२ तिमोथि 1:10 - बान्‍तावा राई

¹⁰ मेन मो सोमातुक्‍मा ओन्‍ग़रि आन्‍कालेन्‍पा येसु ख्रिस्‍तओ अ़चुतामालाम्‍पा आन्‍कान खाङ्‌म़मेत्‍तायुङ्‌सा। खोक्‍को स़मादा म़छोसा, खोन्‍कि नुय़ङ्‌खान्‌लाम्‍पा अ़लुक्‍निन्‌ओ ह़ङ्‌म़ङ साम्‌दा अ़तारा।

२ तिमोथि 1:10 Iomraidhean Croise

लुका 11:36

खोन्‌ओसा झारा आम्‌याम खादात्‍निछाङ कुन्‌यामा मान्‍लिमाङ उयाङ्‌नालो खाउप्‍खाओ अ़साम्‌आ खाना त़उप्‌वात्‍नि झारा आम्‌याम लेत।”

लुका 13:7

खोन्‍किना मोसाआ अङ्‌गुराखा काखाङ म़ना लो, ‘खाखो, अ़ङ्‌का ताङ्‌कि ओ वासिताङ्‌दा अ़सिवा लामुङ्‌योङ्‍ओ सुम्‌कादोङ लिसा। मेन अ़क्‍बोप्‌छाङ मान्‍धित्‌युक्‍तुङ। ओ धेरु तेइसु। देकि ओसाआ व़क काक्‍मेत्‍मा?’

लुका 2:11

आय़ दाउद्‌ओ अ़तेन्‌दा कालेन्‍पा आम्‍नुओ निकि म़पुक्‍तान्‌युङ्‌सान्‍चिन। खो ख्रिस्‍त हाङ्‌पा म़युङ्‌याङ।

युहन्‍ना 1:9

झारा म़नाचि साम काप़ मो अ़नुछ्‍याओ साम हेन्‍खामादा म़ताङा।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

युहन्‍ना 5:40

खोन्‍नुछाङ ह़ङ्‌म़ङ तोक्‍सि अ़ङ्‌काएदा तामा आम्‍नुओ ऩङाछित।

छाम्‍माय़ङ 13:23

खोन्‍कि ओ दाउद हाङ्‌ओ अ़छावारिचिलाम्‍पा निनाम्‍हाङ्‌आ म़हिप्‍तुचिवा इस्राएलिचिओ निम्‍पाङ अ़क्‍छा कालेन्‍पा येसु अ़तासा।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 3:31

खोन्‍नालो दि आन्‍कान ओ साकोङ्‌छ़ङ्‌लाम्‍पा य़ङ्‌हुप छित्‍मा? अ़नुछ्‍या माआङ! मेन, आन्‍कान अ़य़ङ्‌हुप्‌ओ अ़सालुम्‍स़ङ य़ङ्‌याङ्‌वा च़न्‌येन।

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

१ कोरिन्‍थि 15:26

झारादाङ्‌का आदेङ अ़लुक्‌ओ ङेङ स़माओ।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 5:4

देकिनालो आन्‍कान्‍का ओ पोक्‌दा युङिन्‌येन्‍काहिदा मिन्‍मा चाअ़त्‍माआ आन्‍कान्‍का ह़त्‍पा लुन्‍का, आन्‍कान्‍का आन्‍काओ कालाङ्‌द़क लिसिन्‍काने निम्‍पाङ माआङ, मेन च़लोक दिप्‍तिन्‍चिन्‍काने निकिना ओ। खोन्‌ओसा दि स़दाओ मुयाङ, मो ह़ङ्‌म़ङ्‌दा फान्‍नान्‍चिन्‍ने।

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

२ थेसलोनिकि 2:8

खोन्‍किना य़ङ्‌हुप काभुङ्‌खान खाङ्‌मुनान्‍चिन, खोन्‍कि हाङ्‌पा येसु साम्‌एनान म़य़याङ्‌हिदा अ़चुदोदाओ अ़चुसाक्‍माआ मो अ़लुक।

२ तिमोथि 1:1

ख्रिस्‍त येसुदा याक्‌याङ्‌ओ ह़ङ्‌म़ङ्‌ओ हिप्‍माय़ङ्‌वा निनाम्‍हाङ्‌ओ अ़चुमित्‍मालाम्‍पा ख्रिस्‍त येसुओ अ़चुछाम्‍माय़ङ पावल्‌दाङ्‌का,

२ तिमोथि 1:8

खोन्‌ओसा आन्‍हाङ्‌पाओ अ़चुसालुम्‍स़ङ प़मा आम्‍लेजो अ़कात्‍निन्‍ने, ना अ़ङ्‌का, ख्रिस्‍तओ निम्‍पाङ छेक्‍ङाङाओसो निम्‍पाङ आम्‍लेजो कात्‍ने। मेन निनाम्‍हाङ्‌ओ अ़चुसावादा नुय़ङ्‌खान्‌ओ निम्‍पाङ दुखा आङ्‌मादा अ़ङ्‌काएनान वाङा।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

तितस 3:4

मेन आन्‍कालेन्‍पा निनाम्‍हाङ्‌आ खोक्‍कोसोओ अ़चुनुलोक मुमा खोन्‍कि म़नाचिदात्‍निओ अ़चुसोम्‍तुक्‍मा आन्‍कान खाङ्‌म़मेत्‍ताकि खोक्‍कोसाआ आन्‍कान म़लेइसा। आन्‍कान आप्‍पि अ़नुवाक काचि मुम्‌ओसा खोक्‍कोसाआ आन्‍कान म़लेइसाओ ना माआङ, मेन खोक्‍कोसाआ आन्‍कान सोमाम़तुक्‍ताकि आन्‍हेवा वाम़स़त्‍तापुवाकि अ़ऩङ्‌वा ह़ङ्‌म़ङ म़पुवा खोन्‍कि निनाम्‍हाङ्‌ओ अ़चुलावालाम्‍पा आन्‍कान अ़ऩङ्‌वा म़मुवा।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 2:20

मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

२ पत्रुस 3:2

बुया सेङ्‌याङ्‌ओ निनाम्‍हाङ्‌य़ङ खाकालुचिआ खोन्‍कि आम्‍नुओ छाम्‍माय़ङ्‌चिलाम्‍पा खाअ़लुसाओ आन्‍हाङ्‌पा खोन्‍कि कालेन्‍पाओ अ़चुलोमाय़ङ खानानिन्‌आ मित्‍मादोत।

१ युहन्‍ना 1:2

अ़नुछ्‍याङा मो ह़ङ्‌म़ङ खाङ्‌म़मुसान्‍चिन, खोन्‍कि आन्‍कान्‍का मो खाम्‍काकि सालुम्‍स़ङ प़म्‍का, खोन्‍किना खानानिन अ़लुक्‍निन्‌ओ ह़ङ्‌म़ङ आन्‍कान्‍का खाएत्‍नि, मो निनाम्‍हाङ पापाएदा याआङा खोन्‍कि आन्‍कान्‍का खाङ्‌ऩमेत्‍तिन्‌युङ्‌सिन्‍का।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

खाङ्‌मुमा 18:1

खोन्‍किना निनाम्‍हाङ काफा निनाम्‍मादुङ्‌का धाङाओ अ़ङ्‌का खाङ। मो तोक्‍पो पाङ तोक्‍ताङा, खोन्‍कि मोसोओ अ़साम्‌आ झारा हेन्‍खामा छेङ्‌छेङ्‌छेङ्‌वा उप्‍तुदिसु।

खाङ्‌मुमा 2:7

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, अ़ङ्‌का खो निनाम्‍हाङ्‌ओ अ़चुस़ङ्‌सिबात्‍बुङ्‌खादाओ ह़ङ्‌म़ङ्‌ओ स़ङ्‌ताङ्‌ओ अ़सिवा चामा पाङ प़ङ।

खाङ्‌मुमा 20:14

स़मा खोन्‍कि सित्‍म़ङ्‌चि दुखा तोक्‍खा मिराक्‌दा वेइसादिसा। ओ मिराक ह्‍वादुओदु स़मा ओ।

खाङ्‌मुमा 22:14

अ़चुतित्‌चि वाकाधाप्‌चि आसिखा कातोक्‌चि ओ। मो सहराओ लाप्‍तिखोप्‌चिदाङ्‌का वाङ्‌मा खोन्‍कि ह़ङ्‌म़ङ काप़ स़ङ्‌ताङ्‌दाङ्‌का अ़सिवा चामा पाङ अ़तोक।

खाङ्‌मुमा 22:17

सेङ्‌लावा खोन्‍कि सायाकाकाम्‍मा म़य़ङ्‌याङ, “तानिन!” साङ्‌आ एनु मो य़ङ्‌ने, “तानिन।” साङ वामित्‍मा स़, मो ताने, साङ मिन मोसाआ ह़ङ्‌म़ङ्‌ओ चाक्‌वा मोहाङा दुङुने।