२ तिमोथि 1:12 - बान्‍तावा राई

¹² खोवात्‍निओसा अ़ङ्‌का ओ य़ङ्‌चिदा छेक्‍खादा दुखा आङ्‌तुङ्‌योङ, खोन्‍नुछाङ अ़ङ्‌का ओ य़ङ्‌दा अ़ङ्‌लेजो अ़कात्‍निन। देकिनालो अ़ङ्‌का साङ्‌एदा साकोङ्‌छ़ङ मुङ्‌युङ्‌सुङ, अ़ङ्‌का सिन्‍तुङ्‌योङ खोन्‍कि अ़छ़ङ मुङ्‌युङ्‌सुङ, दि अ़ङ्‌का खोक्‍कोसोओ अ़चुलामाय़मातारि प़ङ्‌युङ्‌सुङ, मो रात्‍मा काऱ खोक्‍को म़युङ्‌याङ।

२ तिमोथि 1:12 Iomraidhean Croise

मत्‍ति 12:21

खोक्‍कोसोओ अ़चुऩङ्‌दा झारा रावा-रावाचि तामित्‍मा म़मु।”

मत्‍ति 24:36

मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़चुछाआङा, मेन निनाम्‍हाङ पापाआ ओन्‍ङा अ़सिन्‌याङ।

मत्‍ति 7:22

मो छ़ङ्‌छेन्‍मा लेन झारासा अ़ङ्‌का ऩलोङा, ‘हाङ्‌पो, हाङ्‌पो दि आन्‍कान्‍का आम्‍नुओ ऩङ्‌दा निनाम्‍हाङ्‌य़ङ खामान्‍लुदान्‍का? आम्‍नुओ ऩङ्‌दा चाकावालावाचि मान्‍लोन्‍दोम्‍च़म्‍का? खोन्‍कि आम्‍नुओ ऩङ्‌दा सावापोरिओ काचिचि मान्‍मुदोम्‍च़म्‍का?’

लुका 10:12

अ़ङ्‌का खानानिन लोनानिन, छ़ङ्‌छेन्‍खा लेन खानानिन्‌दाङ्‌का अ़अ़त्‍पा सदोम सहरादाओ म़नाचिआ च़लोक निनाम्‍हाङ्‌ओ अ़चुदन्‍दा आङ्‌मा अ़ऱलो लि।”

लुका 23:46

खोन्‍किना येसु अ़धिवाङ य़ङ्‌आ म़पाराकि म़य़ङा, “आपो, अ़ङ्‌का अ़ङ्‌लावा आम्‍नुओ छुक्‌दा पाक्‍नाङ्‌नानिन।” ओन म़य़ङाकि खोक्‍कोसोओ अ़चुसाक्‍मा खारा।

युहन्‍ना 17:15

खानानिन्‌आ मोचि हेन्‍खामादाङ्‌का खात्‍तानुम्‍च़म निकिना अ़ङ्‌का याअ़मात्‍ऩङ, मेन मोचि अ़त्‍सावादाङ्‌का रात्‍तानुम्‍च़म।

युहन्‍ना 6:44

अ़ङ्‌का काछुत अ़ङ्‌पापाआ अ़ङ्‌काएदा मो अ़तित्‍तुन्‍तारुन्‌नालो साङ्‌छाङ अ़ङ्‌काएदा तामा अ़ऱनिन। मेन मो तानालो अ़ङ्‌का मो आदेङ्‌ओ लेन ह़ङ्‌सुङ्‌लोइसुङ।

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

छाम्‍माय़ङ 7:59

म़नाचिआ स्‍तिफनस लुङ्‌ताक्‌आ अ़कोआङाहिदा स्‍तिफनस यामारा, “हाङ्‌पा येसु, अ़ङ्‌लावा लोआनुम!”

छाम्‍माय़ङ 9:16

देकिनालो अ़ङ्‌ऩङ्‌ओ निम्‍पाङ खोसाआ देम दुखा आङ्‌मादोत, अ़ङ्‌का खो खाङ्‌मेत्‍तुङ।”

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 9:33

ओवात्‍नि छाप्‍तायुङ्‌सा, “खानुम, अ़ङ्‌का सियोन्‌दा अ़क्‌तात लुङ युङ्‌सुङ्‌योङ, मोदा म़नाचि म़धुङ, खोन्‍कि अ़क्‌तात लुङ्‌छ़ङ युङ्‌सुङ्‌योङ, मोसाआ मोचि धाम्‍सुचि, मेन खोक्‍कोएदा साङ सोम्‍कुवा मु, मो लेजोदा अ़छुक्‍निन।”

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

१ कोरिन्‍थि 3:13

छ़ङ्‌छेन्‍मा लेन्‌दा झारासाआ अ़मुवाओ अ़चुकाचि मिलाम्‍पा नुलोक दात। खाक्‍को म़नाआ दियाको काचि मुओ, मो मिआ खाङ्‌मुसु।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

फिलिप्‍पि 3:10

अ़ङ्‌का ख्रिस्‍त खोन्‍कि खोक्‍कोसोओ अ़चुलामाखोन्‍मालोन्‍मा सावा सिन्‍मानि मिन्‍ङा, खोन्‍कि खोक्‍कोसोओ अ़चुस़मादा खोक्‍कोवात्‍निङा लिङाकि खोक्‍कोसोओ अ़चुदुखा आङ्‌मादा वाङ्‌मा ऱङाने,

फिलिप्‍पि 3:21

खाक्‍को सावालाम्‍पा झारा खोक्‍कोसोओ अ़चुक़म्‍मादा तात्‍मा म़ऱचि, आन्‍को अ़ऱनिन्‌ओ स़दाओ पोक खोक्‍कोसो आप्‍पिओ अ़चुसाम्‍स़रिओ पोक्‌वात्‍नि लिसि अ़फान।

फिलिप्‍पि 3:8

अ़नुछ्‍या ख्रिस्‍त येसु अ़ङ्‌हाङ्‌पा निकिना सिन्‍मा तोक्‍पो अ़वाखाम तोक्‍तुङ्‌ओदा नि झारा य़ङ्‌चि अ़काचि मात्‍द़ङ्‌ओनि मित्‍तुङ्‌च़ङ। ख्रिस्‍त तोक्‍मा ऱङ्‌ने निकिना खोक्‍कोसोओ निम्‍पाङ अ़ङ्‌का झारा य़ङ्‌चि छिरुङ्‌युङ्‌सुङ्‌च़ङ, खोन्‍किना झारा मोचि सिप्‍भाङ्‌वा मित्‍तुङ्‌च़ङ,

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!

१ थेसलोनिकि 5:4

मेन ब़ब़, नाना खोन्‍कि निछाचि ओ, खानानिन कुन्‌यामादा त़याइमिन्‌येन, खोन्‌ओसा हाङ्‌पा म़ताओ लेन आम्‍नुओ निम्‍पाङ काख़पा तान्‌वा त़दोम्‍तिन्‍दान्‍मिन।

१ तिमोथि 6:20

तिमोथि, दि खाना खाङ्‌मा ऩपुवायुङ्‌सा, मो रात्‍तुयुङ्‌सु। मान्‍साम्‌योक्‍मि चेप्‍मा खोन्‍कि दुम क़प्‍माय़ङ्‌चिदाङ्‌का अ़थाया युङा। मोचिआ मो य़ङचि “ताया”नि म़य़ङ, मेन मो सोज्‍जेओ ताया ओ।

२ तिमोथि 1:14

खाना ऩपुवाओ अ़नुवाक य़ङ्‌चि आन्‍कान्‌एदा कायाक सेङ्‌लावाओ अ़सावाआ रात्‍तुयुङ्‌सु।

२ तिमोथि 1:16

हाङ्‌पाआ ओनेसिफरस्‌ओ अ़खिम्‍लुम्‍पा सोमाअ़तुक्‍ने। देकिनालो खोसाआ अ़ङ्‌का अ़धुन राक अ़पुवाङ, खोन्‍कि अ़ङ्‌का छेक्‍खादा छुक्‍ताङ्‌हिदा देम्‍खाछाङ खोसोओ अ़लेजो मान्‍कात।

२ तिमोथि 1:18

हाङ्‌पा येसु म़लाय़ओ लेन हाङ्‌पाआ खो सोमातुक्‍मा खाङ्‌अ़मेत्‍ने! खाना नुलोक त़सिन्‍तुङु, एफिसस्‌दा खोसाआ अ़ङ्‌का ब़द्‍धे अ़फासाङ्‌ओ।

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

२ तिमोथि 2:9

मो नुय़ङ्‌खान्‌ओ निम्‍पाङ अ़ङ्‌का दुखा आङ्‌तुङ्‌योङ, खोन्‍कि य़ङ्‌हुप काफिवात्‍नि चोक्‍माय़आ अ़ङ्‌का छ़साङ्‌युङ्‌साङ। मेन निनाम्‍हाङ्‌ओ अ़चुय़ङ चोक्‍माय़आ अ़छुम्‍निन।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 2:18

खोक्‍कोसाआ अ़चाअ़त्‍मा अ़आङ्‌ता खोन्‍कि चिन्‍ताखा, खोन्‌ओसा चिन्‍माखाङ्‌मादा काछुक्‌चि खोक्‍कोसाआ फामा म़ऱचि।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।

१ पत्रुस 4:19

खोन्‌ओसा निनाम्‍हाङ्‌ओ अ़चुमिन्‍मावा दुखा काआङ्‌चि नुलोक म़च़ने, खोन्‍कि मोचिआ अ़चुलावा साकोङ्‌छ़ङ मुमा खान्‍तुओ कामुन्‍पा अ़प़ने।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।