२ तिमोथि 3:10 - बान्‍तावा राई

¹⁰ हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

२ तिमोथि 3:10 Iomraidhean Croise

लुका 1:3

सायाकातोक थियोफिलस ओ, खोन्‌ओसा अ़ङ्‌का ओ काचिचिओ अ़पुङ्‌मादाङ्‌काङा नुलोक लामुङ्‌युङ्‌सुङ। खोन्‌ओसा अ़ङ्‌काछाङ आम्‍नुओ निकि ओसोओ अ़तुक्‌वादा झारा य़ङ्‌चि अ़स़वा छाप्‍मा खान्‍नु हे नि मिनाङ।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 2:42

खोन्‍कि मोचि छाम्‍माय़ङ्‌चिआ म़चिन्‍तुचिओ य़ङ्‌चिवा म़चुवाङा, यावायोक म़मुवाङा, पेम्‍पाक म़हासाचाङा, खोन्‍कि याम़माराङा।

छाम्‍माय़ङ 20:18

मोचि खोएदा म़ताकि खोसाआ मोचि लोचि, “एसियादा अ़ङ्‌का ताङ्‌ओ लेन्‌दाङ्‌का आम्‍नुओ रादा अ़ङ्‌का अ़धुन देत्‍नि युङाङ, खानानिन्‌ङा त़सिन्‍तुम्‌योम।

छाम्‍माय़ङ 26:4

अ़ङ्‌का बुया अ़ङ्‌रावाचिओ अ़चुरादा खोन्‍कि यरुसलेम सहरादा अ़ङ्‌छायुङ्‌काङा देत्‍नि अ़ङ्‌ह़ङ्‌म़ङ क़प्‍तुङ, मो झारा यहुदिचिआ अ़सिन्‌याङ।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

२ कोरिन्‍थि 1:17

ओ मित्‍चिऩङ मुङ्‌हिदा दि अ़ङ्‌ऩङ्‌छुन्‍ता कि? अ़ङ्‌का अ़ङ्‌मित्‍चिऩङ मुङ्‌हिदा हेन्‍खामादाओ म़नावात्‍नि ओ अ़ङ्‌दोआङा “अ़नुछ्‍याओ”नि य़ङ्‌याङ्‌सा अ़ङ्‌मिन्‍मादा “माआङ”निछाङ य़ङाङ्‌ओ कि?

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

फिलिप्‍पि 2:20

खोवाको अ़छ़ङ मिन्‍माआ आम्‍नुओ नुलोक कामित अ़ङ्‌काएदा नि साङ्‌छाङ मात्‍द़ङ।

फिलिप्‍पि 2:22

मेन तिमोथि दियाको म़ना ओ, खानानिन्‌आ त़सिन्‍तुम्‌योम, देत्‍नि अ़छाआ अ़पा ब़रु, मोवात्‍निङा खोसाआ अ़ङ्‌का नुय़ङ्‌खान खालुमा अ़फासाङ।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ तिमोथि 1:3

अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।

२ तिमोथि 4:3

देकिनालो ग़रि तायाङ, मोन ग़रि मोचिआ अ़नुवाक चिन्‍माय़ङ ऩआङ्‌तुन, मेन मोचिआ अ़चुऩङानुओ चिन्‍माय़ङ ओन्‍ङा एन्‍मा म़लाम खोन्‍कि मोचिआ आप्‍पि अ़चुऩङानुओ य़ङ खाकाएत ब़द्‍धे काचिन्‍पाचि म़कोउचि।

२ तिमोथि 4:7

अ़ङ्‌का अ़नुवाक ङेन मुवाङ्‌युङ्‌साङ, अ़ङ्‌का अ़ङ्‌लोत्‍मा चिउङ्‌युङ्‌सुङ। अ़ङ्‌का अ़ङ्‌साकोङ्‌छ़ङ्‌ओ य़ङ रात्‍तुङ्‌युङ्‌सुङ।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।