२ तिमोथि 2:8 - बान्‍तावा राई

⁸ म़सुवादाओदाङ्‌का म़खोन्‍तालोन्‍ताओ दाउद भुङ्‌दाओ येसु ख्रिस्‍त मित्‍तु, अ़ङ्‌का खालुसुङ्‌ओ नुय़ङ्‌खान ओक्‍कोङा ओ।

२ तिमोथि 2:8 Iomraidhean Croise

मत्‍ति 1:1

येसु ख्रिस्‍त हाङ दाउद्‌ओ भुङ खोन्‍कि अब्राहाम्‌ओ भुङ्‌दाङ्‌का म़ताओ। खोन्‍कि ओचिङा खोक्‍कोसोओ अ़चुओ भुङ्‌चि ओ।

छाम्‍माय़ङ 13:23

खोन्‍कि ओ दाउद हाङ्‌ओ अ़छावारिचिलाम्‍पा निनाम्‍हाङ्‌आ म़हिप्‍तुचिवा इस्राएलिचिओ निम्‍पाङ अ़क्‍छा कालेन्‍पा येसु अ़तासा।

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

छाम्‍माय़ङ 2:30

मेन दाउद अ़क्‍छा निनाम्‍हाङ्‌य़ङ खाकालु ओ, खोन्‌ओसा निनाम्‍हाङ्‌आ खोसोओ अ़छावारिदाङ्‌का अ़क्‍छा अ़चुहाङ्‌युङ्‌खादा अ़युङ निकिना निनाम्‍हाङ्‌आ हिप्‌याङ्‌सा किरे म़चाओ खोसाआ सिन्‍तुङु।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

१ कोरिन्‍थि 15:1

हान ब़ब़, नाना खोन्‍कि निछाचि ओ, अ़ङ्‌का खानानिन खाएत्‍नानिन्‌ओ नुय़ङ्‌खान अ़ङ्‌का खानानिन मित्‍मेत्‍नानिन। मो नुय़ङ्‌खान खानानिन्‌आ त़लोउम, खोन्‍कि मोदा खानानिन त़युङिन।

१ कोरिन्‍थि 15:4

खोक्‍को म़खुम्‍ता, खोन्‍कि साम्‍कालिन्‌वा सुम्‌कालेन्‌दा खोक्‍को म़लासाखोन्‍तालोन्‍ता।

२ थेसलोनिकि 2:14

खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

२ तिमोथि 2:7

अ़ङ्‌का दे य़ङ्‌ङाङाओ मो मित्‍तु। ओ झारा य़ङ्‌चि हाङ्‌पाआ खाना तुप्‍मा ऩफाने।

खाङ्‌मुमा 5:5

खोन्‍किना साम्‌योक ताङ्‌पाचिएदाओ अ़क्‍छाआ अ़ङ्‌का अ़लोवाङ, “मान्‍खाप्दा! खा, यहुदाओ अ़भुङ्‌ओ धिनारा, दाउद्‌ओ अ़सुन्‍तुम छोसायुङ्‌सा, खोन्‍कि खोसाआ सात्‌कातात सेप्‍खाचि फोङ्‌मा खोन्‍कि छाप्‍लाखा भोङ होङ्‌मा ऱ।”