२ तिमोथि 3:12 - बान्‍तावा राई

¹² अ़नुछ्‍याङा ख्रिस्‍त येसुएदा साम्‌योक्‍मि ह़ङ्‌म़ङ ह़ङ्‌मा कालाम्‌चि झारा दुखादा म़छुक।

२ तिमोथि 3:12 Iomraidhean Croise

मत्‍ति 16:24

खोन्‍किना येसुआ अ़चुकाखेङ्‌पाचि म़लोचि, “साङ अ़ङ्‌का त़ङ्‌मा स़याङ्‌नालो खो आप्‍पि अ़मित्‍चिऩङ छित्‍मादोत, खोन्‍कि अ़क्रुस खुन्‍माकि अ़ङ्‌का त़ङ्‌मादोत।

मत्‍ति 23:34

अ़ङ्‌का खानानिन्‌एदा निनाम्‍हाङ्‌य़ङ खाकालुचि, खारु कातोक म़नाचि खोन्‍कि य़ङ्‌हुप काचिन्‍पाचि छुत्‍तुङ्‌च़ङ। मोचिएदाओ देम्‌कापाङ त़सेरुम्‍च़म, खोन्‍कि क्रुस्‌दा त़ख़न्‍तुम्‍च़म खोन्‍कि देम्‌कापाङ आम्‍नुओ यावायोक्‍खिम्‌चिदा य़हुप त़पाक्‍तुम्‍च़म, खोन्‍कि सहरा-सहराचिदा त़ऱसुम्‍च़म।

मर्कुस 10:30

खोसाआ दुखाएनान सयेकास़रो ब़द्‍धे खिम्‌चि, अ़द़क्‍छा-बुवाचि, अ़ना-निछाचि, अ़मा, अ़छाचि खोन्‍कि अ़व़क्‍स़ङ्‌चि ओन्‍ग़रिङा खोन्‍किना तायाङ्‌ओ लेन्‌दा अ़लुक्‍निन्‌ओ ह़ङ्‌म़ङ तोक्‍तु।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

युहन्‍ना 17:14

अ़ङ्‌का मोचि आम्‍नुओ य़ङ प़ङ्‌च़ङ, खोन्‍कि हेन्‍खामाआ मोचि ऩङाछिरुचि, देकिनालो मोचि हेन्‍खामादाओचि माआङ, देत्‍नि अ़ङ्‌काछाङ हेन्‍खामादाओ माआङ।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

१ कोरिन्‍थि 15:19

ओ ह़ङ्‌म़ङ्‌ओ निम्‍पाङ ओन्‍ङा आन्‍कान ख्रिस्‍तएदा सोम्‍कुवा मुन्‌येन्‌ओनालो आन्‍कान झारा म़नाचिदाङ्‌का च़लोक दुखा तोक्‍तिन्‌ओ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 4:9

आन्‍कान्‍का दुखाऩप़न्‍कानुछाङ, निनाम्‍हाङ्‌आ मान्‍छित्‍ऩयुक्‍तिन्‍का। आन्‍कान्‍का ऩवेरिन्‍तेइसिन्‍कानुछाङ मान्‍लुक्‍खात्‌युक्‍तिन्‍का।

१ तिमोथि 2:2

हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

१ तिमोथि 6:3

साङ्‌आ सोज्‍जेओ य़ङ्‌चि चिन्‍तुचि खोन्‍कि आन्‍हाङ्‌पा येसु ख्रिस्‍तओ अ़छ़ङ य़ङ्‌चि खोन्‍कि साम्‌योक्‍मिवात्‍निओ चिन्‍माय़ङ्‌एनान अ़तोङ्‌निन्‌नालो,

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

तितस 2:12

ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

१ पत्रुस 3:14

मेन अ़नुछ्‍या साम्‌योक्‍मिओ निम्‍पाङ्‌छाङ दुखा आङ्‌मादोत्‌नालो खानानिन देम आसिखा कातोक ओ। मोचिएदाङ्‌का मान्‍क़दानिन ना आन्‍नुओ मिन्‍माङा स़ने।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

खाङ्‌मुमा 12:4

मोसोओ अ़मिरिआ निनाम्‍मादुओ सुम्‌कालोक साङ्‌केन्‍माचि ब़उचिकि हेन्‍खामादा वेइसुधान्‍तुचि। नुनु छा लिछाङ मो ख़ङ्‌माखात्‍मा निम्‍पाङ मो अ़धिवा प़ नुनु छातोक्‍मा मुवाङाओ मेत्‍छामाओ अ़बुदा एवाङा।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।