२ तिमोथि 1:7 - बान्‍तावा राई

⁷ देकिनालो निनाम्‍हाङ्‌आ आन्‍कान क़माओ लावा माआङ, मेन सावा, सोम्‍तुक्‍मा खोन्‍कि आप्‍पि क़म्‍मान्‍चिन्‌ओ लावा म़पुवायुङ्‌सा।

२ तिमोथि 1:7 Iomraidhean Croise

लुका 10:19

एनानुम, अ़ङ्‌का खानानिन प़चि खोन्‍कि लुङ्‌छुमिचि नेप्‍मा खोन्‍कि ङेङ्‌ओ झारा सावाएदा छोमा पाङ प़नायुङ्‌नानिन। खोन्‌ओसा दिसाआछाङ खानानिन देत्‍छाङ मुमा त़ऱनानिमिन।

लुका 15:17

मोसोओ अ़खारु छेक्‍ताकि मो य़ङा, ‘अ़ङ्‌पाओ अ़काफाचि देम्‍कापाङ्‌साआ ब़द्‍धे अ़चाकिछाङ अ़हेन! मेन अ़ङ्‌का ओदा सास़ङाकि स़मादामा मुङाङा!

लुका 24:49

अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ, अ़ङ्‌का खानानिन्‌एदा मो य़सुङ। मेन धानाङ्‌का सावा मान्‍तोक्‍त़युक्‍तुम्‌तारि खानानिन ओ यरुसलेम्‌दाङा युङायुङ्‌सानिन।”

लुका 8:35

खोन्‍कि म़नाचि दे लिसा निकिना खाङ्‌सि म़खारा। मोचि येसु म़युङाङाओदा म़तालाहिदा मोचिआ मो म़नाएदाङ्‌का चाकावालावा लोन्‍ताखारायुङ्‌साओ अ़खा। मोन्‍ग़रि मो नुवाकिना तित हुम्‍साकि येसुओ अ़चुबुदा युङाङाओ अ़खा, खोन्‍किना मोचि झारासोओ अ़चुक़माकारा।

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

छाम्‍माय़ङ 1:8

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

छाम्‍माय़ङ 26:11

ब़द्‍धेकादु अ़ङ्‌का यावायोक्‍खिम-खिम्‌चिदा खाराङ्‌कि साकोङ्‌छ़ङ कामुचि दन्‍दा मुमेत्‍तुङ्‌च़ङ। खोन्‍कि खोचिओ अ़चुसाकोङ्‌छ़ङ राकाङ्‌थेत्‍नि छित्‍मेत्‍तुङ्‌च़ङ। खोन्‍कि अ़ङ्‌का खोचिएदाङ्‌का चाअ़त्‍लो अ़ङ्‌माइसुङ काराकिना खोचि दुखा प़माचि निम्‍पाङ निहेन्‍कोप्‌दाओ सहराचिदाछाङ खाराङ।

छाम्‍माय़ङ 26:25

मेन पावल्‌आ लासुलो, “सायाकातोक फेस्‍तस, अ़ङ्‌का हिम्‍सावा माआङ, अ़ङ्‌का अ़छ़ङ खोन्‍कि अ़नुवाक खारुआ चेप्‍ङाङा।

छाम्‍माय़ङ 6:8

खोन्‍कि निनाम्‍हाङ्‌आ स्‍तिफनस च़लोक आसिखा अ़पुवाकि सावाआ भेप्‍तु, खोन्‍कि म़नाचिओ अ़चुरादा अ़धिवा-अ़धिवा म़दोम्‍दाओ काचिचि खोन्‍कि बुन्‌चि मुचि।

छाम्‍माय़ङ 9:22

मेन सावल्‌ओ अ़खालुमा च़लोक सावापोरि लियाङ्‌साखारा, खोन्‍कि “येसुङा ख्रिस्‍त ओ” निकिना सालुम्‍स़ङ प़चिकि दमस्‍कस्‌दा कायुङ यहुदिचि दोम्‍पुवाचिचि मुचि।

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 8:15

देकिनालो किन्‍माकि हारुक मुमा लावा खानानिन्‌आ मान्‍तोक्‍त़युक्‍तुम, मेन तात्‍मा छा लिमाओ निम्‍पाङ निनाम्‍हाङ्‌ओ अ़चुलावा त़तोक्‍तुम्‌युङ्‌सुम। खोन्‌ओसा निनाम्‍हाङ लावालाम्‍पा आन्‍कान निनाम्‍हाङ “अब्‍बा! आपो!”नि बुत्‍तुम।

१ कोरिन्‍थि 2:4

अ़ङ्‌का चेवाङ्‍ओ य़ङ खोन्‍कि खाएत्‍नानिन्‌ओ नुय़ङ्‌खान आम्‍नुओ कोङ्‌दा खात्‌ओ खोन्‍कि ताया याआङाओ य़ङ्‌चिदा मात्‍द़ङ्‌याङ, मेन सेङ्‌लावाओ खोन्‍कि सावाओ अ़खाङ्‌मुमादा याआङा।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

कलस्‍सि 1:8

सेङ्‌लावाआ खानानिन ऩप़न्‌ओ सोमातुक्‍माओ अ़तुक्‌वादा खोसाआ आन्‍कान्‍का खाअ़एत्‍तिन्‌युङ्‌सिन्‍का।

हिब्रु 2:15

खोन्‍किना स़माओ क़माआ ह़ङ्‌म़ङ भेप्‍लो हारुक म़लिसाओचि खोक्‍कोसा म़फोङ्‌सुलोइसुचि।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ युहन्‍ना 4:18

सोम्‍तुक्‍मादा क़मा अ़याक्‍निन, मेन अ़छ़ङ सोम्‍तुक्‍माआ क़मा माङ्‌सुखाइसु। देकिनालो क़मादा दन्‍दा याक, खोन्‍किना काक़ म़नाएदा अ़छ़ङ सोम्‍तुक्‍मा अ़याक्‍निन।