२ तिमोथि 2:7 - बान्‍तावा राई

⁷ अ़ङ्‌का दे य़ङ्‌ङाङाओ मो मित्‍तु। ओ झारा य़ङ्‌चि हाङ्‌पाआ खाना तुप्‍मा ऩफाने।

२ तिमोथि 2:7 Iomraidhean Croise

लुका 21:15

देकिनालो अ़ङ्‌का खानानिन चेप्‍मा सिवा खोन्‍कि ताया प़नानिन्‍कि खाक्‍कोछाङ आम्‍नुओ ङेङ्‌चिआ ना आम्‍नुओ य़ङ लामा अ़ऱ, ना आम्‍नुओ दुम क़प्‍माङा अ़ऱ।

लुका 24:45

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत,

लुका 9:44

“अ़ङ्‌का य़ङ्‌मा मुङाङाओ य़ङ्‌चि नुलोक एनानुम्‍च़म। अ़ङ्‌का म़नाओ अ़छा म़नाचिओ अ़चुछुक्‌दा पाक्‍मा ऩमुङाङा।”

युहन्‍ना 14:26

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

युहन्‍ना 16:13

अ़छ़ङ ओ लावा म़ताहिदा खोक्‍कोसाआ खानानिन झारा अ़छ़ङ्‌दा ऩतित्‍तिन। खोक्‍को आप्‍पिओ अ़चुपाङ्‌लाम्‍पा ऩचेप्‍तिन्‍प़न। खोक्‍कोसाआ दि अ़एन, मो अ़चेप, खोन्‍कि लिसि म़ताओ य़ङ्‌चि खानानिन खाऩएत्‍तिन।

छाम्‍माय़ङ 7:10

खोन्‍कि खोसोओ झारा अ़दुखाचिदाङ्‌का अ़रात्‍ता। निनाम्‍हाङ्‌आ योसेफ अ़नुवाक खारु अ़पुवाकि मिस्र हेन्‍कोप्‌दाओ हाङ फारोआ खो अ़ऩङानुसु। खोन्‍किना खो मिस्र हेन्‍कोप्‌दाओ खोन्‍कि हाङ्‌ओ झारा अ़खिम्‍लुम्‍पादाओ हाङ्‌काचि कामु अ़मुवा।

१ कोरिन्‍थि 12:8

सेङ्‌लावालाम्‍पा खा-खाक्‍को खारुओ य़ङ चेप्‍मा, खा-खाक्‍को मो सेङ्‌लावालाम्‍पाङा तायाओ य़ङ चेप्‍मा,

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

कलस्‍सि 1:9

खोन्‌ओसा आम्‍नुओ तुक्‌वादा आन्‍कान्‍का एनुम्‍काओ लेन्‌दाङ्‌का झारा लावामि खारु खोन्‍कि तुप्‍माआ निनाम्‍हाङ्‌ओ अ़चुमिन्‍मा नुलोक तुप्‍मा त़ऱम्‍ने निकिना आम्‍नुओ निम्‍पाङ आन्‍कान्‍का यामात्‍मा मान्‍छित्‌युक्‍तुम्‍का।

१ तिमोथि 4:15

ओ काचिचि मुचि। मो य़ङ्‌चिएदा आम्‍मिन्‍मा पाक्‍तुयुङ्‌सु, खोन्‌ओसा झारासाआ आम्‍ऱमा पोन्‌याङ्‍ओ अ़खाङ्‌ने।

२ तिमोथि 2:6

चात्‍लो काचि कामुआ चा सिवाओ बुयाओ अ़लोक तोक्‍मादोत।

२ तिमोथि 2:8

म़सुवादाओदाङ्‌का म़खोन्‍तालोन्‍ताओ दाउद भुङ्‌दाओ येसु ख्रिस्‍त मित्‍तु, अ़ङ्‌का खालुसुङ्‌ओ नुय़ङ्‌खान ओक्‍कोङा ओ।

हिब्रु 12:3

अ़चुदेङ्‌सालाप्‍पादाओ हेवामिचिओ च़लोक फित्‍चि खोक्‍कोसाआ अ़आङ्‌ताओ मित्‍तानुम। खोन्‍नालो खानानिन त़होत्‍तिमिन खोन्‍कि आम्‍नुओ राक अ़स़निन।

हिब्रु 13:7

आम्‍नुओ बुयाओ बुसुवाचि मित्‍तानुम्‍च़म, खोचिआ खानानिन निनाम्‍हाङ्‌ओ अ़चुय़ङ खाऩएत्‍तिन। खोचि देत्‍नि अ़नुवाक ह़ङ्‌म़ङ म़ह़ङाओ मित्‍तानुम, खोन्‍कि मोचिओ अ़चुसाकोङ्‌छ़ङ्‌ओ अ़मात्‍ऩङ त़ङ्‌तानुम।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 7:4

हान मिनानिन, मल्‍किसेदेक देम तोक्‍पो मुवाङा! अब्राहाम आन्‍सुन्‍तुम्‌आछाङ ङेन्‌दा छोसाकि तोक्‍तुओ सामाचिओ दस्‌कालोक्‌ओ अ़क लोक खो प़।

याकुब 1:5

खानानिन्‌एदा साङ खारु अ़तोक्‍निनिन्‌नालो निनाम्‍हाङ्‌एदा दोत्‍ने, खोन्‍कि खोक्‍कोसाआ तोक्‍पो मिन्‍माआ यामान्‍सान्‍माङ मो अ़प़।

याकुब 3:15

ओवाको खारु निनाम्‍मादुङ्‌का अ़य़निन। मेन ओ ना हेन्‍खामादाङ्‌काओ, मान्‍साम्‌योक्‍मि खोन्‍कि सैतानादाङ्‌का ओ।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।