२ तिमोथि 1:9 - बान्‍तावा राई

⁹ खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

२ तिमोथि 1:9 Iomraidhean Croise

मत्‍ति 1:21

मोसाआ अ़क्‍छा दुवाछा तोक्‍तु, खोन्‍कि खाना खोक्‍कोसोओ अ़चुऩङ येसु त़पाक्‍तु, देकिनालो खोक्‍कोसाआ अ़चुम़नाचिओ अ़चुहेवाचिदाङ्‌का म़लेइसुचि।”

लुका 10:21

मोन्‍ग़रिङा येसु सेङ्‌लावाआ म़भेप्‍ताकि ब़द्‍धे अ़चुऩङानुयाङ्‌सा म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म। उवा, आपो, देकिनालो ओवात्‍निङा च़मा खानानिन त़स़न।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

युहन्‍ना 17:9

अ़ङ्‌का मोचिओ निम्‍पाङ यामात्‍ङा, हेन्‍खामाओ निम्‍पाङ अ़ङ्‌का याअ़मात्‍ऩङ, मेन साङ-साङ्‌चि खानानिन्‌आ अ़ङ्‌का त़प़नियुङ्‌नि, देकिनालो मोचि आम्‍नुओचिङा ओ।

युहन्‍ना 6:37

अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 2:47

खोन्‍कि अ़धुन निनाम्‍हाङ्‌ओ अ़चुऩङ अ़चोन्‍ताङा खोन्‍कि झारा म़नाचिआ मोचि ऩङाम़नुसुङुचि। खोन्‍कि हाङ्‌पाआ मोचिओ अ़चुरुहुप्‌दा अ़लेन्‍खिन्‍तुम साकोङ्‌छ़ङ कामु म़नाचि म़तेप्‍तुप़ङुचि।

रोमि 11:14

अ़ङ्‌का मिन्‍ङा, मोवात्‍नि, अ़ङ्‌यहुदि रावाचि ऩङ्‌च़ मुमेत्‍मा ऱङ्‌च़ङ्‌ने, खोन्‍कि मोचिएदाओ खा-खाक्‍कोचि लेन्‍मा ऱङ्‌च़ङ्‌ने।

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

रोमि 9:24

खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

१ कोरिन्‍थि 1:18

देकिनालो क्रुस्‌ओ नुय़ङ्‌खान म़लुक्‌याङ्‌ओचिओ निम्‍पाङ खामान्‍सिन य़ङ ओ, मेन आन्‍कान म़लेन्‌याङ्‌ओचिओ निम्‍पाङ ओक्‍को ना निनाम्‍हाङ्‌ओ अ़चुसावा ओ।

एफिसि 1:11

खोक्‍कोसोओ अ़चुमित्‍चिऩङ्‌वा झारा य़ङ्‌चि खोक्‍कोसोओ अ़चुमिन्‍माओ यायोक्‌वा म़तासुलाचि।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

फिलिप्‍पि 3:14

खोन्‌ओसा निनाम्‍मादुओ सिरिफा तोक्‍मा मित्‍चिऩङ्‌आ बुया लोत्‍ङाङा। निनाम्‍हाङ्‌आ ओसोओ निम्‍पाङ ख्रिस्‍त येसुलाम्‍पा निनाम्‍मादुत्‍नि ऩबुत्‍ताङ्‌ओ।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

१ तिमोथि 1:1

आन्‍कालेन्‍पा निनाम्‍हाङ खोन्‍कि आन्‍सोम्‍कुवा येसु ख्रिस्‍तओ अ़चुलोमाआ येसु ख्रिस्‍तओ अ़चुछाम्‍माय़ङ अ़ङ्‌का पावल्‌आ,

२ तिमोथि 1:1

ख्रिस्‍त येसुदा याक्‌याङ्‌ओ ह़ङ्‌म़ङ्‌ओ हिप्‍माय़ङ्‌वा निनाम्‍हाङ्‌ओ अ़चुमित्‍मालाम्‍पा ख्रिस्‍त येसुओ अ़चुछाम्‍माय़ङ पावल्‌दाङ्‌का,

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 17:8

खाना त़खाओ मो साक्‍स़ङ अ़क्‍दु ह़ङाङा, हान मात्‍द़ङ। हान्‍छाङ मो अ़थेन मात्‍द़ङ्‌ओ हुत्‌दाङ्‌का लालोन खोन्‍कि लुक्‍सि खात। हेन्‍खामादा कायुङ म़नाचि, साङ्‌कोओ अ़ऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक, मोचिआ मो साक्‍स़ङ अ़खाङ्‌कि दोम्‍तुदाचि, देकिनालो मो अ़क्‍दु ह़ङाङा, मेन हान मात्‍द़ङ खोन्‍कि मो माय़ङ लाता।