२ तिमोथि 2:12 - बान्‍तावा राई

¹² आन्‍कान आङ्‌तुम्‌युङ्‌सुम्‌नालो आन्‍कान्‌छाङ खोक्‍कोएनान हाङ मुन। खोक्‍को आन्‍कान ऩङाछिरुम्‌नालो खोक्‍कोसाआछाङ आन्‍कान ऩङाम़छित।

२ तिमोथि 2:12 Iomraidhean Croise

मत्‍ति 10:33

मेन साङ्‌आ अ़ङ्‌का म़नाचिओ अ़चुबुदा ऩङाअ़छित्‍ङा, अ़ङ्‌काछाङ मो निनाम्‍मादु कायुङ अ़ङ्‌पापाओ अ़चुबुदा ऩङाछिरुङ।

मत्‍ति 26:35

पत्रुस्‌आ खोक्‍को अ़लोवा, “अ़ङ्‌का खानानिन्‌एनान स़मादोत्‌नुछाङ अ़ङ्‌का देम्‍खाछाङ खानानिन ऩङाअ़छित्‍नानिमिन।” खोन्‍कि नि झारा अ़चुकाखेङ्‌पाचिआछाङ मोवात्‍निङा अ़लोवा।

मत्‍ति 26:75

खोन्‍किना येसुआ अ़लोवाओ मो य़ङ पत्रुस्‌आ मित्‍तुतोक्‍तु, “वापापा ओक्‍मा बुया खाना अ़ङ्‌का सुम्‌कादुतारि ऩङात़छित्‍ङा।” खोन्‍किना खो बुङ्‌खाया लोन्‍ताकि घुक्‍स़क्‍नि खावा।

मर्कुस 10:33

“एनानुम, आन्‍कान यरुसलेम्‌ह्‍यात्‍नि खारिन्‌येन। मोदा म़नाओ अ़छा मुलो काब़क्‍पाचि खोन्‍कि य़ङ्‌हुप काचिन्‍पाचिओ अ़चुछुक्‌दा अ़पाक। मोचिआ खो सेत्‍मादोत निकिना लाहि अ़पाक, खोन्‍कि निरावाचिओ अ़चुछुक्‌दा अ़पाक।

मर्कुस 8:38

खाक्‍को ताङ्‌लान कामु खोन्‍कि हेवामि ओ दुङ्‌दा अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओछाङ अ़चुपापाओ अ़साम्‌दा म़सेङ्‌याङ्‌ओ निनाम्‍हाङ काफाचिएनान लाय़हिदा मोएदा अ़लेजो कात।”

लुका 12:9

मेन साङ्‌आ अ़ङ्‌का म़नाचिओ अ़चुबुदा ऩङाअ़छित्‍ङा, अ़ङ्‌काछाङ मो निनाम्‍हाङ काफाचिओ अ़चुबुदा ऩङाछिरुङ।

लुका 22:29

देत्‍नि अ़ङ्‌पापाआ अ़ङ्‌का हाङ्‌होन ऩपुवाङ, मोवात्‍निङा अ़ङ्‌काछाङ खानानिन हाङ्‌होन प़नानिन,

लुका 22:30

खोन्‌ओसा खानानिन्‌छाङ अ़ङ्‌हाङ्‌होन्‌दा अ़ङ्‌चा चाखादा चामा खोन्‍कि दुङ्‌मा त़ऱन, खोन्‍कि इस्राएल्‌दाओ बारकाभुङ्‌चिओ छ़ङ्‌छेन्‌याङ्‌सा हाङ्‌युङ्‌खाचिदा त़युङिन।

लुका 9:26

मेन खाक्‍को म़ना अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओ अ़साम, अ़चुपापाओ अ़साम्‌दा खोन्‍कि म़सेङ्‌याङ्‌ओ निनाम्‍हाङ काफाचिएनान साम्‍स़रि लिकि लाय़हिदा मोएदा खोसोओछाङ अ़लेजो कात।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 5:17

देकिनालो अ़क्‍छा म़ना आदम्‌ओ अ़हेवाआ स़मा हाङ मुवानालो निनाम्‍हाङ्‌ओ तोक्‍पो अ़चुसोमातुक्‍मा खोन्‍कि खोक्‍कोसो साम्‌योक्‍मिओ छुक्‍तुप्‍मा कातोक्‌चिआ अ़क्‍छा म़ना येसु ख्रिस्‍तलाम्‍पाङा अ़धुन्‌ओ ह़ङ्‌म़ङ अ़तोक।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

फिलिप्‍पि 1:28

खोन्‍कि आम्‍नुओ फित्‍चि कामुचिदाङ्‌का दियाको य़ङ्‌दाछाङ मान्‍क़दानिन। ओ निनाम्‍हाङ्‌आ मोचि म़लुक्‍ने निम्‍पाङ खाङ्अ़मुयाङ ओ, मेन खानानिन त़लेरिन।

१ तिमोथि 5:8

साङ्‌आ अ़म़नाचिओ खोन्‍कि च़लोक्‌वा अ़खिम्‍लुम्‍पा अ़खान्‍चिन्‌नालो मोसाआ अ़साकोङ्‌छ़ङ ऩङाछिरु, खोन्‍कि साकोङ्‌छ़ङ मान्‍मुकादादाङ्‌का अ़अ़त्‍पा लि।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।

खाङ्‌मुमा 1:6

खोक्‍कोसाआ आन्‍कान अ़चुहाङ्‌होन्‌ओ म़नाचि म़मुवायुङ्‌सा, खोन्‍कि निनाम्‍हाङ खोन्‍कि अ़चुपाओ काब़क्‌चि म़मुवायुङ्‌सा। येसु ख्रिस्‍तओ झारा अ़चुऩङ्‌लोङ्‌मा खोन्‍कि सावा अ़धुन-अ़धुन्‌तारि युङ्‌युङ्‌ने! ओवात्‍निङा लिने।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 20:4

खोन्‍किना अ़ङ्‌का हाङ्‌युङ्‌खाचि खोन्‍कि मोचिदा कायुङ्‌चि खाङ्‌च़ङ, मोचि छ़ङ्‌छेन्‍मा पाङ म़प़युङ्‌सुचि। खोन्‍कि येसुओ अ़चुसालुम्‍स़ङ्‌ओ निम्‍पाङ खोन्‍कि निनाम्‍हाङ्‌ओ अ़चुय़ङ खाअ़लुसाओसा अ़चुताङ म़क़प्‍ताओचि, खोन्‍कि मो साक्‍स़ङ खोन्‍कि मो साक्‍स़ङ्‌ओ अ़सेम्‍पोक मान्‍ब़क्‍कादाचि खोन्‍कि मोसोओ अ़सेप्‍मा अ़चुछुक त़ऱबुप्‌दा मान्‍पाक्‍कादाचि अ़ङ्‌का खाङ्‌च़ङ। मोचि म़लासाखोन्‍तालोन्‍ता, खोन्‍कि ख्रिस्‍तएनान अ़क हजाराकादोङ हाङ म़मुवा।

खाङ्‌मुमा 20:6

बुयाओ खोन्‍मालोन्‍माय़ङ्‌दा कावाङ्‌चि आसिखा कातोक खोन्‍कि म़सेङ्‌याङ्‌ओचि ओ! ओचि ह्‍वातात्‌ओतात स़माओ अ़सावाआ देत्‍छाङ मुमा अ़ऱन्‍चिन, मेन मोचि निनाम्‍हाङ खोन्‍कि ख्रिस्‍तओ अ़चुकाब़क म़लि, खोन्‍कि खोक्‍कोएनान अ़क हजाराकादोङ्‌तारि हाङ म़मु।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

खाङ्‌मुमा 3:8

अ़ङ्‌का आम्‍नुओ काचिचि सिन्‍तुङ्‌योङ्‌च़ङ। खानुम, अ़ङ्‌का आम्‍नुओ बुदा लाप्‍तिखोप होत्‍नाप़नायुङ्‌नानिन, मो साङ्‌आछाङ छेक्‍मा अ़ऱन। खानानिन्‌एदा उन्‍नि सावा याक्‌याङ, खोन्‍नुछाङ खानानिन अ़ङ्‌य़ङ त़काङ्‌सिन्‌युङ्‌सिन खोन्‍कि अ़ङ्‌ऩङ ऩङामान्‍छित्‍त़युक्‍तुम निकिना अ़ङ्‌का सिन्‍तुङ्‌योङ।

खाङ्‌मुमा 5:10

खोन्‍कि मोचि अ़क्‌तात हाङ्‌होन खोन्‍कि आन्‍काओ निनाम्‍हाङ काब़क्‌चि त़मुम्‌युङ्‌सुम्‍च़म, खोन्‍कि मोचि हेन्‍खामादा हाङ्‌म़मु।”