२ तिमोथि 2:15 - बान्‍तावा राई

¹⁵ लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

२ तिमोथि 2:15 Iomraidhean Croise

मत्‍ति 13:52

खोक्‍कोसाआ मोचि म़लोचि, “खोवात्‍निओसा, साङ्‌छाङ निनाम्‍हाङ्‌होन्‌ओ अ़तुक्‌वादा चिन्‍ताकिना अ़य़ङ्‌हुप काचिन्‍पा लिसानालो, खो अ़क्‍छा खिम्‍हाङ्‌पावाको ओ। खोसाआ अ़स़ङ्‌कुलुधुन्‌दाङ्‌का अ़ऩङ्‌वा खोन्‍कि बुयाओ अ़लुङ छ़ओ सामाचि बुङ्‌खादा लारुचि।”

मर्कुस 4:33

खोचिआ तुप्‍मा अ़रुवालो मोवाकोङा येसुआ ब़द्‍धे दोय़ङ्‌लाचिदाङ्‌का निनाम्‍हाङ्‌ओ अ़चुय़ङ मोचि खाम़एत्‍तुचि।

लुका 12:42

खोन्‍कि हाङ्‌पाआ म़लासुलोचि, “सोम्‍कुवा मुमाय़ङ खोन्‍कि खारु कातोक खिम काचि काखाङ साङ ओ? खोसोओ अ़हाङ्‌पाआ नि अ़हारुक्‌चि खोसोओ अ़छुक्‌दा अ़पाक्‌कि मोचिआ चामादोत्‌ओ ग़रिदा मोचिओ अ़चुचामा, दुङ्‌मायु काप़ अ़मु।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

छाम्‍माय़ङ 20:27

देकिनालो निनाम्‍हाङ्‌ओ झारा अ़चुमित्‍चिऩङ खानानिन खाएत्‍मा अ़ङ्‌का देङ्‌मान्‍दाङा।

रोमि 14:18

साङ्‌आ ओवात्‍नि ख्रिस्‍त ब़रु, मो य़ङ्‌आ निनाम्‍हाङ्‌ओ अ़चुऩङानु खोन्‍कि म़नाचिआ अ़नुवाक अ़कान।

रोमि 16:10

ख्रिस्‍तएदा सोम्‍कुवा मुमा खान्‍तुओ कान्‍माय़ङ अपेल्‍लेस सेवानि लोत्‍निप़नि। अरिस्‍तोबुलस्‌ओ अ़खिम्‍लुम्‍पादाओचि सेवानि लोत्‍निप़नि

रोमि 6:13

आम्‍नुओ पोक्‌ओ खाक्‍कोछाङ अ़फुत्‌चि हेवा मुमा निम्‍पाङ अ़अ़त्‍पाओ मित्‍चिऩङ्‌चिदा मान्‌याङ्‌दानुम्‍च़म। मेन स़मादाङ्‌का ह़ङ्‌म़ङ्‌दा काफान्‍नान्‍चिन म़नाचिवात्‍नि निनाम्‍हाङ्‌ओ अ़नुवाक अ़चुकाचि मुसि पुवालावानिन्‍चिन खोन्‍कि झारा आम्‍नुओ पोक्‍फुत्‌चि साम्‌योक्‍मिओ अ़मित्‍चिऩङ्‌चिओ निम्‍पाङ याङानुम्‍च़म।

१ कोरिन्‍थि 2:6

खोन्‍नुछाङ आन्‍कान्‍का कालेकासिन्‌चिओ अ़चुरादा तायाओ य़ङ खालुन्‍का, मेन ओ जुगादाओ ताया माङ्‌लो ओ जुगादा हाङ्‌काचि कामुचिओ अ़चुतायादा माआङ। मोचि ना म़माखात।

२ कोरिन्‍थि 10:18

देकिनालो आप्‍पि काचोन्‍नान्‍चिन म़ना ऩलोउन, मेन हाङ्‌पाआ अ़चोन्‌ओ अ़लोक।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

२ कोरिन्‍थि 4:2

आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

२ कोरिन्‍थि 5:9

खोन्‌ओसा आन्‍कान्‍का आन्‍काओ पोक्‌दाङा युङिन्‍काने माङ्‌लो अ़थाया युङिन्‍काने, खोक्‍कोसोओ अ़चुऩङानुमा आन्‍काओ मित्‍चिऩङ मु।

गलाति 1:10

दि अ़ङ्‌का म़नाचिओ अ़चुचोन्‍मा लामुङ्‌योङ ओ, हे निनाम्‍हाङ ओ? माङ्‌लो दि अ़ङ्‌का म़नाचिओ अ़चुऩङानुमा लाप्‍तुङ्‌योङ्‌च़ङ? मोवात्‍नि च़लोक हान्‍छाङ म़नाचिओ अ़चुऩङानुमा लाप्‍तुङ्‌योङ्‌च़ङ्‌नालो अ़ङ्‌का ख्रिस्‍तओ अ़चुहारुक मान्‍लिङा ओ।

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

१ थेसलोनिकि 2:4

मेन निनाम्‍हाङ्‌आ आन्‍कान्‍का अ़चुनुय़ङ्‌खान प़मा अ़खान्‍तिन्‍काओ अ़काइसिन्‌युङ्‌सिन्‍का। खोन्‌ओसा आन्‍कान्‍का ओ य़ङ खालुसुम्‍का, म़नाचि अ़चुऩङानुमा निकिना माआङ, मेन निनाम्‍हाङ्‌ओ अ़चुऩङानुमा निकिना ओ, खोक्‍कोसाआ आन्‍काओ साकोङ्‌वा अ़धुन अ़खाङ्‌युङ।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:15

अ़ङ्‌का स़ङाकिछाङ ओ य़ङ्‌चि अ़धुन मित्‍मा रुवानुम्‍च़म निकिना अ़ङ्‌का चाअ़त्‍लो काचि मुङा।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।