाछाङ अ़चुसोम अ़स़निन। मोचिआ चाप्‍चिरोङ म़नाचि थालिदा म़धान्‍तुचि। मोचिओ अ़चुसाकोङ्‌वा च़क्‍ख़य़ मुमा म़चिन्‍तुयुङ्‌सुचि। मोचिएदा निनाम्‍हाङ्‌ओ अ़चुमाङ्‌हिम छुक।

१ युहन्‍ना 2:18

सोमातुक्‍नाङ्‌नानिन्‌ओ छाचि ओ, आदेङ्‌ओ ग़रि ओङा ओ। ख्रिस्‍तओ अ़चुङेङ तायाङ निकिना खानानिन्‌आ त़एनुम्‌युङ्‌सुम। ओन्‍ग़रिछाङ ख्रिस्‍तओ अ़चुङेङ्‌चि ब़द्‍धे म़ताचिआयुङ्‌सा। खोन्‌ओसा ओ आदेङ्‌ओ ग़रिओ निम्‍पाङ आन्‍कान सिन्‍तुम्‌योम।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।

खाङ्‌मुमा 2:6

मेन खानानिन्‌आ अ़क्‌तात य़ङ तोङ्‌लो त़मुम्‌योम, अ़ङ्‌का ऩङाछिरुङ्‌वात्‍निङा खानानिन्‌आ निकोलाइतस्‌चिओ अ़चुकाचिचि ऩङात़छिरुम्‍च़म।