१ तिमोथि 6:3 - बान्‍तावा राई

³ साङ्‌आ सोज्‍जेओ य़ङ्‌चि चिन्‍तुचि खोन्‍कि आन्‍हाङ्‌पा येसु ख्रिस्‍तओ अ़छ़ङ य़ङ्‌चि खोन्‍कि साम्‌योक्‍मिवात्‍निओ चिन्‍माय़ङ्‌एनान अ़तोङ्‌निन्‌नालो,

१ तिमोथि 6:3 Iomraidhean Croise

मत्‍ति 22:21

मोचिआ खोक्‍को अ़लासालोवा, “कैसरओ।” खोन्‍किना खोक्‍कोसाआ मोचि म़लोचि, “खोन्‍नालो दि कैसरओ ओ, मो कैसरङा पुवानुम, खोन्‍कि दि निनाम्‍हाङ्‌ओ ओ, मो निनाम्‍हाङ पुवानुम।”

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ थेसलोनिकि 4:8

खोन्‌ओसा साङ्‌आ ओ चिन्‍माय़ङ ऩङाछिरु, मोसाआ म़ना माआङ, मेन निनाम्‍हाङ ऩङाछिरु, खोक्‍कोसाआङा खानानिन अ़चुसेङ्‌लावा ऩप़न।

१ तिमोथि 1:10

ताङ्‌लान कामुचिओ निम्‍पाङ, दुवाछा-दुवाछा अ़त्‍लोकाच़चिओ निम्‍पाङ, हारुक काइन्‌चिओ निम्‍पाङ, म़ना काम़प्‌चिओ निम्‍पाङ, सोज्‍जे सालुम्‍स़ङ काप़चि खोन्‍कि अ़छ़ङ चिन्‍माय़ङ्‌ओ अ़देङ्‌सालाप्‍पादा दियाकोछाङ काचि कामुचिओ निम्‍पाङ मुवा ओ।

१ तिमोथि 1:3

अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

१ तिमोथि 1:6

मेन खा-खाक्‍को म़नाचि ओ झारा य़ङ्‌चिदाङ्‌का म़थेमायुङ्‌सा खोन्‍कि अ़काचिमाद़ङ्‌ओ दुम्‍छ़न्‍मादा म़लासायुङ्‌सा।

२ तिमोथि 1:13

ख्रिस्‍त येसुएदा याक्‌याङ्‌ओ साकोङ्‌छ़ङ खोन्‍कि सोम्‍तुक्‍मादा अ़ङ्‌का चिन्‍नाओ अ़नुछ्‍याओ य़ङ्‌चि खाना त़ङ्‌मा अ़मात्‍ऩङ्‌ओ निम्‍पाङ रात्‍तुयुङ्‌सु।

२ तिमोथि 4:3

देकिनालो ग़रि तायाङ, मोन ग़रि मोचिआ अ़नुवाक चिन्‍माय़ङ ऩआङ्‌तुन, मेन मोचिआ अ़चुऩङानुओ चिन्‍माय़ङ ओन्‍ङा एन्‍मा म़लाम खोन्‍कि मोचिआ आप्‍पि अ़चुऩङानुओ य़ङ खाकाएत ब़द्‍धे काचिन्‍पाचि म़कोउचि।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।